التجربة.رمضان 2014

[Karim_Monir]

السلام عليكم ورحمه الله
خلص رمضان
وخلص العيد
وحبيت اشارككم تجربة عشتها خلال رمضان ده
الاصل في التجربة اني اطبق فكرة المنع والصيام صح زي ما ربنا قال
ولما كان كتير من الدكاترة بيقولو ان الصيام فرصة للكبد انه ينضف من السموم اللي فيه
قولت ادي فرصة اكبر للكبد انه ينضف
وامنع عن نفسي كتفة الكيميكال اللي بتدخل الجسم يوميا
خاصة اني مريض ضغط واطي ومع اليف بيوصل ل 80/50
وطبعا باخد ادوية ضغط زي جيترون وكتير باخد بنادول اكسترا
لان قلة الضغط بتسبب صداع بشع
خاصة مع كترة التركيز في الكمبيوتر والموبايل والمكالمات والاستفزاز وحاجات تانية كتير
وبما اني قليل الاكل جدا.الاكل بالنسبالي عشان اعيش بس
لكن بستطعمه وماكلش اي حاجة :-)
فعادي جدا اني اقعد اليوم كله علي فطار بس
واروح بليل ماليش نفس اكل فلو كلت فاكهه يبقي حلو وخلصت
فده بياثر جدا عليا
فبعوض بشوية فيتامين بي علي سينترم علي غيرها
رمضان ده كان الحرب علي الكيميكال نهائي مش هاتدخل جسمي
من اول المسكنات بانواعها لحد الفيتامين كلها
خاصة اني شايف ان الفيتانين هاتقلل من حسناتي لانها هاتكون معين علي مشقة الصيام
خدت القرار وكان تطبيقة صعب اول ايام الصيام وكان رمضان السنادي في اول حر جدا جدا
وانا بحب شرب تلمية جدا ممكن اشرب خمسة ليتر يوميا في العادي
فكان قاسي
وعلي قدر التعب يكون الثواب باذن الله
اديتها كافيين بعد الفطار
ومع السجود في القيام كنت باطيل السجود عشان الدم يتدفق للدماغ واطيل الدعاء
اتنين في واحد يعني :-)
المهم خدت قرار جانبي اني اطبق الصيام صح وماشتمش نهائي مهما كان الاستفزاز طبعا وانا صايم سهل لكن بعد الفطار وغباء السواقين في الشوارع كانت تلمشقة اكبر والتحدي اكير
ومع ذلك مسكت نفسي
وقدرت اطبق التجربة علي نفسي لحد الاخر
مفيش مسكنات ولا بنادول
مفيش شتيمة :-)
وربنا يعينا علي التكملة :-)
ولما بكون مصدع قوي بكتفي بشوية تدليك للجبهة او اسجد لو نفع وبيجيب نتيجة كويسة

الخلاصة
الارادة جواك
متدلعش وانوي واحتسب وربك المعين
وكنت ناوي لو جالي برد او انفلوانزا برضه هاقضيها ليمون وحاجات سخنة ومش هاخد علاج
كنوع من انواع تحفسز المناعه اللي ضايعه معانا بسبب كمية الكيميا اللي بتدخل الجسم

اشوفكم بخير :-)
كريم منير

[MTAK]

دور علي نفسك جوا نفسك اكيد هتلاقي نفسك

[mastr_n]

شفاك اللة وعافاك

[grumby78]

يافندم فكر ممتاز . الغذاء والدواء مليانين بمواد غريبة وهيا بلاجدال سبب أمراض العصر اللي انتشرت بشكل مريع . الواحد بقى يسمع عن امراض غريبة بيصاب بيها ناس محيطين بيه . والمعدة بيت الداء والحمية رأس الدواء . الواحد لازم يتحرى الدقة في اكله وشربه حتى لو كان البديل مكلف في زمن لارقابة فيه على اي حاجه . انا قررت اقاطع الجانك فوود ومطاعمه ونفذت الكلام ده في رمضان وحسيت ان معدتي مرتاحه فعلا . أكل البيت النضيف لايعلى عليه بالاضافه انه ارخص ومفيد جدا للاطفال ونموهم . منعت ولادي من فترة طويله من كل المشروبات الغازية السودا - كولا وبيبسي- بالاضافة للشيبسي وملحقاته . بالتوفيق وربنا يعينك .

[Ahmed_selmy]

يا باشا الكلام اللى انت بتقولوا صحيح 100 %.......وفعلا الاراده موجوده وتصنع المعجزات
لان فى رمضان الانسان بيطلع طاقه فى العباده رهيبه يعنى تلاقى الواحد بيصلى كل الفروض فى المسجد و الترويح والتهجد ويختم القرأن مرتين تلاته ولو عنده امكانيه ممكن يعتكف .....دا غير الضدقات والزكاه و صلة الرحم
وبيكون بيروح شغله ويمارس حياته العاديه فى رمضان
يعنى ربنا بيقولنا الطاقه والوقت موجودين.....فين الحجه بقيت السنه
رمضان يخلص من هنا ....متلقيش وقت لا فى صلاة المسجد ولا فية قيام ليل ولو حتى ركعتين ولا المصحف بيتفتح وهكذا
المفروض ان الناس تحاول تحافظ على الاداء دا وعلى هذه الشحنه الايمانيه على قد ما يقدر خلال العام ويتم اعاده شحن الطاقه الايمانيه رمضان اللى بعده
ويعرفوا ان الارداه موجوده بس عايزها اللى يستغلها ويستفيد منها.
والله الموفق والمستعان

[Khaled Seif]

بسم الله ما شاء الله لا قوة إلا بالله ، بارك الله فيك يا صديقي العزيز ، وصدق الله إذ يقول ومن أراد الآخرة وسعى لها سعيها وهو مؤمن صدق الله العظيم ، فالإرادة والعزيمة والأيمان ثلاثة أسباب للسعادة في الدارين

[Karim_Monir]

فعلا الانسان عنده طاقة عجيبة لكن قليل ما نستغلها