إعـــــــلان

Collapse

.

,
See more
See less

حجز وحدات سكانية في الرحاب

Collapse
X
 
  • Filter
  • الوقت
  • Show
Clear All
new posts

  • #16
    حاجة بس للناس اللى بتنتقد السعر
    بنك التعمير و اﻹسكان واخد الوحدات دى كجزء من ثمن اﻷرض من طلعت نصطفى وبيعرضها للبيع للمكسب .. الرحاب مفيهاش اسكان شباب و غير مخصصة لمحدودى الدخل لكن عائد البيع هيتم استثماره فﻻ تنفيذ مشاريع للشباب فى اماكن اخرى

    بالنسبة لسعر المتر فدلوقتى المتر فى ميدفيدا و بالم هيلز و ووتر واى معدى 8000 الى 10 آلاف جنيه ف 7000 حنيه فالرحاب مش كتير ابدا

    Comment


    • #17
      المشاركة الأصلية كتبت بواسطة ramymechanics
      حاجة بس للناس اللى بتنتقد السعر
      بنك التعمير و اﻹسكان واخد الوحدات دى كجزء من ثمن اﻷرض من طلعت نصطفى وبيعرضها للبيع للمكسب .. الرحاب مفيهاش اسكان شباب و غير مخصصة لمحدودى الدخل لكن عائد البيع هيتم استثماره فﻻ تنفيذ مشاريع للشباب فى اماكن اخرى

      بالنسبة لسعر المتر فدلوقتى المتر فى ميدفيدا و بالم هيلز و ووتر واى معدى 8000 الى 10 آلاف جنيه ف 7000 حنيه فالرحاب مش كتير ابدا
      مهما اوضحت

      مش حيبطلوا مصمصه في شفايفهم

      الكبر هو غمط الحق يعني انكاره مع العلم بيه

      Sent from my SM-N900 using Forum Runner
      [SIGPIC][/SIGPIC]

      afrtow سابقاً
      [FONT="Courier New"][SIZE="4"][COLOR="DarkSlateBlue"][B]
      [gdwl] الإمام الشافعي
      إني رأيت وقوف الماء يفسده * * * إن ساح طاب وإن لم يجرِ لم يطبِ
      والأُسد لولا فراق الأرض ما افترست * * *والسهم لولا فراق القوس لم يصبِ
      والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

      Comment


      • #18
        المشاركة الأصلية كتبت بواسطة egyptawy2010 مشاهدة المشاركة
        يعد اذنك وبحكم طبيعة شغلك ايه افضل مكان ممكن اسكن فيه فى زايد
        وايهم افضل من وجهة نظرك الشيخ زايد ولا التجمع لانى بصراحة حاسس انى التجمع ارقى لكن هدؤه قاتل
        شكرا
        الشيخ زايد ليها طبيعة و التجمع طبيعة تانية خالص
        الى متوعد على المهندسين و الدقى غالبا هيسكن فى الشيخ زايد و هى برضه هادية و جميلة بس عيوبها
        الطريق سواء المحور او الصحراوى للى هيضطر ينزل القاهرة
        مشكلة الامن فى الوقت الحالى لو مش واخد فى كومباوند مقفول
        غير كده هى لا تقل عن التجمع و بسعر افضل بكتير
        التجمع يميل ليه اكتر سكان مصر الجديدة و المناطق المحيطة ميزته انه اقرب للقاهرة و طرقه و محاوره كتير قوى
        عيبه اسعاره الى فاقت كل التخيل

