مواصفات زوجة 2009

[Abdelrahman]

السلام عليكم جميعا
كنت قاعد مع 5 من الاصدقاء اعمارهم من 26 ل 38 سنه وكلهم متجوزين باستثناء واحد من الخمسه كان خاطب ومحصلش نصيب ..زي حلاتي...المهم الخمسه من المعادي و عين شمس و المنصوره والمهندسين
وبعد نقاش قوي جدا وطويل جدا توصلنا جميعا لمواصفات العروسه إلي المفروض أنا (بما اني بدور على عروسه) وأي شاب بيفكر صح انوا يدور عليها وهي كلاآتي:صباح الكوميديا في القرارات وصباح الي بتغني
1-ابعد عن خريجين طب وصيدله وهندسه ...ههههههههه....دول بيكونوا تعبوا جدا في الكليه وما بيكنش عندهم استعداد للقعده في البيت او التفرغ التام للبيت والزوج والاولاد....افضل حاجه ليهم واحد من نفس التخصص ونفس الدماغ...العلم ثم العلم ثم العلم ثم الطموح والبيت يولع....
2-ابعد عن الي ساكنه في مدينة نصر او مصر الجديده او المهندسين (المناطق الراقيه بصفه عامه)....هههههههه......دول بيكونوا مدلعين شويه ومش متعودين على تحمل مسؤولية البيت والاسره والاولاد ...بمعنى آخر بتكون مرفهه زياده عن اللزوم ..فأي طلب هاتطلبه منها (كباية شاي مثلا )هايكون تقيل جدا عليها....افضل حاجه ليهم واحد مش مرتب ومش منظم ودايما بره البيت معظم الوقت وكمان يا حبذا لو مليونير...
3-خد واحده يكون عمرها يا إما صغير قوي (يعني 20 او 21)او كبيره شويه صغيره (25 او 26) والحكمه من كده:
الصغيره قوي أنت الي تربيها على ايديك .........ههههههههه
الكبيره شويه صغيره ...بتحس انها كده دخلت في مرحله سنيه ما كنتش تحب تدخل فيها اي بنت بدون ارتباط وبالتالي بتقبل بحاجات ما كنتش بتقبل بيها قبل كده(تنازلات في مواصفات فارس الاحلام).....


بعد كل النتائج والقرارات الحاسمه دي ...ما اكدبش عليكم حسيت ان في في بعضها شئ من الصواب والبعض الآخر مبالغ فيه ومن وجهة نظري الشخصيه ان يوم ما هايأذن المولى عز وجل بقدره في الزواج ..هاتلاقي كل حاجه ميسره حتى ولو لم تنطبق تلك الشروط

أرجو بس ان ما حدش يزعل مني ..ده كان بس حوار بين شباب متجوز ومن مناطق مختلفه وحبيت بس اعرضه عليكم من باب العلم بتفكير الناس وصل لفين في موضوع الجواز ده ...سواء عن تجربه شخصيه او غيره

[Dr.A.Nabil]

انا معاك بشده في اول نقطه ... خصوصا ان انا من مؤيدي تفرغ المرأه للمنزل
-تاني نقطه صحيحه بنسبه 75 %
- تالت... اللي عمرها 20 او 21 دي بتكون دماغها صغيره ولسه ماتقدرش تتحمل مسئوليه اوي
-

[Hussein_Ramdan]

تمام كل التمام والى ميقولش تمام يبقا مش تمام

[دموع الثلج]

لا مش تمااااااااااام طبعا


يعنى خريجات الطب والصيدله وهندسه دول بقوا وباء
يعنى هى مش ذى اى بنت تحب يكون عنده بيت واطفال

اعرف عائله طبيب ودكتور جامعى وزوجته بنفس المرتبه
مستحيل يتجراء يطلب منها كوبايه مايه على طول ردها قوم جيب لنفسك انا مش ااقل منك
لا طبعا وجهه نظركم خطاء

البنت اللى حابه تكون اسره بيكون ده اول اهتمامتها فى الحياه واللى بتدلع هتفكر فى حقوق المراءه والمساواه والشغل والحوارات دى



ثانى شى موضوع السن من 20 الى 200
الكلام ده مش صحيح فيه بنات عمرهم الحقيقى عشرين سنه وعقلهم ونضوجهم الفكرى عمر واحده فى سن الاربعين

