ورق للجيش اعفاء نهائى (استفسار )

[Secret-Man]

واحد صديقى كمل 30 سنه خلاص وهو اصلا وحيد وملوش اخوات بنات وكل مايسافر ياخد تصريح من الجيش للسفر لانه واخد اعفاء موقتا لحين وصوله 29 سنه وهو الان 30 سنه

فايه الورق المطلوب للحصول على الاعفاء النهائيه لانى مش هينفع افتى واقوله على ورق انا معرفوش


لو حد يقدر يفيدنا يبقا جزاكم الله كل خير

[minicooper20]

ماهو واحيد لو والدى تم ال٦٠ يبقا خلاص

[Secret-Man]

ماهو واحيد لو والدى تم ال٦٠ يبقا خلاص

لا هو والده متوفى من كام شهر لسه وهو تم 30 فمش عارف ورق ايه الى يجهزوا
وانا مش عارف الصراحه فقولت اسال حد عارف هنا

[hesham fawzy h]

يرووووح يسأل فى حلمية الزيتون على جسر السويس ..
اول ميدخل هيلاقى مبنى على ايدة اليمين و يسال جوة على الورق المطلوب .. مبتبقاش زحمة ان شاء الله

[Mido Casper]

يروح يسأل في التجنيد وهو زي ما قالك الاستاذ
العنوان بالضبط لو رايح بالمترو ينزل محطه مترو حلميه الزيتون من اتجاه حلوان ويخرج هيلاقي 1000 مين يدله علي التجنيد
وممكن من جسر السويس عند بعد سنترال مصر الجديده قدامه هيلاقي كوبري التجنيد تحت الكوبري ده
بس اعتقد انهم قبل اي حاجة بيطلوا منه اثبات القيد بالجهه اللي هو تبعها
والرقم الثلاثي والله اعلم ورق الحكومه ملوش اخر :) ع العموم ربنا معاه ...
ونصيحه اخويه ياخد باله عشان النصابين والحراميه كتير قدام التجنيد

[windofchange]

منين الرقم الثلاثي

[Mido Casper]

الرقم الثلاثي بتعمله في السجل المدني بتطلب منهم انك عايز تطلع شهاده ميلاد كمبيوتر برقمك الثلاثي
بتاخدها وتطلع بيها علي القسم اللي انت تابع ليه وبيعتمدهالك الظابط اللي جوه بيديلك ختم النسر و ختم حاجة تانيه

[sherif_84]

هى ادارة التجنيد اللى فى جسر السويس بتشتغل الساعة 8 ؟

[Mido Casper]

بتفتح الساعه كام معرفش والله بس بتقفل الساعه 2

[windofchange]

الرقم الثلاثي بتعمله في السجل المدني بتطلب منهم انك عايز تطلع شهاده ميلاد كمبيوتر برقمك الثلاثي
بتاخدها وتطلع بيها علي القسم اللي انت تابع ليه وبيعتمدهالك الظابط اللي جوه بيديلك ختم النسر و ختم حاجة تانيه

انا مطلع شهادة ميلاد كمبيوتر...دي غير شهادة ميلاد بالرقم الثلاثي

[cosmo]

انا مطلع شهادة ميلاد كمبيوتر...دي غير شهادة ميلاد بالرقم الثلاثي

نفس الشكل وبيقى فيها 3 ارقام زيادة وبتبقى اغلى (مش متاكد)

[Mido Casper]

انا مطلع شهادة ميلاد كمبيوتر...دي غير شهادة ميلاد بالرقم الثلاثي

اه طبعا تختلف لانه بيكتبلك ارقام جديده وفعلا ممكن تكون اغلي شويه بس حاجة بسيطه