تحذير هااااااااااااام

[M I D O]

بسم الله الرحمن الرحيم

النهاردة لاقيت ابن اختي شاري لعبة بازل كدة من سوبر ماركت جمبنا وفرحان بيها فتحتلة الكيس واديتة البازل ولاقيت جوة الكيس مغلف صغير كدة لونة ابيض ومش مكتوب علية اي حاجة فتحتة لاقيت جواة حاجة زي السكر كدة لونها برتقالي و الواد كان عاوز ياكلها قلتلة لا واخدت الكيس وفرغتة علي ايدي ووسط منا بكلم ابوة عن الحجات دي الي مش مكتوب عليها مصدر وممكن تبقي خطر سمعت صوت شياط اة اقسم بالله صوت شياط وحرقان في كف ايدي ببص علي الهباب الي فرغتة دة لاقيتة زي ميكون بيلزق في ايدي رحت رميتة في الزبالة وغسلت ايدي بالمية لاقيت كف ايدي الجلد في جزء بقي خشن الي كان علية المسحوق دة يعني الزفت دة فية مواد كاوية بتكوي بطن اولادنا وبتدمر الاطفال زي برضو الجيلي كولا الي طالعة جديد اسمع برضو ان فيها مواد كاوية وشفت تحذير ليها مرة علي النت ...
ياريت يا جماعة الكل ياخد بالة ومحدش يسمح لاولادة انهم يشترو الحجات دي عشان بيضحكو علي الاطفال بيها ويقلولهم دي لعبة وفيها لبان او فراولة او اي حاجة هدية و الاطفال بيفرحو ويشترو وياكلو من غير ما يحسو ياريت نخلي بالنا كويس اوي وربنا يسترها علينا جميعا

[mr_vampire]

لا حول ولا قوة الا بالله. حتي لعب العيال.

شكرا عالتنبيه ياباشا.

ربنا يستر علينا جميعا.

[M I D O]

لا حول ولا قوة الا بالله. حتي لعب العيال.

شكرا عالتنبيه ياباشا.

ربنا يستر علينا جميعا.

الشكر لله وحدة يا باشا ودلوقتي هرفع صورة الكيس

[M I D O]

[elpasha1]

جزاكم الله خيرا

[medo_31]

لا حول ولا قوة الا بالله , منهم لله وشكرا على التنبيه

[FOUR 2014]

شكرا للتنبيه
علي فكره في لعب تانيه بردة الكيس ده لقيته بس الصراحه مفتحنهوش رمناه
منهم لله حتي الاطفال عايزين يدمرو اطفال وشباب مصر ربنا ينصر مصر واهلها علي اعداء الاسلام

[amrelsaqqa]

بلغت الجهات الرسمية المسؤولة ( معلش اعمل اللى عليك )

[tarekmomo]

دة بتاع بيفرقع فى البوق ومعظم الاطفال بيحبوة

[ali ashraf]

حمدا لله على سلامة ابن اختك لكن اريد ان اوضح من وصف ما تقول هذا الكيس يحتوى على مواد تمتص الرطوبة وعادة توجد في كثير من علب الادوية و هى مكونة من مادة شبيهه بالبوطاس وبناء على كلامك يجب على اولياء الامور مراجعة اى علبة للاطفال قبل استعمالها

[ali ashraf]

هام جدااااااااااااااااااااااا ااااااا

حمدا لله على سلامة ابن اختك لكن اريد ان اوضح من وصف ما تقول هذا الكيس يحتوى على مواد تمتص الرطوبة وعادة توجد في كثير من علب الادوية و هى مكونة من مادة شبيهه بالبوطاس وبناء على كلامك يجب على اولياء الامور مراجعة اى علبة للاطفال قبل استعمالها

[M I D O]

انا جربت حطيت علية مية كمان لاقيتة بيفرقع وعامل زي الذرة فشار عمال يتنطط في الارض

[J A G U A R]

البتاع ده تقريبا الماده اللى فيه عامله زى الفوار كده لما تحطه فى المياه حتى هتلاقى صوت الشياط ده زى الفوار لما يفور فى المياه .

ومشكور ع التنبيه

[ياسر مصطفي]

البتاع ده المفروض انه بيمتص الرطوبة
بس نفس الشك ده غريب انا شفته قبل كدا بيتباع على انه حلاوة والاطفال بيكلوها وحلاوتها انها بتطرقع في الفم فعلا .

ربنا يستر .

[canner]

الحمد لله اللى انت اخدت بالك و اقرا على العلبة لو موجود ان فيها هديه اللى بطرقع زى ما كنا بنجبها زمان و لا لأ و لو مالقتش حاجة يبقى غالبا مادة حافظة لامتصاص الرطوبة زى ما السادة الاعضاء وضحوا