وفيه بنات عمرهم قرب الاربعين وتفكيرهم محدود ونضوجهم العقلى توقف عند سن ال18


سيبك من الكلام ده كله الخلاصه

البنت لوارتاحت نفسيا للشاب والعكس لو حصل راحه نفسيه وتوافق وحست انه هو الشخص المناسب لها واللى هيساعدها فى تكوين اسره مثاليه كل المشاكل اللى فى الدنيا وكانها لم تكن موجوده محدش فيهم بيشوفها لان كل طرف بيحاول يحل اى مشكله تضايق الطرف الاخر

[hamedo0]

انا معاكي يادموع في حكايه النضج والسن دى لا كن مش معاكي في بقيت الكلام
والخلاف في راى لا يفسد للود قضيه

[دموع الثلج]

انا معاكي يادموع في حكايه النضج والسن دى لا كن مش معاكي في بقيت الكلام
والخلاف في راى لا يفسد للود قضيه

طيب اقولك حاجه اهوه الشباب بيخافوا يرتبطوا بدكتوره عشان شغلها
مهندسه عشان شغلها
وصيدليه عشان شغلها
ومحاميه عشان برضوا شغلها قال يعنى خايف تسجنه لو عملها شى

يا جماعه الجواز مش كده خالص لو على وجهه النظر دى يبقى بلاش تعليم للبنات من اصله ونرجع تانى لايام الجهل

انا معاكم ان البنت لازم تتفرغ لبيتها وزوجها بس لو الظروف تسمح انها تمارس عملها بما لا يؤثر على بيتها مفيش مانع

[hamedo0]

بس صدقني معظم الانتي قولتي عليهم دول يخوفوا فعلا" + ان طول عمرنا عرفين ان الدكتوره بتاخد دكتور ومهندسه بتاخد مهندس قليل لما يبقي في شواذ

[KoDaK_Gti]

انا معاكم ان البنت لازم تتفرغ لبيتها وزوجها بس لو الظروف تسمح انها تمارس عملها بما لا يؤثر على بيتها مفيش مانع

مفيش وحدة بتشتغل هتتفرغ لبيتها
بمعنى انها وجوزها بيشتغلوا وبيخلصو شغل اخر النهار
الراجل يرجع بيته يلاقى مراته لسة راجعه من الشغل
طيب هياكل امتة
ومين اللى هياخد باله من البيت والنضافة وهيربى الاولاد فى وقت الشغل
لازم تحصل مشاكل بينهم
وبعدين انتى بتقولى لو الحياه كده يبقة الينت متتعلمش
ازاى ومين اللى هياخد باله من تعليم الاولاد ؟؟
ده رأيى
الست ملهاش غير بيتها (وجهات نظر)

[Dr.A.Nabil]

اغلب المشاكل اللي بتحصل بعد الجواز سببها حاجتين :
- الاول:
الست بتشتغل ومش متفرغه للبيت ومأثره على بيتها وجوزها
-الثاني:
الست مش بتشتغل وقاعده زهقانه ومش لاقيه حاجه تعملها فمبش غير جوزها اول ما يرجع تستلمه طلبات ورغي ومشاكل وقاعده واقفاله على الواحده


تقولي ايه الحل؟؟
يعني تشتغل ولا لأ؟؟

أقولك ماتتجوزش احسن

[Abdelrahman]

مع كامل احترامي لدموع الثلج ...كلامك غير مقنع نهائيا ....عمر ما كان تعليم البنت علشان الشغل وبس ...ليه ما نعتبرش ان التعليم ده وسيله مهمه هاتفدها في بيتها من خلال تربية اولادها على اصول علميه سليمه وكمان يفيدها في التعامل مع جوزها ومه مواقف الحياه المختلفه ....
ولا البنت لازم تتعلم علشان تشتغل وبس...ويطلع عينها وعين الي اتجوزتوا؟؟؟؟؟

95% من الشروط دي فعلا ...وللاسف وبكرر للاسف ...صحيح

[م/محمد صلاح]

بالظبط كده يا عبد الرحمن
المقصود من تعليم المراه انها تتعلم علشان توصل لدماغ جوزها وتفهمه وتتعامل معاه اللى هو اكيد هايبقى متعلم
وثانيا علشان تنفع اولادها تزاكرلهم وتفهمهم
لكن تخرجلى من 9 الصبح وترجعلى 5 المغرب ؟؟؟ اى منطق قال كده وانا والعيال ايه يعنى نسف تراب
المشكله مش فى الست انها تكون دكتوره او مهندسه او حتى دبلوم المشكله فى شغلها
الدكتوره ممكن ماتشتغلش وتأدى اعظم رساله انها تبقى متابعه صحة ولادها اول باول
وقيس على ذلك اى شغلانه تانيه


