سؤال بخصوص المدارس التجريبي

[FOUR 2014]

السلام عليكم
ان شاء الله بنتي هدخلها تجريبيkg1 وسمعت ان ابتدائي او اعدادي الدروس الحصة ب٥٠ج فهل ده صح ولا غلط وياريت لو غلط الحصه بتبقي بكام عشان انتو لو عرفين البلد ماشيه بالدروس

شكرا ليكم

[ah-gawad]

ما هي لو ب 50 في التجريبي هتباه 250 في الخاص

[FOUR 2014]

ما هي لو ب 50 في التجريبي هتباه 250 في الخاص

شكرا لردك
في انتظار باقي الاعضاء

[daliag]

متاابع

[misoalex]

باشا انت بتقول لسه kg1 تفتكر لما توصل لاعدادى سعر الحصه حيفضل زى ما هو ولا اصلا ساعتها حيبقى الحال ايه وفيه دروس ولا لا
احنا فى بلد منعرفش الساعه الجايه مخبيه ايه

[FOUR 2014]

باشا انت بتقول لسه kg1 تفتكر لما توصل لاعدادى سعر الحصه حيفضل زى ما هو ولا اصلا ساعتها حيبقى الحال ايه وفيه دروس ولا لا
احنا فى بلد منعرفش الساعه الجايه مخبيه ايه

كلام سليم
بس لما اعرف مثلا الحصه ب٥٠ دلوقتي لبقي لما ان شاء الله بننتي توصل لبقي ام٥٠ب١٠٠صح
ماشي طب لما اعرف ان الحصه ب٥٠ وانا مقدرتي ادفع ال٥٠ بالعافيه لبقي العقل بيقول اني مش هقدر ادفع بعد كام سنه حق الدروس
عشان كده بسئل عشان اقدر احدد

[FOUR 2014]

السلام عليكم
ان شاء الله بنتي هدخلها تجريبيkg1 وسمعت ان ابتدائي او اعدادي الدروس الحصة ب٥٠ج فهل ده صح ولا غلط وياريت لو غلط الحصه بتبقي بكام عشان انتو لو عرفين البلد ماشيه بالدروس

شكرا ليكم

[FOUR 2014]

هوا محدش عنده معلومة

[egyptiandiver]

رمضان كريم Mr. Four2014 - دي في kg1 يا ريس... إنت شاغل بالك ليه؟ يا سيدي أما تكبر و تحتاج ابقى إحجزلها في مجاميع تقوية في المدرسة أو في سنتر و في الحالتين هيكون أرخص من الدروس الخاصة في البيت، و ممكن مدرسين الفصل يكونو كويسين و البنت بتذاكر تمام و بكدة مش هتحتاج دروس أو تقوية من أصلو... ممكن تقسم حضرتك متابعة البنت انك مثلاً تكون شاطر في الرياضيات و العلوم و بكدة تذاكر للبنت و المدام تتابعها في العربي و الانجليزي مثلاً هتكون في مادة زي الفرنساوي أو الالماني هتوديهة درس أو مجموعة يا سيدي أما تكون في اعدادية و لا حاجة فمهما تكون الدنيا هتكون لذيذة. أهم حاجة انك تغرس في البنت إن المذاكرة دي لمصلحتها و مستقبلها و تقوله و من دلوقتي انتي لما تكبري عوزى تشتغلي إيه؟ بكدة هيكون عندها حافز عشان تشتغل.... و قلها أما تجبي نمر حلوة المدرسة و الفصل كلو هيحترموكي و يسقفولك كمان، و أنا أما تطلعي من التلاتة الأوائل كل شهر هجبلك هدية و بكدة يكون ليها حافز منظور تشتغل عشان توصله. كدة كمان البنت هتتعود تكون معتزة بنفسها و مستقلة. ربنا يباركلك فيها :)) أخوك أحمد سامي - أنا كنت مدرس إنجليزي في مدارس دولية مختلفة الحمد لله.

[FOUR 2014]

انا الصراحه مش عارف اشكر حضرتك ازاي حضرتك والله ماقصرت فعلا كانك. اخي
اخوك حسام
اما بنتي نفسها تطلع دكتورة

[misoalex]

طب مهو لو حضرتك حتحسبها كده يبقى حتدخلها حكومى فى الاخر

هى مش فرضه عليك انك تديها دروس بالتسعيره اللى هما حاطينها ممكن تدور على مدرس عنده ضمير ومحترم بعيد عن المدرسه اللى هى فيها

هو اهم حاجه فى المدرسه انها تكون كويسه موضوع الدروس بقى لما ييجى وقته يبقى يحلها ربنا يمكن الحال ينصلح ويرجعو زى زمان يحاربو الدروس الخصوصيه

على فكره انا زيك بالظبط وفى نفس حيرتك عندى kg1 برضه السنه دى وربنا يستر معملتش حساب موضوع الدروس ربنا يستر