مواصفات زوجة 2009

[meza]

يلهوى بالى !!!!!!!!!

ممكن نسمى الإختلاف اللى فى الموضوع ده إيه؟
صراع حضارات ! ... صراع أجيال ! .... صراع ثقافات ! ... صراع على السلطة! :D ؟

الفروقات شاسعة رغم الإتفاق على بعض النقاط ...

لكن الملاحظة هنا ... السيدات واخدين موقف دفاعى و الرجال واخدين موقف هجومى تقريباً.
محدش فكر فى واجبات الرجل تجاه بيته؟ ... هل هو الفلوس و بس؟ .. طب ما هو لما يرجع من بره الساعة 7 و ياكل و ينام و ينزل تانى يوم الشغل ... و كل شوية بقى يبقى يشقر على الأولاد ....... نقدر نسمى ده تهرب من تحمل المسئولية .... مسئولية تربية الأولاد و إلقائها على المرأة.

*********

بالظبط كده يا عبد الرحمن
المقصود من تعليم المراه انها تتعلم علشان توصل لدماغ جوزها وتفهمه وتتعامل معاه اللى هو اكيد هايبقى متعلم
وثانيا علشان تنفع اولادها تزاكرلهم وتفهمهم

يعنى المرأة على حسب ما فهمت هى ذلك الإنسان السفلى (بدون إساءة) الذى يسعى للترقى للوصول لفهم الرجل؟ .. يعنى حضرتك خلقت صراع بين الرجل و المرأة بجملة بسيطة زى دى ...

ليه إختصرت كل أهداف التلعيم لهدف واحد بالنسبة للمرأة !!!
سؤال: حضرتك يتتعلم ليه؟ ...
إجابتك المفروض تكون هى نفس الإجابة اللى هتحصل عليها من بنت متعلمة ... و إلا تبقى البنت دى بتبص لنفسها على إنها شىء قليل أوى (بتستحقر نفسها).

لكن تخرجلى من 9 الصبح وترجعلى 5 المغرب ؟؟؟ اى منطق قال كده وانا والعيال ايه يعنى نسف تراب

طب و ليه هى برضه تسف التراب؟ ... المشاركة يا أستاذى فى تربية الأولاد مش هتخلى حد يسف التراب.

المشكله مش فى الست انها تكون دكتوره او مهندسه او حتى دبلوم المشكله فى شغلها
الدكتوره ممكن ماتشتغلش وتأدى اعظم رساله انها تبقى متابعه صحة ولادها اول باول
وقيس على ذلك اى شغلانه تانيه

:D
هو منطق غريب جداً بالنسبالى .. لكن أرجو إنك تتقبل نقدى ...
طب الدكتورة هتطلع دكتورة عشان تتابع صحة أولادها و طبعاً لازم يبقى تخصصها أطفال ... و المهندسة هتتابع إيه ؟!
يا أستاذ ميمو متختصرش حياة المرأة فى البيت و بس ... كده بنسلب حقوق إنسان بطريقة قاسية قوى ...أنا نفسى تنظر ليها على إنها إنسان .. من حقها الخروج و العمل و إكتساب الخبرات و الشعور بكيانها زيك بالظبط .... هل هى كده بتعمل حاجة غلط ؟!! ... لو غلط يبقى ليه إنتا كمان بتعمله ؟!

كانوا بيقولولنا زمان ... بابا بينزل و يشتغل و يجيب فلوس و ماما بتقعد فى البيت تربينا و تطبخلنا و تأكلنا .... على قد ما الجملة دى بسيطة إلا إنها بتوصل مفهوم خاطىء تماماً ..... الحكاية مش توزيع مهام زى ما إحنا فاكرين .... مسئوليات البيت لازم يتحملها الأب و الأم بالتساوى ... الإتنين هيشتغلوا و الإتنين هيشيلوا مسئوليات البيت .... مش صعبة يعنى.

طبعا ده رأيى الشخصى والاختلاف فى الراى لايفسد للود قضيه

طبعاً طبعاً .. و أتمنى ذلك.

