هقدم في جامعات خاصة و محتاج استشارتكم و مساعدتكم ضروري ضروري

[Abdo Taha]

السلام عليكم يا رجالة محتاج نصيحتكم لأني مقبل على الموضوع الجامعات الخاصة و الحمد لله على كل شيء و اللي حصل في رياضة كان مجزرة
دلوقتي انا قدمت في MIU في هندسة الكترونيات و اتصالات وةقدمت في جامعة المستقبل هندسة برضه فدلوقتي بحط في احتياطي بعض الجامعات برضه فدخلت على البرطانية لقيت المناسب ليا ال computer science و ادارة الاعمال ، انهو افضل كمستقبل و خصوصا اني ليا في مجال هندسة و كمبيوتر اكثر من مجال ال business و التعاملات

و ايه رأيكم في جامعات مصر للعلوم و التكنولوجيا و جامعة 6 اكتوبر من ناحية الهندسة برضه ؟

[amr011111]

كليات الهندسه افضل طبعاً
وقسم مدنى وعماره كويسين
بس يكون مجموعك الفارق بينه وبين الجامعات الحكوميه مش كبير علشان تقدر تستوعب المواد

[Merooxx]

ليه انتا جبت كام
وانا شايف التنسيق قليل
الهندسة من 95

[Abdo Taha]

جبت 81 % و للأسف مش انا اللي وقعت لوحدي ده ناس كثيير في رياضة و ناس شاطرين جدا السنة اللي فاتت جايبين فوق ال 95 % و السنة دي نزلو في الثمانينات , امتحانات الرياضة السنة دي كانت صعبة جدا و من الاخر مكتب التنسيق عايز يدخل عدد قليل فعشان كده قلت العوض على الله

[Abdo Taha]

الناس اللي جايبة العالي ده في ادبي و علمي علوم وامتحاناتهم كانت سهلة جدا جدا

[Abdo Taha]

دلوقتي العمل ايه انا عرفت ان الهندسة الحد الادنلى بتاعها خاص 80 % و ال computer science من 79 % او 75 % مش فاكر بالظبط

بالنسبة لادارة الاعمال و ال computer science ؟ ايه الافضل

[Amr.Fathy]

متابع معاك نفس الموضوع برضه علمى رياضة

[mahmoud_ali]

مهو انت بتقول انك ميال اكتر للكمبيوتر يبقى خلاص فوكك من البيزنس ولو انى شايف ان الهندسه افضل منهم هما الاتنين

[Adnfalcon]

شوف .. زي ما قلت قبل كده
miu دي اصعب جامعه خاصه وفنفس الوقت من افضل الجامعات مع guc كمستوي تعليمي
ربنا يوفقك

[ahmad--ezzat]

شوف .. زي ما قلت قبل كده
miu دي اصعب جامعه خاصه وفنفس الوقت من افضل الجامعات مع guc كمستوي تعليمي
ربنا يوفقك

مين قال!!!


الشروق والعاشر اصعبهم بالفعل

الشروق نفس نظام عين شمس بالظبط ف كل شيء

والعاشر مش سهله نهائي

[Abdo Taha]

انا خلاص هخليني في هندسة و اللي يجيبه ربنا كويس معلش سؤال بسيط جامعة مصر للعلوم و التكنولوجيا كويسة ، او جامعة 6 اكتوبر ده بالنسبة لهندسة

[Adnfalcon]

مين قال!!!


الشروق والعاشر اصعبهم بالفعل

الشروق نفس نظام عين شمس بالظبط ف كل شيء

والعاشر مش سهله نهائي

الشروق اول الدفعه كان ابن عمي و صاحبي اول الدفعه اللي بعدها
فعلا صعبه بس انا شفت مستوي التعليم هنا و هنا واعرف افرق
miu رخمه جدا ف دراستها

[cheetos_892005]

انا مهندس مدني خريج 2011 عين شمس

صدقني هندسه دي و جع قلب و مجالها في الشغل بقا مقرف و قل جدا و كله حرقة دم و زادت قوي بعد الثوره

ان كان ولا بد هندسه روح العاشر افضلهم تعليم و اسم تتسند عليه بعد الجامعات الحكوميه و الالمانيه و الامريكيه طبعا

و انا افضلك اكتر كتير كمبيوتر لو بتحب المجال ده و طورت نفسك فيه 3 4 سنين و بتعلى قوي

[abdulkhaleq]

اوعى ثم اوعى
تستخسر مجموع او تمشي مع الموجه (كذا احسن من كذا) بالنسبه للتخصص
كده كده المتميز في مجاله هو اللي بيشتغل

ممكن تبقى مهندس مش مبدع, والعكس
شوف انت ماشي في ايه, عشان هندسه حاجه, وبيزنس حاجه تانيه خاااااالص
وبالنسبه للجامعات اعتقد ان مستوى ال miu اعلى اللي انت ذكرتهم

[Abdo Taha]

اولا يا جماعة اشكركم على مساعدتكم و دعمكم ليا و انا بصراحة داخل هندسة عشان بحب الالكترونيات و الميكانيكا لكن انا مليش اوي في عمارة او مدني ، انا اتجاهي لل miu بس اهم حاجة تجيلي لأن الخاص ليه تنسيقه برضه و انا الحمدلله معدي الحد الادنى للهندسة فإن شاء الله يكون خير