عايز افتح حساب فى بنك

[SeiffoZ]

عايز اعرف تجاربكم فى فتح حساب فى بنك؟ انا محتار بين الاهلي المصري والcib وكريدي اجريكول ..

كنت عايز حساب توفير بيدي فائدة كويسة واعمل كريديت كارد .. بس المكن يكون شغال ومش مقرف .. وفى نفس الوقت بيدى خدمات محترمة ومش حرامى ..
عايز اعرف تجاربكم

[pioneerahmed]

Cib طبعا

[Adnfalcon]

شوف يا كبير
معظم البنوك واحد .. في فروقات بسيطه جدا
انا بالنسبالي اهم ميزه فالبنك انه يكون فاضي ورايق عشان انا مش بتعامل مع طوابير وانتظار .. عشان كده سبت cib لأنه اصبح زحمه رهيبه
دلوقتي بي ان بي باريبا اللي اشتراه nbd بنك الامارات دبي فعلا بنك تحفه و فيه ميزه ان الماكينات جديده و هادي جدا

[SeiffoZ]

شكرا, بس ها البنك الاهلى المصري تعاملاته كويسة؟ ولاانترنت البنكي فيه ايه نظامه؟
انا عايز بنك عشان استخدم البطاقات فى الشراء والطوارئ مش عشان تحويش

[Adnfalcon]

شكرا, بس ها البنك الاهلى المصري تعاملاته كويسة؟ ولاانترنت البنكي فيه ايه نظامه؟
انا عايز بنك عشان استخدم البطاقات فى الشراء والطوارئ مش عشان تحويش

تعاملاته تمام و ماكينات الصرف منتشره بس البنك زحمه طبعا

[ayman20100]

الخلاصة انت عاوز ايه

عاوز بنك محترم وخدمة عملاء راقية وما يكونش زحمة .... يبقى خليك في البنوك الخاصة وافضلها العربي الافريقي وعودة وhsbc
عاوز انتشار فروع وماكينات وبتدور على عائد على الودائع وقوة مالية في توفير احتياجاتك لو تعاملاتك كبيرة او في عملات يبقى الاهلي المصري و cib

[S O P H O S]

فرأي البنك الاهلي كويس وانتشار قوي
وعيبه الزحمة زي اي بنك

[pioneerahmed]

و مين قال ان الخدمة في عودة العربي الافريقي و hsbc احسن من cib
على فكرة انا موظف في cib

[SeiffoZ]

و مين قال ان الخدمة في عودة العربي الافريقي و hsbc احسن من cib
على فكرة انا موظف في cib

بس انا سمعت انى لو سحبت من مكنة غير بتاعت الcib هيخصم 20 جنيه! وده كتير جدا!

[pioneerahmed]

اة دة صحيح بس دة عشان ال debit card بتاع ال cib دولي و ممكن تستعملة برا مصر
و بعدين انت عندك تاني اكبر عدد مكن atm في مصر بعد البنك الاهلى لية تسحب من بنك تاني

عامة انت براحتك تختار البنك الى يعجبك انا كان كل اعتراضي بس على حتة زحمة لانة مش زحمة اوي الا فى وقت المرتبات انما بقية الايام عادي و ان الخدمة في البنوك التانية افضل و هي مش افضل و لا حاجة

[SeiffoZ]

اة دة صحيح بس دة عشان ال debit card بتاع ال cib دولي و ممكن تستعملة برا مصر
و بعدين انت عندك تاني اكبر عدد مكن atm في مصر بعد البنك الاهلى لية تسحب من بنك تاني

عامة انت براحتك تختار البنك الى يعجبك انا كان كل اعتراضي بس على حتة زحمة لانة مش زحمة اوي الا فى وقت المرتبات انما بقية الايام عادي و ان الخدمة في البنوك التانية افضل و هي مش افضل و لا حاجة

انا رحت البنك النهاردة وقالولى عشان اعمل بطاقة ائتمان لازم اربطها بوديعة او شهادة.
و ان حسابى لو نزل عن 5000 جنيه هيتخصم 60 جنيه شهري

[SeiffoZ]

طب حد جرب البنك الاهلى المصري؟ وكمان الخدمات بتاعته حد جربها؟ والانترنت البنكي فيه حد جربه؟

[amrelsaqqa]

اعمل في اي بنك بس ابعد تماما عن qnb

[4fun14]

انا بتعامل مع البنك الاهلي حساب جاري وعامل عليه بطاقه انترنت"الاهلي نت"
يطاقه الانترنت كويسه بس هي تشترط تكون حاطط وديعه او لك حساب فعلا ف البنك.. ويجنبلك جزء من المبلغ ده فقط اللي تتحرك فيه ع النت
بمعني.. انا عندي وديعه ب 100 الف جنيه.. عاوز اعمل كارت انترنت
عيسالني ايه اكبر مبلغ ممكن تتعامل بيه؟ هقوله مثلا الفين جنيه
كدة مينفتش اشتري من ع النت اكتر من الفين جنيه
ولا ينفع يتس ق مني امتر من الفين جنيه
لا ينفع البنك ياخد مني رسوم وفوايد اكتر من الالفين جنيه المبلغ المجنب...
يعني الالفين جنيه ده بيباه زي مبلغ للتامين عشان انت متشتريش وتهرب
بخص ص البنك فهو فعلا زحمه.. والعاملين مش شاطرين اوي لكن بالنسبه لي بنك مناسب لكثره الماكينات atm
وبي ي عائد كويس وبياخد متك مصروفات قليله
انما انت لو غاوي بيع وشرا ع النت انصحك بالبنك العربي الافريقي او كريدي اجريكول

[SeiffoZ]

اعمل في اي بنك بس ابعد تماما عن qnb

ليه qnb ؟؟ انا عندى فيه حساب اصلا ! بس بفكر الغيه بعد ما عرفت موضوع الانترنت البنكى 7 جنيه فى الشهر