[Abdelrahman]

شكرا لك من شارك او تفضل بقراءة الموضوع
يا جماعة أنا كمان مهندس بترول بس شهر وشهر...ده برضه للتوضيح للاخزه العاملين في نفس المجال

1-الاخ meza بجد مع كامل احترامي لرأيك تفكيرك غريب عليا جدا ...أنا مش ضد عمل المرأه بس يكون في حدود لا تؤثر على البيت والحياة الزوجيه بصفه عامه .....وده للاسف غير متوافر في مصر ...مفيش شغلانه في مصر للمرأه أو حتى للرجل لا تؤثر على البيت والحياه الزوجيه تأثيرا سلبيا.
2-الاخت دموع الثلج..مع كامل تقديري لرأيك ...ليه بس حصرتي تعليم المرأه انها لازم تخرج بره البيت...وانه غير مفيد نهائيا لها او لغيرها لو قعدت في البيت؟؟؟؟مين قال كده؟؟؟يعني لو سمحت ...سؤال....الزوجه المتعلمه المثقفه بتتعامل مع بيتها زي الزوجه الاميه او الجاهله ؟؟؟؟يبقى ازاي العلم ما ينفعش للبيت....
ثم مين قال اننا مش عاوزين نشوف دكاتره ومهندسين وصيادله بنات ...بالعكس أكيد وجودهم مهم جدا في مجال العمل ...بس تحت ظروف تختلف عن الظروف الي احنا فيها..(أقصد الاخوه المقتدرين ماديا وحابين زوجاتهم تقعد في البيت)
يعني اكيد في دكاتره بنات ظروفهم الماديه صعبه شويه فلازم ينزلوا الشغل ...او غير مرتبطين ...او او او....يعني اقصد ان التعميم غلط ...وكل واحد وليه ظروفه
اما البنت الدكتوره او المهندسه او او ...الي تقدر تقعد في البيت معززه مكرمه وترفض ...دي بجد مش هاقول غير ربنا يهديها ...ولو زعلان قوي هاقول حسبي الله ونعم الوكيل .
3-الاخت بوسي ...باالله عليكي تعرفي بنت قعدت من غير جواز وكانت بترفض العرسان علشان مش همه الي في دماغها ..وبعد ما كبرت شويه ....مش ندمانه على الي هيا عملتوا؟؟؟
اتحداك
والله كلهم بيندموا وبيعضوا اصابع الندم لانهم رفضوا ناس في مجملهم مش وحشين....
وللاسف اضطروا بعد كده يقبلوا بناس مش كويسين او على الاقل مش زي الاوائل....
سؤال يا بوسي...نظرة المجتمع المصري ...مسلمين ومسيحين للبنت بعد 30 الغير متزوجه ..عاديه من وجهة نظرك؟؟؟؟
وبكرر وبعيد
الشباب المحترم والمتدين والمقتدر ماديا في مصر قليل جدا جدا ....ولما تيجي فرصه زي كده لازم التفكير العقلاني المتأني ...طبعا بشرط حدوث القبول ...يعني حتى لو في الشاب كل الصفات دي وما فيش قبول ..يبقى خلاص
بس حرام يبقى في الشاب كل الصفات دي ...وفي قبول والحمد لله
واضيع الجوازه علشان خاطر الشغل والطموح

[Abdelrahman]

الأخ الكريم الي بيطلب دليل من الكتاب او السنه ان عمل المرأه حرام
اقوله:
عمل المرأه مش حرام بس بشروط معروفه للناس كلها
منها عدم الاختلاط وعدم الخلوه ....
ولذلك الاخ الكريم الي قال انه حرام اعتقد انوا كان يقصد بالحرام
هو عدم توافر هذه الشروط للأسف في مصر
يعني لا يمكن تقولي ان في شغل في مصر للبنات ما فهوش خلوه او اختلاط او احتكاك بالرجال
يا سيدي الفاضل ده كفايه المشي في الشارع سواء موتو رجل او بالعربيه
ده كله احتكاك وقرف

[Abdelrahman]

اخيرا الاخ الكريم الي بيقول ان الدكتوره تتباع صحة اطفالها ...طب والمهندسه تتابع ايه؟؟؟
ليه حصرت العلم وفائدته في التخصص؟؟؟
يعني هو المهندس ما بيدرس غير هندسه؟؟؟؟مين قال كده
على كده انا لو مهندس وعندي دور برد بياخدوله بندول وكونجستال ..لازم ادرس صيدله وطب الاول علشان اقرر لنفسي اني ينفع آخد بندول وكونجستال؟
احنا بنتكلم على العلم بصفه عامه بغض النظر عن التخصص
ان العلم والمعرفه مش هاضيع هباء لما الست تقعد في البيت

[kero25]

