الزجاج العاكس

[amr011111]

السلام عليكم ورحمة الله وبركاته
عندى شباك المفروض أركبله زجاج ومفيش شيش وراه

فهل الزجاج العاكس وظيفته انه يمنع دخول الضوء ( ضوء النهار) أيضاً بجانب وظيفته الاساسيه اللى هى ان اللى بره ميشوفوش اللى جوه

وشكراً

[beshomilan]

متابع

[أبو_يوسف]

أظن هو بيبقى عاكس بالنهار فقط ..
انما بالليل لو الشقة منورة والدنيا برة مضلمة هيبين اللي جوة البيت

[amr011111]

أظن هو بيبقى عاكس بالنهار فقط ..
انما بالليل لو الشقة منورة والدنيا برة مضلمة هيبين اللي جوة البيت

انا يهمنى بالنهار انه ميدخلش نور الشمس وضوء النهار علشان الشقه متنورش من بدرى وميبقاش الواحد يصحى من بدرى اجبارى

[MoOoD]

للأسف هوه مش هيحجز كميه ضوء كبيره
لكن انت ممكن تركب ستائر من النوع التقيل وهى هتمنع الاضائه نهائى

[mohamed_selim]

لا مش هيمنع الضوء
ركب ستاير بلاك اوت

[bluemagic11]

هو مش هيمنع الضوء بالشكل اللى انت متخيله بس بقلله بنسبه كبيره ( بس له فى ضوء ) اكنت لابس نضاره شمس كبيره شويه :) .. فى خلال الناهار محدش يقدر يجرحك ولا يشوفك من ورا الازاز لانه بيعكس و بيبقى زى المرايا .. اما بليل بقى لو ولعت لمبه كل الشارع هيبقى معاك فى البيت .. فكر فى الستاير البلاك اوت .. كويسه جدا و بتمنع الضوء تماما و بتساعد على تقليل الحراره .. انا ساكن فى شقه وقت العصر الشمس بتبقى فى وش البلونه بالظبط لك ان تتخيل الحر الرهيب بمجرد ما بشد الستاره ولا اكن فى شمس و الحراره بتهدى جدا .. افضل مكان تجيب منه البلاك اوت بسعر ويس و تفاصل فيه جدا وكاله البلح اللى بعد مبنى مسبيرو .. بالتوفيق