الخلاصه يامعلم ياللى عايز تتجوز
1) ماتتجوزش واحده صغيره وحكاية تربيها على ايدك دى انساها دى هاتجننك وهاتبقى مش فاهمه حاجه فى اى حاجه ولسه مانضجتش نهائى
2) اتجوز واحده باى شهاده تعجبك المهم انها تتقى ربنا فيك وفى ولادك وتعرف ان خروجها للعمل حتى لو منتقبه ده يبقى حرااااااااام
3) انت مابتتجوزش البنت بس انت بتتجوز اهلها يعنى دور مين هايبقى خال ابنك ومين هاتبقى خالته .. مين هايبقى جده ومين هاتبقى جدته
4) ماتعملش زى اللى بيقول انا مايهمنيش الجمال الخارجى انا بهمنى جمال الروح لاء انسى الكلام ده غلط ... الجمال الخارجى هو اللى بيخليك تقرب فاتشوف الجمال الداخلى وعلشان كمان مايكونش للشيطان حجه انه يخليك تبص بره

طبعا ده رأيى الشخصى والاختلاف فى الراى لايفسد للود قضيه

[Abdelrahman]

really .....yeslam boak ya MIMO

a7la kalam wi a7la nase7a

i agree with u 1000000000000%

[دموع الثلج]

مفيش وحدة بتشتغل هتتفرغ لبيتها
بمعنى انها وجوزها بيشتغلوا وبيخلصو شغل اخر النهار
الراجل يرجع بيته يلاقى مراته لسة راجعه من الشغل
طيب هياكل امتة
ومين اللى هياخد باله من البيت والنضافة وهيربى الاولاد فى وقت الشغل
لازم تحصل مشاكل بينهم
وبعدين انتى بتقولى لو الحياه كده يبقة الينت متتعلمش
ازاى ومين اللى هياخد باله من تعليم الاولاد ؟؟
ده رأيى
الست ملهاش غير بيتها (وجهات نظر)

كل زواج وله ظروفه

يعنى لو زواج شغله بيحتاج سفر لفترات شهر او اكثر بشكل دائم الزوجه دى تقعد فى البيت تكلم نفسها ولا تنزل تشتتغل وتشغل نفسها فى شى

وفيه ناس بيتجوزوا ويسافروا بالسنين

بالنسبه للتعليم يعنى هى لما توصل لاعلى الشهادات واخرتها تتركن فى البيت يبقى يا فرحتى ايه الفايده بالعلم اللى اتعلمته ده محدش استفاد منها ولا فادت المجتمع ولا اللى محتاج تعليمه

هنقول مثال الطبيبه
لو كل خريجات كليه الطب اتجوزوا وقعدوا فى بيوتهم يبقى مش هتلاقى طبيبه اطفال تعالج ابنك ولا بنتك

وحضرتك لما تتجوز وتبقى زوجتك حامل بلاش تتشرط وتقو ل متروحش تكشف ولا تولد الا عند دكتوره مش دكتور
ولو كل الرجاله اجتمعوا على الرائ ده
يبقى تعليم البنت من الافضل يكون فى غير الكليات العمليه ماهو ما ينفعش تكون طبيبه نساء وولاده وتقعد فى البيت عشان تقولى تفيد اولادها بعلمها

ده كلام مش سليم وقيس على كده تخصصات كثير

تفكيركم اسمحولى انانى جدا

[ams]

تفكيركم اسمحولى انانى جدا

تقصدى ذكورى جدا و يتمحور حول ان الرجل هو الاساس و هو منطق خاطىء
غير ان المراه ايضا تاخذ من مخلفات الحضارة الغربية و تبلينا بها ( حرية المراه-حقوق المراه- المراه نصف المجتمع ...........) و هذا هو الحق الذى يراد به باطل
تقولهم البيت:تقولك هو انا شغالة ؟
طب رضعى الولد :هو انا جاموسه ؟
طب عاوزين ناكل : ما تاكل هو حد حايشك ؟
طب الولاد هيعملو ايه الصبح : هوديهم عند ماما
مينفعش كده : انا لازم احقق طموحاتى واثبت نفسى
تثبتى نفسك لمين : مش لحد و لكل حد
طب و انا : مالك ؟
انا فين من كل ده ؟ : ما انت حلو اهو
و هكذاااااااااااا حوار عقيم

لكن لو رجعنا الى قيمنا الاصيله سنجد ان التكامل بين الرجل و المراه هو الاصل

مثلما كانت تفعل المراه الريفيه من خدمة اهل بيتها و مساعدة زوجها فى الزراعه و العمليات التصنيعيه المصاحبة لها فى حين ان الرجل يفنى يومه فى العمل الشاق

