موبيل لوالدي

[Ramy_2R]

السلام عليكم
كنت عايز أخد رأيكم فس أحسن موبيل ممكن أجيبه لوالدي
هو بيستعمله في مكالمات و ممكن برمج voip على بسيط و رسائل و كده و يكون مش مزعج في الجيب أوي

المشكله هو بيقرأ بنضاره ف كنت عايز أجبله موبيل ممكن يستعمله بدون نضاره
و في نفس الوقت يكون مش معقد

هو كان معاه موبيل نوكيا سيمبيان تتش
بس كان مش مريح
و جبتله c2 بس زاريره صغيره و مش مريح

ف بفكر في حاجه سمارت فون تكون شاشتها كبيره

فكرت في ال جراند و في ال نوكيا xl

انا جربت معاه ال s3 بتاعي قراءه الكلام سهله بالنسبه ليه المشكله في قرايه حروف ال كيبورد

فرأيكم أيه أو لو في أقتراحات تانيه ؟

[Y a r i s]

مشكلة فعلاً. ان اغلب الشركات لا تراعي احتياجات كبار السن. او ضعاف النظر في منتجاتهم ... وحتى احنا كمان لمن نكبر في السن ويضعف نظرنا برضوا مش هنلاقي موبايل يخدم احتياجات سننا ... عامةً انا متابع معاك

[alavokatooo_o]

انا عارف انه غالي بس ال نوت ٣ في نظام بيخلي الايقونات كبيره جدا وبسيطه اوي مش عارف النظام ده موجود ف موبيلات تانيه ولا لا وهي مجرد فكره بقولهالك وليك حريه الاختيار

[Ramy_2R]

انا عارف انه غالي بس ال نوت ٣ في نظام بيخلي الايقونات كبيره جدا وبسيطه اوي مش عارف النظام ده موجود ف موبيلات تانيه ولا لا وهي مجرد فكره بقولهالك وليك حريه الاختيار

هو الفكرة ان النون بلاضافه لسعره انه حجمه كبير نسبيا في الوضع في الجيب و كده

[mosboss]

حضرتك ممكن تشوف keyboard app تكون بتكبر الحروف و تجبله s3 مدام ارتحله و ممكن تشوف swift keyboard

[S O P H O S]

اعتقد فعلا كان في برنامج تغير الكي بورد
وحجم الحروف

[Shocky]

رأى .. بلاش Smart Phone لإن على قد ما هو مميز فى إمكانية تكبير الicons لكن المشكلة فى التعقيد بالنسبة لكبار السن .. بمعنى كثرة الأوبشن .. دة ممكن يكون صعب الاستخدام
عن تجربة مماثلة فكرت فى كل التليفونات وجبت nokia 208 .. ميزتة سهولة الاستخدام زى النوكيا القديم Symbian يعنى بيسمح ان الايكون يكون بحجم الشاشة كلها والحروف والارقام سهلة القراءة .. لكن انا معتقدش انه ممكن يشغل برامج voip
وبالتوفيق إن شاء الله

[Ramy_2R]

خلاص تم شراء ال جراند 2
الموبيل حجمه مناسب بس كبير سنه
الفكره ان سامسونج عملت وضع سهل جديد مسهل الدنيا جدا مع خط كبير أوي
المشكله كانت في ال keyboard و نزلت برنامج ظبطها
شكرا جدا ليكم

[egyptawy2010]

خلاص تم شراء ال جراند 2
الموبيل حجمه مناسب بس كبير سنه
الفكره ان سامسونج عملت وضع سهل جديد مسهل الدنيا جدا مع خط كبير أوي
المشكله كانت في ال keyboard و نزلت برنامج ظبطها
شكرا جدا ليكم

الف مبروك

ممكن تقولنا على برناكج ال keyboard اسمه ايه

والوضع السهل ده اجيبه ازاى

[mustafavet]

نوكيا لوميا 820 الايقونات كبيرة جدا لانه نظام ويندوز والموبايل كمان حجمه كبير وشيك