كوبري اكتوبر هيتصلح يا جماعة

[ramyfawzy]

السلام عليكم يا اخواني واخواتي الاعزاء
من فترة كنت كتبت ان كوبري اكتوبر هيتعمل فيه صيانة عشان خلاص قرب يفجر العربيات الي بتمشي عليه
الخبر اتكتب النهاردة في موقع شهير ان الصيانة هتبدأ من بكرة ان شاء الله
المسافة اللي هتتعمل من رمسيس لحد منزل التحرير (كان الله في العون)
وهتستمر حوالي 6 شهور (يالهوي - ياخرابي)
فــــــ.................
ربنا يكون في عون المستخدمين الدائمين للكوبري وخصوصا من الاحد الى الخميس

[r0xer]

إمبارح كنت على قصر النيل الساعة 1 ونص وقفلو الكوبري وانا هناك.. و كان في لواء هناك وقالي انهم بيعملو كدا عشان هيصلحوا الفواصل والمجاري!!

وطبعا مقولكوش على الطريقة الزبالة في تمشية الناس من على الكوبري بأسلوب أقل ما يقال عنه إنه منحط، وطبعا الناس كعادتها رخمت على الحكومة وفضلت واقفة وادتهم الطرشة :d زي ما انا عملت وممشتش غير اخرررر عربية :d :d

هل ياترى هيقفلو قصر النيل كمان؟

طبعا الاصلاح دا هيكون نتيجته تكدس لم تشهده مصر قبل كدا!! ربنا معانا بجد الفترة الجاية!