و المراه فى الصعيد : تكون عصب البيت و لها كلمة غالبا لا ترد
بدون التشدق بعبارات رنانه و كلام لا معنى له , هذا لا يعنى اانه لا يوجد قمع للمراه بل يوجد و لكن ليس كما تصوره لنا بنات eve

و اخيرا
قال الله فى كتابه العزيز :"فقلنا يا ادم ان هذا عدو لك ولزوجك فلا يخرجنكما من الجنه فتشقى "
من الذى يشقى ؟ ادم عليه السلام
فلماذا تصر المراه على ان تاخذ دوره فى المشقه و التعب ؟ لما لا تسكن بيتها معززه مكرمه ؟

[م/محمد صلاح]

كل زواج وله ظروفه

يعنى لو زواج شغله بيحتاج سفر لفترات شهر او اكثر بشكل دائم الزوجه دى تقعد فى البيت تكلم نفسها ولا تنزل تشتتغل وتشغل نفسها فى شى

وفيه ناس بيتجوزوا ويسافروا بالسنين

بالنسبه للتعليم يعنى هى لما توصل لاعلى الشهادات واخرتها تتركن فى البيت يبقى يا فرحتى ايه الفايده بالعلم اللى اتعلمته ده محدش استفاد منها ولا فادت المجتمع ولا اللى محتاج تعليمه

هنقول مثال الطبيبه
لو كل خريجات كليه الطب اتجوزوا وقعدوا فى بيوتهم يبقى مش هتلاقى طبيبه اطفال تعالج ابنك ولا بنتك

وحضرتك لما تتجوز وتبقى زوجتك حامل بلاش تتشرط وتقو ل متروحش تكشف ولا تولد الا عند دكتوره مش دكتور
ولو كل الرجاله اجتمعوا على الرائ ده
يبقى تعليم البنت من الافضل يكون فى غير الكليات العمليه ماهو ما ينفعش تكون طبيبه نساء وولاده وتقعد فى البيت عشان تقولى تفيد اولادها بعلمها

ده كلام مش سليم وقيس على كده تخصصات كثير

تفكيركم اسمحولى انانى جدا

اسمحيلى اختلف معاكى فى كام نقطه وبالمجمل
اولا وزى ماناس كتير عارفين ان انا مهندس بترول وبسافر مواقع الحفر فى صحارى مصر وبحارها لمده 20 يوم فى الشهر
ثانيا انا متزوج والحمد لله عندى احمد عمره 4 شهور
ثالثا زوجتى كانت معيده بكلية الاعلام جامعة القاهره

الوضع كالتالى : انا لسه بشتغل زى مانا وزوجتى استقالت وفضلت انها بعلمها ده تفيد ابنها اللى اصبح شغلها الشاغل لاننا اتفقنا اننا نكمل بعض اولا انا اغيب عن البيت علشان اوفر المال والعيشه الكريمه وهى تراعى ابنى وتربيه تربيه دينيه صحيحه رغم انها اتعرض عليها العمل كمزيعه فى قنوات دينيه كتيره لانها محجبه وده غير انها كانت فى السلك الجامعى يعنى الحمد لله درجه علميه واجتماعيه ممتازه

بالعكس يا دموع احنا نظرتنا مش انانيه دى رجوليه فعلا وتتبع ميزان الكون اللى ربنا خلقه
اما نظرة الست هى اللى انانيه بقى فعلا تقولك عايزه احقق زاتى وافيد الناس بعلمى والشعارات الرنانه وهى اصلا بتعمل الكلام ده كله لنفسها بانانيه شديده ومش مهم بقه جوزها يقضيها تيك اواى ولا ابنها ياكل من عربية فول فى الشارع

ده غير انه هايتربى مالوش اى ارتباط عاطفى لا بالبيت ولا بامه اللى هى سايبه البيت نص النهار وبتشتغل

وبعدين احنا فى بلدنا مابندخلش الطب علشان هاويين طب لاء بالعكس علشان دى احسن كليه بالنسبه للمجموع اللى انا جايبه يعنى العمليه مش هوايه بتكبرها ولا حاجه علشان تقوليلى تعبت سنين تحقق زاتها

واخيرا يا دموع ذات المراه يتحقق عندما تجدى زوجها فى مركز مرموق وابنائها فى تفوق دائم تفتخر بهم عندها تكون المرأه قد حققت ذاتها وحققت ماخلقها الرجل من اجله والا كنا بقينا كلنا رجاله ونخلف من بعض ونشتغل كلنا وخلاص بقى