        Comment


        • #19
          المشاركة الأصلية كتبت بواسطة mfe مشاهدة المشاركة
          اقل مساحة هتلاقيها ١٨٠ متر و المنطقة هتبقى من ارقى مناطق التجمع نتيجة للشروط البنائية على ٤٥٪ فقط من مساحة الارض و دورين بس كحد اقصى والشوارع كلها واسعة جدا بس متستناش تسكن هناك قبل سنتين لان الناس لسة بتبنى و المهلة هتخلص اغسطس ٢٠١٥ و الارض هناك ولعت نار نار يعنى متر الارض وصل فى بعض مناطق القرنفل الى ٥٠٠٠ جنيه للمتر فى ارض فيلات يعنى نصيب متر الشقة من الارض فقط يوصل الى ٢٥٠٠ جنيه و اكتر و طبعا هى محاطة بالرحاب و ماونتن فيو و قصور الشربتلى و كايرو بيزنس بارك و مقر النائب العام الجديد و هو تحفة فنية بالاضافة الى النوادى و المنطقة كلها فوق هضبة عالية يعنى هتشوف خامس دور فى عمارات الرحاب من بلكونتك و احسن منطقة هى القرنفل ٨ لانها جنب الرحاب و عالية عنها بشكل كبير بس المنطقة كلها ممتازة و محتاجة زيارة بنفسك هناك و هتلاقى ناس كتير حطين ارقام تليفونات لبيع شقق
          و ممكن برضه تروح التمر حنة جنب القرنفل على طول و ارشحلك التمر حنة ٢ لان منسوبها عالى و دى محاطة ببالم هيلز و النوادى و منطقة اللوتس و نفس اشتراطات القرنفل و نفس المهلة البنائية بس المساحات اكبر شوية يعنى اقل شقة ٢٠٠ متر و الاسعار برضه اقل شوية يعنى ممكن تلاقى من ٣٨٠٠ جنيه الى ٤٢٠٠ جنيه للمتر
          طبعا للاسف الاسعار من ٦ شهور بس كانت اقل ٥٠٠ جنيه للمتر بس لو استنيت اكتر ممكن الاسعار تغلى كتير عن مستواها دلوقتى لان التجمع كله زاد فى السعر بشكل خرافى بعد ما مونتن فيو هايد بارك باع مرحلة كاملة فى اقل من اسبوع و وقف حجز فى المشروع و بقى المتر فى اقل كومباوند معقول يصل الى ٦٠٠٠ و ٧٠٠٠ المتر للشقق و الى ١١ الف فى بعض المشروعات زى عامر و ميفيدا و الناس برضه بتحجز لدرجة انهم حتى بقوش يعلنوا عن المشروعات دى لانها بتخلص بمجرد فتح باب الحجز لدرجة ان فيه قوائم انتظار على المرحلة الجديدة من ميفيدا الى اصغر نموذج فيلات فيها ب ٥ مليون جنيه
          على فكرة افيه مشروع جديد لشركة مصر الجديدة فى التجمع اسمه هيليوبارك ممكن تستناه بس انت و حظك لان ممكن يتجننوا هما كمان و ينزلوا المتر ب ٧ او ٨ الاف جنيه زى معملوا فى مشروعهم الى ورا صن سيتى مول و المشكلة انه اتحجز بالكامل فى يوم واحد
          على فكره انا عارف التفاصيل دى بحكم شغلى فى احد مؤسسات الاستثمار الكبيرة الى بيفرض عليه ابقى عارف السوق العقارى فى مصر كلها
          طيب وايه اخبار المية هناك فى التجمع و القاهرة الجديدة كل ماافتح التليفزيون اسمع الناس تصوت لدرجة انى خفت
          وعايز كمان اعرف رايك فى 6 اكتوبر عشان لو نزلت الف ايه المناطق الكويسة الراقية اللى هناك ممكن الواحد ينزل يدور فيها
          وكنت عايز اسالك كمان تفتكر ممكن الواحد بمبلغ مليون ونص يلاقى بيت انشاءالله لو دور واحد فى منطقة كويسة فى اكتوبر ولا تفتكر مبلغ زى ده ميجيبش حاجة
          هو الواحد ممكن يصرف اكتر بس خايف برضه مش عايز يحط فلوسه كلها فى بيت ويتسوح بعد كده لو ان البيت له مزايا يعنى لو الواحد يسيبه للولاد بعد كده ده غير الراحة من قرف الجيران والكلام ده كله بس عموما خلينا نتناقش

