واحد اتقدم لخطبة اختك . تسأل عنة ازاي ؟

[al_manara]

السلام عليكم
كل عيد وانتم بخير . عيد فطر سعيد



استفساري بخصوص
لو واحد اتقدم لاختك . المفروض تسأل عنة
-ازاي
-فين
-امتي
-واية هي الاسئلة ؟

[4fun14]

بيبان جدا شخص اللي قدامك.. لكن لو مصمم ع القصه دي يباه تعرف هو شغال فين وتروح تسال علي مكتبه ان كان بيشتغل هناك فعلا ولا لا
وراي زمايله فيه ايه
ويباه حظك كويس لو تعرف حد يسالك علي اهله
تضيفه ع الفيسبوك تشوف نوعيه اصحابه وتعليقاتهم وصورهم
حاول ف مره تخرج معاه وقوله ياريت نباه نتكلم ونخرج وبتاع... تخاول بس تشوف أصحابه
علي فكره دي افكار فقط لكن انا شخصيا لما زوج اختي تقدم لها عرفت انه ابن ناس ومحترم بسهوله... بيبان اوي صدقني بس انت متضحكش علي نفسك

[mcomics]

الشخص المحترم بيبان من تصرفاته، أفكاره، أسلوب حياته وعلاقته بوالديه، ودي بتبقى واضحة من غير سؤال، بل بالعكس ممكن يكون إنسان كويس بس زملائه في العمل بيغيروا منه او بيحقدوا عليه، وفي الحاله دي السؤال عنه في شغله يبقى زي قلته..

[بحار]

مفيش حاجه اسمها بيبان !!!!! ماالنصاب بيبقى مظهرة كويس قوى وباين عليه ابن ناس .. اسال عليه فى المنطقه اللى ساكن فيها وشغلة وياريت لو ليك حد معرفة جامده ساكن جنبه او شغال بالقرب منه .. هيا دى الناس اللى تجبللك المفيد .. انما لو روحت انته لجيرانه او شغلة محدش هايقول غير كلام كويس قوى لان الناس بقت تخاف من المشاكل ويخافو يقولو حاجه وحشه الكلام يوصلة .اهتم بنقطة السؤال دى قوى .. لحسن لو راجل مش ولا بد مش هايعيش اختك فى قرف وبس .. ده بتبقى الاسرة كلها فى جحيم ... ربنا يوفقك

[FAR!D]

متنسوش ان الناس تقريبا بقيت من نوعيه
ده نصيب ياعم مالناش دعوه.الراجل ده فل الفل

[midooo_119]

بتكلم معاه و تشوف دماغه و تشوف انتقائه للكلام و تشوف طموحه و فكره و بعدين اهله بيكلم عنهم ازاى و تسال فالمنطقة عنده بس خلاص

[abohend]

السؤال مهم

تسأل في مكان العمل
مكان السكن
النادي-الجيم-الصحاب-المسجد-الحلاق

و مش كلمة توديك و كلمة تجيبك
بس لو مثلا قالوا عنه مغرور تابع الخصلة دي فيه و شوف الكلام حقيقة و لا ﻷ

و أهم حاجة اﻹستخارة

[MohamedAbo]

أولا كل سنة وانت طيب يا باشا


بس يا سيدي إنت تسال عليه في كل حتة مكن تخيلها زي الشغل .. النادي... لو بيروح كوفي شوب .... لان ساعات للناس في الشغل بتقول كويس وخلاص اللشان كدة إنت لازم تسال كويس..


أنا كان جاي لبنت خالي مستشار في مجلس الدولة ... ولما سالنا عليه في كل حتة ..كله قال كويس بس أنا رحت النادي وسالت علية طلع اللبية خمورجي .. والحمد لله رفضناه ... ما اللينا إنت أسال كويس يا باشا ومايغركش المظاهر

[mk3]

انا طريقتى بسأل فى الشارع بتاعه وعملتها كذا مره ونجحت بالسلب والايجاب

[ahmed1981]