الأخ الكريم الي بيطلب دليل من الكتاب او السنه ان عمل المرأه حرام
اقوله:
عمل المرأه مش حرام بس بشروط معروفه للناس كلها
منها عدم الاختلاط وعدم الخلوه ....
ولذلك الاخ الكريم الي قال انه حرام اعتقد انوا كان يقصد بالحرام
هو عدم توافر هذه الشروط للأسف في مصر
يعني لا يمكن تقولي ان في شغل في مصر للبنات ما فهوش خلوه او اختلاط او احتكاك بالرجال
يا سيدي الفاضل ده كفايه المشي في الشارع سواء موتو رجل او بالعربيه
ده كله احتكاك وقرف

انا معاك فى الكلام دة

[Goodle]

موضوع شيق.. فوق العادة :)

[meza]

الاخ meza بجد مع كامل احترامي لرأيك تفكيرك غريب عليا جدا ...أنا مش ضد عمل المرأه بس يكون في حدود لا تؤثر على البيت والحياة الزوجيه بصفه عامه .....وده للاسف غير متوافر في مصر ...مفيش شغلانه في مصر للمرأه أو حتى للرجل لا تؤثر على البيت والحياه الزوجيه تأثيرا سلبيا.

طيب التأثير ده على الرجل و المرأة .. يعنى شىء عام .. ملهوش علاقة بعمل المرأة.

اما البنت الدكتوره او المهندسه او او ...الي تقدر تقعد في البيت معززه مكرمه وترفض ...دي بجد مش هاقول غير ربنا يهديها ...ولو زعلان قوي هاقول حسبي الله ونعم الوكيل .

!!!!!!
يعنى هى يطلع عينها فى الكلية سبع سنين ولا خمسة عشان شهادة تتعلق و يقولولها يا دكتورة و لا يا مهندسة .... يرضى مين ده؟ .... و كمان لو قعدت فى البيت هيبقى إسمها ربة منزل و ترمى بقى تعليمها ملهوش لازمة .. كانت دخلت تجارة و خلصت بدرى بدل وجع القلب ده.

الشباب المحترم والمتدين والمقتدر ماديا في مصر قليل جدا جدا ....ولما تيجي فرصه زي كده لازم التفكير العقلاني المتأني ...طبعا بشرط حدوث القبول ...يعني حتى لو في الشاب كل الصفات دي وما فيش قبول ..يبقى خلاص
بس حرام يبقى في الشاب كل الصفات دي ...وفي قبول والحمد لله
واضيع الجوازه علشان خاطر الشغل والطموح

هو الشغل و الطموح ده حاجة هينة !!! .... ده كيان إنسان يا أستاذى .... مينفعش نضحى بيه.

إلغى إنتا كده الشغل و الطموح من حياتك و شوف شعورك هيبقى إيه؟ ... هتحس إنك ولا حاجة .... ليه ترضى بقى بالشعور ده لحد غيرك ؟!

[دموع الثلج]

ماشى احنا اتفقنا اننا لو اختلفنا فى الراى عادى كل واحد وله وجهه نظره سواء الراجل او البنت

الاخت دموع الثلج..مع كامل تقديري لرأيك ...ليه بس حصرتي تعليم المرأه انها لازم تخرج بره البيت...وانه غير مفيد نهائيا لها او لغيرها لو قعدت في البيت؟؟؟؟مين قال كده؟؟؟يعني لو سمحت ...سؤال....الزوجه المتعلمه المثقفه بتتعامل مع بيتها زي الزوجه الاميه او الجاهله ؟؟؟؟يبقى ازاي العلم ما ينفعش للبيت....
ثم مين قال اننا مش عاوزين نشوف دكاتره ومهندسين وصيادله بنات ...بالعكس أكيد وجودهم مهم جدا في مجال العمل ...بس تحت ظروف تختلف عن الظروف الي احنا فيها..(أقصد الاخوه المقتدرين ماديا وحابين زوجاتهم تقعد في البيت)
يعني اكيد في دكاتره بنات ظروفهم الماديه صعبه شويه فلازم ينزلوا الشغل ...او غير مرتبطين ...او او او....يعني اقصد ان التعميم غلط ...وكل واحد وليه ظروفه

هرد عليك انا مقولتش ان البنت لازم تخرج من البيت لا طبعا وجودها فى بيتها اكرم لها بس فى وضع مناسب

برضوا هقولك النقيضين مجتمعين واقعيا فى سؤالك
اولا لو رجعت قبل خمسين سنه مكنش فيه تعليم للبنات هل ده طلع مجتمع منحل ووضيع اخلاقيا ذى المجتمع الموجود حاليا واللى اغلب الامهات فيه متعلمات

فيه ناس كثير امهاتهم مش متعلمين ولكنهم على قدر من الحكمه وتدبير الامور وحسن التصرف والاداره فى بيتها وتلاقى اولادها اللى دكتور واللى مهندس



