استفسار بخصوص الجيش عشان تعبت خلاص

[yugozeka]

ﻛﺎﻥ ﻟﻴﺎ ﺍﺳﺘﻔﺴﺎﺭ ﻳﺎ ﺟﻤﺎﻋﺔ ﺍﺣﻨﺎ ﺍﺧﻴﻦ بس
ﺍﻟﺼﻐﻴﺮ ﻋﻨﺪه 22 ﺳﻨﺔ ﻭﻣﺨﻠﺺ ﺩﺭﺍﺳﺔ
ﻭﺧﺪ ﺍﻋﻔﺎﺀ ﻧﻬﺎﺋﻲ ﻣﻦ ﺍﻟﺠﻴﺶ ﻭﺍنا
ﺍﻟﻜﺒﻴﺮ ﻋﻨﺪي 24 ﺳﻨﺔ ﺑﺲ ﻟﺴﻪ ﺑدرس
ﻭﻭﺍﻟﺪﻱ ﻣﺘﻮﻓﻲ ﻫﻞ ﻛﺪه انا ﺍﻟﻜﺒﻴﺮ ﻟﻴﻪ ﺟﻴﺶ
ﻭﻻ ﻟﻴﻪ ﺗﺎﺟﻴﻞ ﻟﻐﺎﻳﺔ ﺳﻦ ﻣﻌﻴﻦ ﻭﺑﻌﺪﻫﺎ
اخد ﺍﻋﻔﺎﺀ ﻧﻬﺎﺋﻲ ﻭﻫﻞ ﻻﺯﻡ اخش
ﺍﻟﻜﺸﻒ ﺍﻟﻄﺒﻲ؟؟؟ ﻳﺎﺭﻳﺖ ﺍﻟﺮﺩ المشكلة ان بتاع القسم مش عايز يقول حاجة اللي لما اخلص دراسة

[AHMED12345678]

حضرتك ده الموقع الرسمى للتجنيد والتعبئة واتمنى ان يكون فيه كل الاجابات الى حضرتك بتدور عليها

حالات الاعفاء من الخدمة العسكرية والوطنية

[AHMED12345678]

بس حضرتك ملكش اعفاء نهائى

بعد متخلص دراسة هتقدم عادى فى التجنيد وتكشف طبى

ويتدخل الجيش يا اما تاخد اعفاء مؤقت ثم اعفاء نهائى

يعنى وفاه والدك لا تعفيك من الخدمة العسكرية لوجود اخ لك على قيد الحياه

[KemozTanta]

انت وحظك !
انت هتقدم في الجيش عادي لانك كدا ليك تجنيد وممكن مياخدوش سنة ميلادك.. ويكون لك تأجيل و ممكن لاء
الجيش نصيب !

[eng_ahmedsalah]

متابع للموضوع

[abdulkhaleq]

شوف ياسيدي
انت لسه بتدرس
اخوك اتخرج يعني انت مش كبير عيله لأنها مش بالسن بس
الجامعه بتأجلك لسن 26
ولو تميت السن ده وانت لسه في الجامعه بتجيب استماره ويمدولك لسن 28 (الي هو اخر سن)
انت هتخلص ان شاء الله وتاخد شهادتك وتقدم في الجيش مع اللي بيقدمو مؤهلات عليا ان شاء الله

عايز تتأكد دلوقتي
تروح شؤون الطلبه تسألهم (وياريت تتأكد بنفسك في الملف) مأجلينلك لسن كام

[lolnk]