          Comment


          • #20
            المشاركة الأصلية كتبت بواسطة zorg مشاهدة المشاركة
            طيب وايه اخبار المية هناك فى التجمع و القاهرة الجديدة كل ماافتح التليفزيون اسمع الناس تصوت لدرجة انى خفت
            وعايز كمان اعرف رايك فى 6 اكتوبر عشان لو نزلت الف ايه المناطق الكويسة الراقية اللى هناك ممكن الواحد ينزل يدور فيها
            وكنت عايز اسالك كمان تفتكر ممكن الواحد بمبلغ مليون ونص يلاقى بيت انشاءالله لو دور واحد فى منطقة كويسة فى اكتوبر ولا تفتكر مبلغ زى ده ميجيبش حاجة
            هو الواحد ممكن يصرف اكتر بس خايف برضه مش عايز يحط فلوسه كلها فى بيت ويتسوح بعد كده لو ان البيت له مزايا يعنى لو الواحد يسيبه للولاد بعد كده ده غير الراحة من قرف الجيران والكلام ده كله بس عموما خلينا نتناقش
            بص هو مشكلة المياه موجودة بس حلها سهل جدا و الكل بيعمله دلوقتى و الحل هو ماتور مياه و خزان متر او ٢ متر حتى لو المياه بتيجى ساعة فى اليوم هتملى الخزان و المشكلة تتحل و اعتقد برضه ان المشكلة مؤقتة و متنساش ان المشاريع لسة كتير هناك مسكنتش فاعتقدانه عاملين حسابهم
            ٦ اكتوبر كويسة بس حدد انت محتاج ايه من السكن لان طبيهة السكن مختلفة بين التجمع و اكتوبر و زايد
            التجمع بطبعه امتداد لمصر الجديدة مستوى السكان فى الاغلب راقى اجتماعيا مفهوش امتدادات عشوائية
            زايد شبيهة بالتجمع بالنسبة لسكان المهندسين و الدقى من الاخر معظم سكان المناطق دى متعوديين على الهدوء مش عشريين. اوى كل واحد بيحب يبقى فى حاله
            ٦ اكتوبر الطبيعة مختلفة شوية لان الدنيا زحمة و الاسواق و المحلات كتير و فى مناطق شعبية كتير بس مش هتحس بالملل و كل حاجة قريبة منك
            علشان تحط فلوس حدد الاول انت عايز ايه و معنى بيت بالنسبة لك ايه يعنى عمارة من بابها بره كومباوند و لا تاون هاوس و لا توين هاوس و لا فيلا مستقلة جوة كومباوند
            عامة اقولك نصيحة فى عضو فاضل قال كلمة حكمة قبل كدة ان الناس الى معاهم فلوس كتير بس طبقة محدودة من الشعب اقولك انا بقى انا بقى بناء على دراساتى فى المؤسسة الى ان بشتغل فيها الاغنياء فى مصر الى ثرواتهم تفوق ١٠ مليون جنيه حوالى ١.٥٪ من تعداد الشعب يعنى حوالى من مليون الى مليون و نصف دول تقريبا الى عندهم استعداد يدفعوا فى اى منطقة تخليهم يستمتعوا بحياتهم سواء فى القاهرة او الساحل او السخنة او الغردقة و شرم و هما مصدر الطلب الرئيسى فى التجمع و زايد علشان كده اسعارهم بتغلى بجنون دلوقتى لان المناطق دى العرض فيها محدود و الطلب من الفئة دى عالى لو مطمنين لحال البلد علشان كده لو اشتريت فى التجمع او زايد او حتى اكتوبر فى مستوى مرتفع عمرك م هتخسر كعقار عارف ماونتن فيو اكتوبر كانت الطوابير فيه زى طوابير العيش فنصيحتى استنى مشروع جديد فى التجمع او اكتوبر يكون كومباوند او مناطق فيلات محاطة بكومباوند و حط فلوسك فيه هتلاقيها تضاعفت فى خلال سنة او اتنين و نصيحتى لو مش مستعجل استنى مشروع هليوبارك بتاع مصر الجديدة
            عايز بقى تستمتع بحياتك و مش فارق معاك القرب او البعد روح خد لك حتة ارض ٧٠٠ متر بهيكل خرسانى فى فيلات بدر امام مدينتى على طول مش هتدفع اكتر من ٥٥٠ الف و كمل الفيلا و الاقساط هتعيش فى منطقة حلوة بجد محاطة ببوابات امنية و الفيو رائع و الجو رائع و فى فيلا مستقلة تماما بتمن شقة و برضه هتغلى مع الوقت و مع تطوير المنطقة كلها بس مش زى التجمع