الأول بتسأله هو نفسه عن نفسه
بطريقة ظريفة مش إستجواب

وبعدين بتاخد عنوان بيته وشغله

وتسأل عليه عند بيته وفي الجامع جنب بيته
وتروح شغله تسأل عليه زمايله

بس خللي الموضوع خفي شوية

أحياناً بينفع لو هو إنسان متدين وفاهم
ممكن تسأله مباشرة أسأل مين عليك
ويديك نمرة صديقه اللي تسأل عليه
وطبعاً دي حاجة نادرة
ولو حصل روح قابل صديقه ده وهتعرف منه كتير

تسأل على إيه ؟؟
الدين والخلق
أساسيات الدين ومجمل الأخلاق

الأخلاق أهم حاجة
ممكن واحدة تتجوز واحد بيصوم النهار ويقوم الليل
لكن متكبر أو بخيل أو لسانه زفر
الحياة لن تمر بسلام

يمكن الموضوع ده يفيدك

http://www.nilemotors.net/Nile/311855-a.html

[zorg]

اللى بيقوله بيبان من الاول على فكرة مفيش حاجة بتبان احنا فى زمن الناس فيه ب100 وش

[r0xer]

الأول بتسأله هو نفسه عن نفسه
بطريقة ظريفة مش إستجواب

وبعدين بتاخد عنوان بيته وشغله

وتسأل عليه عند بيته وفي الجامع جنب بيته
وتروح شغله تسأل عليه زمايله

بس خللي الموضوع خفي شوية

أحياناً بينفع لو هو إنسان متدين وفاهم
ممكن تسأله مباشرة أسأل مين عليك
ويديك نمرة صديقه اللي تسأل عليه
وطبعاً دي حاجة نادرة
ولو حصل روح قابل صديقه ده وهتعرف منه كتير

تسأل على إيه ؟؟
الدين والخلق
أساسيات الدين ومجمل الأخلاق

الأخلاق أهم حاجة
ممكن واحدة تتجوز واحد بيصوم النهار ويقوم الليل
لكن متكبر أو بخيل أو لسانه زفر
الحياة لن تمر بسلام

يمكن الموضوع ده يفيدك


http://www.nilemotors.net/nile/311855-a.html

اكتر شخصية احتارت فيها في الموقع دا هو انت يابشمهندس احمد.. :d

تحياتي ليك وللمشاركة الجميلة دي وفعلا دي خير نصيحة..

[zorg]

صراحة موضوع جميل بس برضه مثلا يعنى الواحد هيمشى فى الشارع وعند الجامع ويسئل وخلاص مالواحد كده شكله هيبقى وحش وبعدين هسال مين فى الشارع او الجامع وبعدين ممكن ميكونوش يعرفه حاجة عنه ولو سئلت الجيران ولا البواب ممكن ميقولوش الحقيقة او يبقوا حاقدين عليه فيقولوا حاجة تضر والعمل نفس القصة

[al_manara]

شكرا جزيلا لك من شارك .

فهمت من اجابتكم ان السؤال بيكون قبل قرائة الفاتحة .

ثانيا في الايام دي الجيران ماتعرفش حاجة عن بعضها للاسف كل واحد قافل علي نفسة ومحدش لية دعوة بالتاني
ممكن تختلف لو في حي شعبي بيكون السؤال فية اسهل لان ناس كتير تعرف بعضها .
خلينا نقول لو المعادي او مدينة نصر او اي حي جديد . تقريبا محدش يعرف حد .
(احتمال الوصول لمعلومة هايكون صعب)

ثالثا العمل ياتري تسال الناس الموجودة معاة في المكتب ؟ ممكن يكونوا اصحابة وحبايبة ويقولوا هانعمل معاة الواجب ونقول انة تمام .
وممكن يكون فيهم حد عامل معاة مشكلة ويقولك دة اخلاقة ا معاملتة زفت .
(يعني احتمال اني اوصل لمعلومة صحيحة مش سهل او اكيد )

[waleed0]

اقعد معاه كذا مره واختبره في الكلام وشوف ردود افعاله ويستحسن تاخد راي حد يكون بيعرف يحكم علي الناس كويس , في ناس عنده الخبرة فى المواضيع دي وتقدر تعرف شخصية اللي ادامها من اول جلسه .