المراءه من بيتها تقدر تخدم المجتمع كله لو احسنت تربيه اولادها واستثمرت تعليمها وثقافتها فى تربيه اولاد صالحين يفيدوا المجتمع

سؤالى المجتمع حاليا فيه كم واحد مقتدر ماديا على مصاريف زواج وتكوين اسره ومتطلبات وطلبات مش بتنتهى لو قلنا بالنسبه يبقى تقريبا 30 % بس المقتدرين

والباقى يعملوا ايه .............. لازم مساعده ومشاركه من الاثنين عشان تمشى الامور

الشباب المحترم والمتدين والمقتدر ماديا في مصر قليل جدا جدا ....ولما تيجي فرصه زي كده لازم التفكير العقلاني المتأني ...طبعا بشرط حدوث القبول ...يعني حتى لو في الشاب كل الصفات دي وما فيش قبول ..يبقى خلاص
بس حرام يبقى في الشاب كل الصفات دي ...وفي قبول والحمد لله
واضيع الجوازه علشان خاطر الشغل والطموح

بلاش دائما التفكير بان الزواج صفقه تجاريه ولازم البنت تنتهز الفرصه ومتضيعش الصفقه دى من ايدها

[meza]

اخيرا الاخ الكريم الي بيقول ان الدكتوره تتباع صحة اطفالها ...طب والمهندسه تتابع ايه؟؟؟
ليه حصرت العلم وفائدته في التخصص؟؟؟
يعني هو المهندس ما بيدرس غير هندسه؟؟؟؟مين قال كده
على كده انا لو مهندس وعندي دور برد بياخدوله بندول وكونجستال ..لازم ادرس صيدله وطب الاول علشان اقرر لنفسي اني ينفع آخد بندول وكونجستال؟

لو مهندس و عندك برد تروح لدكتور يكتبلك علاج ...
و لو دكتور عاوز تبنى عمارة تروح لمهندس عشان يبنيها ...

احنا بنتكلم على العلم بصفه عامه بغض النظر عن التخصص
ان العلم والمعرفه مش هاضيع هباء لما الست تقعد في البيت

العلم بصفة عامة إزاى يعنى؟
هو العلم مفهوش صفة عامة حالياً .... المهندس بيدرس حاجة و الدكتور بيدرس حاجة و مفيش حاجات مشتركة بينهم.
إستفادتهم من دراستهم فى الجامعة هو شغلهم ......و إستفادتهم من إحتكاكهم مع زملائهم فى الجامعة هى التعاملات الإجتماعية و دى هتفيدهم فى حياتهم ... لكن ولا دراستهم و لا الإجتماعيات دى هتفيدهم لو قعدوا فى البيت.
كفاية عليهم الثانوية عشان يعرفوا يقروا و يذاكروا لأطفالهم.
أو يدخلوا كلية صغيرة و يخلصوا بسرعة عشان يبقى إسمها معاها شهادة.

لكن تفكير غريب جداً يا أستاذ عبد الرحمن ... إن بنت تدرس سبع سنين طب عشان لما تتجوز جوزها يقول أنا إتجوزت دكتورة !!! ... و هو يقعدها فى البيت بعد كده ..... هى كده ولا دكتورة ولا نيلة .. هى ربة منزل و بس ... لأن فين الطب اللى بتمارسه ده و هى قاعده فى البيت ؟!

[دموع الثلج]

انا طول عمرى يا بوسي بقول كدة برده انا هجوز و اربي العيال

احم احم:D

شكله كدة مش انتى بس اللى هتضربي و العلقة هيبقوا علقتين :k20:

يا انسه نهى سعادتك لو قعدتى فى بيتك تربى العيال دى هتكون اكبر خدمه قدمتيها لمصر وللمجتمع :k20:
انتى وجودك فى اى شغل لوحده كارثه :D:D لكل الموجودين

بس انا هقولك حاجه الشباب دلوئتى لما يجى يتجوز يدخل بموضوع لازم تقعد فى البيت وتتفرغ لى وللعيال وهى تقول حاضر يا سسسبعى تحت امرك
ويعيش بئه الراجل فى دور سي السيد وسطوته على ست امينه
تبدا
فيه رجاله مقتدرين ماديا او غير مقتدريا اوى يعنى والست بتضحى بكل حياتها عشان تتابع بيتها ومسئولياتها وبعد 15 او 20 سنه
هووووووووووووووووووووب تلاقى الزوج عاوز يتجوز على المدام اللى بقت موضه قديمه
او تلاقيه بعد ما تطلع عينها وتربى اولاده يرووووووووووح مطلقها وعايش حياته ماهو عارف انها مش هتقدر ترمى عيالها وتتجوز ثانى ذى حضرته