            Comment


            • #21
              المشاركة الأصلية كتبت بواسطة mfe مشاهدة المشاركة
              بص هو مشكلة المياه موجودة بس حلها سهل جدا و الكل بيعمله دلوقتى و الحل هو ماتور مياه و خزان متر او ٢ متر حتى لو المياه بتيجى ساعة فى اليوم هتملى الخزان و المشكلة تتحل و اعتقد برضه ان المشكلة مؤقتة و متنساش ان المشاريع لسة كتير هناك مسكنتش فاعتقدانه عاملين حسابهم
              ٦ اكتوبر كويسة بس حدد انت محتاج ايه من السكن لان طبيهة السكن مختلفة بين التجمع و اكتوبر و زايد
              التجمع بطبعه امتداد لمصر الجديدة مستوى السكان فى الاغلب راقى اجتماعيا مفهوش امتدادات عشوائية
              زايد شبيهة بالتجمع بالنسبة لسكان المهندسين و الدقى من الاخر معظم سكان المناطق دى متعوديين على الهدوء مش عشريين. اوى كل واحد بيحب يبقى فى حاله
              ٦ اكتوبر الطبيعة مختلفة شوية لان الدنيا زحمة و الاسواق و المحلات كتير و فى مناطق شعبية كتير بس مش هتحس بالملل و كل حاجة قريبة منك
              علشان تحط فلوس حدد الاول انت عايز ايه و معنى بيت بالنسبة لك ايه يعنى عمارة من بابها بره كومباوند و لا تاون هاوس و لا توين هاوس و لا فيلا مستقلة جوة كومباوند
              عامة اقولك نصيحة فى عضو فاضل قال كلمة حكمة قبل كدة ان الناس الى معاهم فلوس كتير بس طبقة محدودة من الشعب اقولك انا بقى انا بقى بناء على دراساتى فى المؤسسة الى ان بشتغل فيها الاغنياء فى مصر الى ثرواتهم تفوق ١٠ مليون جنيه حوالى ١.٥٪ من تعداد الشعب يعنى حوالى من مليون الى مليون و نصف دول تقريبا الى عندهم استعداد يدفعوا فى اى منطقة تخليهم يستمتعوا بحياتهم سواء فى القاهرة او الساحل او السخنة او الغردقة و شرم و هما مصدر الطلب الرئيسى فى التجمع و زايد علشان كده اسعارهم بتغلى بجنون دلوقتى لان المناطق دى العرض فيها محدود و الطلب من الفئة دى عالى لو مطمنين لحال البلد علشان كده لو اشتريت فى التجمع او زايد او حتى اكتوبر فى مستوى مرتفع عمرك م هتخسر كعقار عارف ماونتن فيو اكتوبر كانت الطوابير فيه زى طوابير العيش فنصيحتى استنى مشروع جديد فى التجمع او اكتوبر يكون كومباوند او مناطق فيلات محاطة بكومباوند و حط فلوسك فيه هتلاقيها تضاعفت فى خلال سنة او اتنين و نصيحتى لو مش مستعجل استنى مشروع هليوبارك بتاع مصر الجديدة
              عايز بقى تستمتع بحياتك و مش فارق معاك القرب او البعد روح خد لك حتة ارض ٧٠٠ متر بهيكل خرسانى فى فيلات بدر امام مدينتى على طول مش هتدفع اكتر من ٥٥٠ الف و كمل الفيلا و الاقساط هتعيش فى منطقة حلوة بجد محاطة ببوابات امنية و الفيو رائع و الجو رائع و فى فيلا مستقلة تماما بتمن شقة و برضه هتغلى مع الوقت و مع تطوير المنطقة كلها بس مش زى التجمع
              انا اسف علي التدخل في هذا النقاش

