ايه رايكم في مشروع دجلة بالمز في 6 اكتوبر

[احمد المصرى]

السلام عليكم


من كام يوم كنت في مدينه دجله بالمز في مدينه 6 اكتوبر في طريق الواحات بعد المصانع حوالي 15 كيلو من ميدان الحصري الشقة هناك سبعين متر ب 128 الف هل المشروع دا كويس وليه مستقبل وهل مربح يعني لو فكرنا نبيع بعد كام سنه ممكن نكسب من بيع الشقق دي

[FOUR 2014]

اكتوبر الشقق فيها اشتريها وسيبها كام سنه/وتكسب بعديها

[midoabdeen]

مشروع زبااااااااااااااااااله

دجله بالمز ودجله جاردنز مشاريع نصب علني

اولا المكان بعيد الى حد ما

وكمان بقولك مقدم 10000 و قسط 600

ولما تروح تسال تلاقي انك لو قتدفع مقدم 10000 يبقي القسط مش اقل من 2000 ج ولو قسط 600 يبقي مقدم عالي
دا غير ان فى قسط ربع سنوي بجانب القسط الشهرى

وغالبا هيقولك التسليم مش فوري

وعلى اخر السنه وشغل النصب دا وتستني 5 -10 سنين لغايه ماتستلم

ياباشا المشروع لو سمعته كويسه كان خلص من زمان انا اسمع عنه من سنتين فاتوا ولغايه دلوقتي لسه المشروع مخلصش

تفتكر كده الرحاب ومدينتي كان طلعت مصطفي بيعمل اعلانات بالمنظر دا ولا كانت الوحدات بتتباع من قبل البدايه فى المشروع اصلا

وكمان المساحات كلها نصب ياعني ال70 م دي الصافي بتاعها على الورف 68 م وفى الواقع هتلاقيها اقل

نصيحه ابعد عن المشروع دا شركة المرشدي دي بحسها شركة فاشله جداااااا

[abdulkhaleq]

مشروع فاااااااااااااااااشل
الاعلانات بتاعته من قبل الثوره
ولسه بيدللوا عليها
رحت ودخلت الشقق
هي الافتكاسه الجديده اللي طلعولنا فيها 63 م بالظبط !!! اصغر من حوش الترب بتاعنا لامؤاخذه !!!
مش عارف ازاي ممكن بني أدم يتجوز فيها دي ؟!
الغرف (وهي عالمحاره) صغيره بشكل مش طبيعي

يعني لو واحد اتجوز وربنا رزقه بولد وبنت مش عارف بصراحه هينيمهم فين !!

[daliag]

نصااااااااب مشهووور جدا ابعد عنه

[rompo10]

انا رحت مقر الشركه من سنه ونص تقريبا اللي في الهرم كلام الاعلانات نصب صح بتدفع 600 جنيه في الشهر لكن في دفعات بتتدفع يعني تقريبا هادفع شهريا 1600 جنيه دا غير المساحه ال 63 متر ولا تشيل اوضه نوم لعريس ولا تشيل انتريه ولا سفره وعلي ما اتذكر بعد المقدم ال 10000 هاتدفع دفعات تانيه 27 الف تقريبا مرتنين لغايه الاستلام

[احمد المصرى]

القصه انى هشترى كاش فموضوع الفلوس مش مشكله والاقساط وكدا بس المشكله حسب كلامكم انهم مش بيسلموا فى الميعاد مع انى المفروض هستلم فورا بس فعلا لحد اليوم محدش سكن خالص والاعلانات على النت من 2009 والمفروض ان المرحله الثانيه تتسلم يناير 2015 من ان حسب ال شفته انهم لسه معملوش فيها اى حاجه اطلاقا

[أبو_يوسف]

بالنسبة للمساحة .. هي دي مواصفات وشروط المشروع القومي لاسكان الشباب..
وهتلاقي كل الشقق كدا في حدائق اكتوبر .. إلا لو مشاريع تانية زي جولف ريزيدنس
والمشاريع دي بتبقى مراحل علشان كدا بيستمر البيع فيها فترات طويلة..
وبيبقى في عندهم تسليم فوري لو عايز.. لان بتبقى ازيد شوية في السعر وعلى فكرة الاسعار كانت غير كدا من سنتين تلاتة..
الاسعار بتزيد والدنيا كلها بتغلى

[help4me]

طيب ايه الشركات المحترمة اللى ممكن التعاقد معاها بمقدم بسيط

[YoussefMostafa]

للعلم بالشئ فقط الشقق كلها 80 متر والصافي 68 متر

والمشروع علي اربع مراحل ولسه باب الحجز للمرحلة التالتة مفتوح من قريب

والاسعار كل فترة بتزيد ... تقريبا كل 6 شهور

اما عن الجدية في مواعيد الاستلام .... ف الله اعلم