انتى عارفه ليه الراجل بيرفض تفوق المراءه عليه لانه بيكرهه ذكاء المراءه الست الذكيه دى تبقى مرفوضه لان مخها شغال وده بيرعب الراجل دائما بيحس انها كاشفه تفكيره
اما اللى على نيتها تبقى ايه عروسسسه لوقطه ومفيش ذيها:D:D
المجتمع ده الراجل فيييييييييييييه انانى جدا فى كل الاحوال تفكيره الاول والاخير هو راحه نفسه فى المقام الاول مش مهم باقى حد تانى

[kero25]

الموضوع سخن اوى كدا يا جماعة

[Abdelrahman]

يا استاذ meza ..أنا اقصد ان الدكتوره لو قعدت في البيت مثلا هاتستفيد من علمها ده في بيتها ...صدقني زي ما هاتستفيد من علمها ده لو اشتغلت ....صدقني
يعني في بيتها هاتستفيد على سبيل المثال بانها هاتربي اولادها تربيه صحيه وعقليه سليمه ..أكيد هاتساعدهم في دراستهم لمختلف المواد والعلوم ...اللغه ....صدقني في كل حاجه
بالضبط زي ما هي لو اشتغلت برده هاتستفيد واتفيد غيرها بعلمها..يعني الاتنين مهمين ...بس وجهة نظري ان لو الظروف فرضت عليها الجلوس في البيت مع كامل الاحترام والوقار ليها...يبقى كفة البيت تكسب ...وما قلش انا درست 7 سنين واقعد في البيت ..مستحيل
ناس كتيره جدا متخصصه في حاجات معينه وبتفهم في حاجات تانيه جانبيه كتير جدا
هو ده كان قصدي ان العلم بصفه عامه مفيد بعيد عن التخصص
يعني ممكن تلاقي دكتور او مهندس وفي نفس الوقت سياسي واقتصادي بارع جدا...
الشغل والطموح للراجل فرض عليه ..اما للبنت فهو مكمل لا اكثر
ازاي بتقارن طموح الراجل وشغله بالبنت...ده فرض على الراجل انوا ينزل الشغل ويتعب ويشقى ويوفر لقمة العيش!!

اختي الفاضله دموع الثلج ...كلامك والله جميل ...بجد مش بجامل....بس للامانه أنا بقولك الكلام ده من الواقع الي انا عيشوا ....الشباب كتير وعلى قفه من يشيل ..بس تجمع الصفات دي في شاب واحد اصبح عمله نادره ..موجوده طبعا بس نادره
بالضبط زي البنت المحترمه الجميله المتعلمه ..برضه عمله نادره
فاذا قدر الله وانعم على الانسان بالتوفيق في ذلك سواء للبنت او الولد وحصل القبول ..يبقى لابد من تشغيل العقل والحكمه علشان ما نضيعيش الفرصه الطيبه دي....اعتقد ان الكلام ده بعيد تمام البعد عن الصفقه التجاريه الي بتقولي عليها؟

[ams]

المجتمع ده الراجل فيييييييييييييه انانى جدا فى كل الاحوال تفكيره الاول والاخير هو راحه نفسه فى المقام الاول مش مهم باقى حد تانى

شكرا ، السلام عليكم

[l0new0lf]

على كده انا لو مهندس وعندي دور برد بياخدوله بندول وكونجستال ..لازم ادرس صيدله وطب الاول علشان اقرر لنفسي اني ينفع آخد بندول وكونجستال؟

هو ده ال safety الى شركتك علمتهولك؟
لأ, تروح للدكتور و هو هيديك العلاج, علشان بس ماتاخدش حاجه من نفسك وتكون expired او يطلع عندك حساسيه ليها وتموت و اعد انا اعمل فى ريبورتات

والله انته لو عندى لاعملك run off

[mbluethunder]

هذا الموضوع بدأ يدخل في طريق يقوده الجانب النفسي الذي قد يكون ناتج عن واقع أكثر من الجانب العقلاني

وعندما يسيطر الجانب النفسي على أي حوار فإنه يحيله من الجانب المشرق الفعال إلى الجانب المظلم الكئيب والذي قد تكون نهايته سيئه على جميع الأطراف

فأرجو أن يستمر هذا الحوار بمنطق العقل

وشكرا