              انا خارج مصر حالياً و عايز اشتري شقة في التجمع الخامس بس تكون في كومباوند راقي لانها هتكون الشقة اللي هستقر فيها لما ارجع مصر باذن الله يعني مش مهم الاستلام دلوقتي.
              المبلغ المتاح كاش حوالي 400 الف جنية و ممكن اكمل االباقي اقساط
              يا تري حضرتك تنصح باي كومباوند

              Comment


              • #22
                التجمع أسعاره بقت عاليه اوى وكمان بقى زحمه بسبب الشركات الكتير اللى فتحت فيه.
                [CENTER][COLOR=Green]سبحان الله وبحمده سبحان الله العظيم
                أستغفر الله العظيم الذى لا إله إلا هو الحى القيوم وأتوب إليه
                [/COLOR] [/CENTER]

                Comment


                • #23
                  استاذ mfe

                  ايه رأيك فى التوسعات الشمالية فى اكتوبر
                  هناك مشروعات عمارات انشئتها شركات قطاع عام واعمال
                  زى مشروع طيبة جاردنز تبع المحمودية
                  ومشروعات لشركة النصر للاسكان
                  وشركة الشمس
                  A.Saad

                  Comment


                  • #24
                    المشاركة الأصلية كتبت بواسطة a.saad مشاهدة المشاركة
                    استاذ mfe

                    ايه رأيك فى التوسعات الشمالية فى اكتوبر
                    هناك مشروعات عمارات انشئتها شركات قطاع عام واعمال
                    زى مشروع طيبة جاردنز تبع المحمودية
                    ومشروعات لشركة النصر للاسكان
                    وشركة الشمس
                    التوسعات الشمالية مستقبلها هايل بس لسة قدامها وقت ما تستعجلش على السكن هناك و لو تقدر اشترى حتة ارض مش شقة و خلى بالك كل المشروعات الجديدة فى اكتوبر زى ماونتن فيو و عامر هناك فالارض هتبقى افضل لانها استثمار ممتاز و ممكن تسكن فى المستقبل انما المشروعات الى انت قولتها يا تطلع كويسة يا وحشة بالمقارنة بالوحوش الى جنبها و ساعتها يا تغلى فى السعر جامد يا اما تبقى فيها مشاكل
                    ان بحكم خبرتى فى الاستثمار بشكل عام دايما بدور على الحاجة الى تعملك اكبر عائد و نصيحتى ليك الارض هناك كويسة بدل الشقة حتى لو هتشترك فيها مع حد

                    Comment


                    • #25
                      المشاركة الأصلية كتبت بواسطة dongol123 مشاهدة المشاركة
                      انا اسف علي التدخل في هذا النقاش

                      انا خارج مصر حالياً و عايز اشتري شقة في التجمع الخامس بس تكون في كومباوند راقي لانها هتكون الشقة اللي هستقر فيها لما ارجع مصر باذن الله يعني مش مهم الاستلام دلوقتي.
                      المبلغ المتاح كاش حوالي 400 الف جنية و ممكن اكمل االباقي اقساط
                      يا تري حضرتك تنصح باي كومباوند
                      بص حضرتك
                      كومباوند راقى بمقاييس التجمع يعنى زى القطامية هايتس او ديونز او لايك فيو حتى الرحاب هناك لا تعتبر كومباوند راقى
                      الفكرة هى الكومباوند نفسه كبير و لا صغير اية الخدمات الى فيه و موقعه فين
                      لو كومباوند صغير فيه كتير موجود و اسعارهم معقولة هتلاقيم ادام بوابة ٦ فى الرحاب او فى المستثمرين الشمالية او عند الجامعة الامريكية قريب من التسعين او حتى على التسعين نفسه و دول اسعارهم بحد اقصى ٦ الاف جنيه المتر و ايوه ممكن تلاقى الشروط الى انت عاوزها بس خد بالك ما فيش خدمات جوه الكومباوند يعنى لو عايز شوية خضار او علبة سجاير هتاخد عربيتك و تطلع بره لغاية الرحاب او اقرب مول تجيبهم
                      طبعا انت لازم تنزل تتفرج بنفسك هناك عليهم و انا عن نفسى شفت كذا مشروع كويسيين منهم حياتى و ناس تانية مش فاكرهم
                      كومباوند كبير ده قصة تانية زى الرحاب و ماونتن فيو طبعا الاسعار اعلى بكتير لان فيهم كل الخدمات و نادى و مولات و اسواق و مساحات خضراء و ده ممكن تلاقى مساحات صغيرة بالمقدم ده و عايز نصيحتى لو عندك استعداد خد فى ماونتن فيو هيدبارك هيبقى تحفة انا عارف انه خلص بس ممكن تكلم المبيعات فيه لسة وحدات ما تباعتش على حد علمى انما هتبقى وحدات كبيرة فى المساحة و غالية فى السعر يعنى اعمل حسابك على ١.٦ مليون جنيه للشقة الكبيرة او i villa

