رخصتى اتسحبت !!!! أروح فين؟

[AhmedGen2]

كنت ماشى على الاوتوستراد رايح الكلية ولاقيت كمين وقفنى وكنت ناسى رخصة العربية فى البيت ، فراح سحب رخصة القيادة وادانى وصل كدة امشى بيه اسبوع وقالى تعالالى بكرة فى نفس المكان ادفع المخالفة 50 جنيه واستلم رخصتك من مرور المعادى ، طب ادفع فورى ، لأ اصل الدفتر مش معايا ، يا رخامتك يعنى لازم تسحلنى ، المهم رحتله تانى يوم فى نفس المكان لاقيت ظابط تانى خالص ، دفعتله المخالفة وخدت وصل وقالى روح المرور عشان تاخد الرخصة ، رحت مرور المعادى بعد مشوار طويل لأنى مكنتش اعرف مكانه ، والاقيلك الست هناك تقولى لأ تعالى بعد اسبوع عشان لسه الرخصة موصلتش !!!

دلوقتى عاوز اعرف رخصتى فين ؟ قالولى روح مرور المعادى ورحت ، روح مرور معادى 77 مش عارف ايه دة بالظبط لكن ممكن أدب المشوار عالفاضى ، بعد أسبوع لو رحت مرور المعادى ممكن جدا تقولى لأ دى الرخصة راحت لمرور مصر الجديدة اللى انت تابع ليه !!

أروح فين؟ وخايف استنى بعد اسبوع أقف فى كمين تانى يقولى وصلك انتهى ومعكش رخص ويقرفونى.

[dr_abooody]

هي في الغالب بتروح على المرور اللي انت تابع لية

و بعدين لو ملاقيتهاش خلية يختملك على الصل بختم (لم ترد بعد)
و تمشي بية زي الرخصة بالظبط

انا حصلي نفس الموقف انا تابع لمرور المعادي و اتسحبت منى في العادي و كان يوم الوقفة اعدت العيد من غير رخصة و بعد كدا لما العيد خلص اعدت شهر ادور عليها روحت البساتين و الدراسة و في الاخر بعد شهر جت المعادي و هي اصلا اتسحبت في المعادي ؟؟؟؟؟؟؟؟

و ربنا يعينك

دة حاجة بقت مقرفة اوي

[دموع الثلج]

المفترض ان الرخصه ترجع للمرور اللى حضرتك تابع له فى خلال اسبوع بالكثير 10 ايام

ولو رحت ومكنتش الست رخصه هانم لسا رجعت المرور

يبقى تخلى الظابط فى المرور يمدد لك الوصل
يعنى يكتب لك يمدد لتاريخ كذا

[kimo]

لو الرخصة المسحوبة لم يمر عليها 72 ساعة ممكن الضابط يقول لك هية فين وتروح تاخدها فورا من قيادة المرور التابع لة اللجنة انا انسحبت الرخصة منىواخذتها تانى يوم قبل ا تترحللللل المشكلة ان الضباط مش بيحبوا يساعدوا المواطنين كأن فية ثأر بينهم