بما انك فتحت الموضوع احب اضيف استفسار فيه لو حد عنده معلومة يعنى

انا فى شهر 10 اللى فات كملت ال 28 سنة وكنت لسه فى كلية والكلية عملتى وقف قيد لحد ما اجيب موقفى من التجنيد وطبعا انا متاخر فى الكلية علشان ما ادخلش جيش اصلا فى شهر 2 ولدى طلع على المعاش وانا ليا اخين توئم عندهم 19 سنة وبيدرسوا طبعا انا لحد دلوقتى ما قدمتش ورقى فى التجنيد ليه علشان فى ناس بتقولى قدم وهتكون عائل اسرة بما ان ابوك على المعاش وكمان سنك 28 سنة وفى ناس يقوللى طالما ابوك بياخد معاش مش هتبقى عائل اسرة المهم انا قولت وعلى ايه وجع الدماغ ده انا لا مقدم ورق ولا منيل لحد ما اوصل لسن ال 30 وادفع ام الغرامة واخلص

وادينى فى شهر 10 الجاى هكمل ال 29 سنة فانتوا ايه رايكم

[أحمد كمال]

بما انك فتحت الموضوع احب اضيف استفسار فيه لو حد عنده معلومة يعنى

انا فى شهر 10 اللى فات كملت ال 28 سنة وكنت لسه فى كلية والكلية عملتى وقف قيد لحد ما اجيب موقفى من التجنيد وطبعا انا متاخر فى الكلية علشان ما ادخلش جيش اصلا فى شهر 2 ولدى طلع على المعاش وانا ليا اخين توئم عندهم 19 سنة وبيدرسوا طبعا انا لحد دلوقتى ما قدمتش ورقى فى التجنيد ليه علشان فى ناس بتقولى قدم وهتكون عائل اسرة بما ان ابوك على المعاش وكمان سنك 28 سنة وفى ناس يقوللى طالما ابوك بياخد معاش مش هتبقى عائل اسرة المهم انا قولت وعلى ايه وجع الدماغ ده انا لا مقدم ورق ولا منيل لحد ما اوصل لسن ال 30 وادفع ام الغرامة واخلص

وادينى فى شهر 10 الجاى هكمل ال 29 سنة فانتوا ايه رايكم

لو اتمسكت هتتنفخ

[mohamed_selim]

مفيش حاجه اسمها بياخد معاش
طالما عدى الستين فانت العائل للاسره روح اعمل تاجيل لان اخواتك بيدرسو

[eng.m7md.ali]

خلي اخوك يقدم في جامعة مفتوحة .. هتاخد انت اعفى مؤقت لحد مااخوك يخلص دراسة تاني

[yugozeka]

يا جماعة انا مش عايز اعفاء نهائي لاني لسه اصلا داخل سنة تانية يعني ممكن اخلص وانا عندي 27 او 28 سنة انا كنت مفكر اني انا لما اخلص هبقي كبير العائلة واخد اعفاء لحد الثلاثين وبعدها نهائي يعني انا كده مش عائل الاسرة بعد ما اخلص؟؟

[abdulkhaleq]

طيب شوف ياسيدي
عشان التجنيد مالوش دعوه بالجامعه
ولا باي غلط يحصل من طرفهم او طرفك
هما ليهم قانونا بس ان اخرك 28 سنه ولو تميتهم وانت لسه في نص السنه الدراسيه يمكن يوقفو قيدك لحد اما تشوف موقفك من التجنيد
خلص الكليه بدري دي نصيحه بمليون جنيه
واتأكد من كليتك ورقة ال 2 ولا ال 6 جند مش فاكر مأجلينلك فيها لسن كام
ومعلومه الكبير لأ انت مش كبير عيله طالما في حد خلص كليه

[lolnk]

لو اتمسكت هتتنفخ

ده شىء متوقع هههههههههه

[lolnk]

مفيش حاجه اسمها بياخد معاش
طالما عدى الستين فانت العائل للاسره روح اعمل تاجيل لان اخواتك بيدرسو

يعنى اروح اخلص ورقى حتى لو كنت متخلف عادى

[abdulkhaleq]

تروح فين يابني انت وورق ايه ؟؟؟
انت مش بتقول اخوك متخرج ؟؟؟؟؟؟؟؟