احسن مطعم مشويات بالقاهره

[Mody_Benz]

السلام عليكم ِِِِ...
كل سنة وانتوا طيبين ويارب تكونوا فى الف صحة وعافية

انا محتار يا جماعه عايز اعزم ناس قرايبى قبل رمضان ميخلص

ومش عارف مطاعم تكون مشويات كويسه وفى نفس الوقت تكون شيك وقعدتها كويسه انا فى ناس قالتلى عن فرحات فى المهندسين واستوديو مصر فياريت بعد اذنكوا لو تساعدونى وتقولولى اية المطاعم الكويسة اللى اقدر اروحها

ولكم كل الاحترام والتقدير
وشكرا

[ramymechanics]

بص يا سيدى ... لو هنتكلم كمشويات وأكل ستوديو مصر فعلا لحمته ممتزاة لكن أسعاره مبالغ فيها و كل قشاية عندهم بمبلغ وقدره يعنى كانز البيبسى مثلا ب 11 جنيه و اى طبق سلطة اضافى زى الطحينة او غيره ب 14 جنيه مثلا ضيف على كل حاجة خدمة وضريبة هتطلع متروق لكن أكلهم ممتاز بصراحة
الدهان أكله تحفة بردو فرحات النادى الأهلى ممتاز وفى جديد فى التجمع المنوفى فى شارع التسعين كقعدة انا عن نفسى بفضل ستوديو مصر الأزهر بارك القعدة والفيو تحفة بس خد بالك كل الأماكن دى عاوزة حجز و تروح تدفع عربون قبلها بوقت كافى لأن مطاعم البلد كلها كومبليت أصل فى ازمة اقتصادية طاحنة فى البلد

[hany63]

المنوفي في التجمع الخامس

[Adnfalcon]

الدهان وابو شقره
و نصيحه ابعد عن ستوديو مصر لسه صاحبي كان هناك و ندم الأكل كان وحش

[wahba87]

بالنسبة للمنوفى فى التجمع , رحت احجز افطار 7 أفراد (انا و أصحابى) , قالى فى مينيمام 145 جنيه للفرد

كتيييييير جدا و مغالى فيه بصراحة , فطرنا فى الشيف سرحان و كان كويس بصراحة و بدون مينيمام

[M_samii]

انا بصرتحه لسه واكل في ابو شقره قبل رمضان بس كان تحففه جداا و كان طعم الكباب رائع و باين فيه التتبيله بس كان غالي شويه

[dede_dodo88]

حسني.

[J A G U A R]

بحه بتاع الناصريه

[mahmoud_ali]

ابو شقره

[canner]

ابو خالد الحصرى 6 اكتوبر

[Mody_Benz]

شكرا ليكوا يا جماعة على نصايحكوا الغالية ديه

بس انا ان شاء الله بقول ستوديو مصر بس مش عارف انهى فرع احلى ( بورتو كايرو على الدائرى ناحية التجمع الخاس الخامس - ولا الازهر بارك ) واية الافضل

واهو نجرب انا مش هاكل فى الاماكن ديه كل يوم بس عزومه بقه ولمه ولازم نتبسط :d

[Merooxx]

متابع

[JapRuleZ]

شبراوى