                      Comment


                      • #26
                        بص هو مشكلة المياه موجودة بس حلها سهل جدا و الكل بيعمله دلوقتى و الحل هو ماتور مياه و خزان متر او ٢ متر حتى لو المياه بتيجى ساعة فى اليوم هتملى الخزان و المشكلة تتحل و اعتقد برضه ان المشكلة مؤقتة و متنساش ان المشاريع لسة كتير هناك مسكنتش فاعتقدانه عاملين حسابهم
                        المشكلة ان كان فى واحد من يومين بيتصل بجابر القرموطى بيقوله ان المية اصلا مبتجيش ولو ساعة

                        التجمع بطبعه امتداد لمصر الجديدة مستوى السكان فى الاغلب راقى اجتماعيا مفهوش امتدادات عشوائية
                        زايد شبيهة بالتجمع بالنسبة لسكان المهندسين و الدقى من الاخر معظم سكان المناطق دى متعوديين على الهدوء مش عشريين. اوى كل واحد بيحب يبقى فى حاله
                        ٦ اكتوبر الطبيعة مختلفة شوية لان الدنيا زحمة و الاسواق و المحلات كتير و فى مناطق شعبية كتير بس مش هتحس بالملل و كل حاجة قريبة منك
                        علشان تحط فلوس حدد الاول انت عايز ايه و معنى بيت بالنسبة لك ايه يعنى عمارة من بابها بره كومباوند و لا تاون هاوس و لا توين هاوس و لا فيلا مستقلة جوة كومباوند
                        بص ماشاء الله عليك من الواضح انك خبرة كبيرة فى المجال وعندك معلومات ونصائح قيمة وانا مش قدك
                        انا بحاول اسئل واجمع معلومات وانزل الف هنا وهناك بعد كده
                        عشان الواحد لازم يفكر مليون مرة قبل مايرمى فلوسه فى حاجة
                        الواحد اكيد عاوز يحط فلوسه فى حاجة تمنها فيها ويوم مايحب يتصرف فيها يقدر يتصرف بسهولة وفى نفس الوقت عاوز يحط فلوسه فى حاجة قيمتها تزيد مع الوقت
                        الواحد مش عايز تاون هاوس وتوين هاوس و الكلام ده لاسباب خاصة الواحد مر بيها وحاجات تانية الواحد فى احتمال انه يمر بيها
                        انا قصدى بالبيت بيت عائلى 4 شقق عشان الاولاد مستقبلا
                        وممكن برضه تدينى فكرة عن الفلل المستقلة بس اللى ممكن ابنى عليها بعد كده اذا كان فيه باسعار معقولة
                        لانى اما اتصلت بالكومباوندات لقيت الاسعار نار
                        يعنى الشقة فى بورتو اكتوبر 88 متر باين ب980 الف
                        يعنى الاسعار نار وفى جراند هايتس الفيلا بتبدء من 2 مليون واسعار انا مقدرش عليها فبصراحة توجست خيفة من الكومباوندات واسعارها مش عارف بقى اذا كانت الاسعار دى فى الكومباوندات كلها او لا
                        وياريت لو تقولى ايه سلبيات السكن فى كومباوند
                        واكيد طبعا عايز حاجة تبقى فيها مواصلات بالحيث برضه اعرف اتحرك وكده وتبقى فى مكان راقى
                        يعنى الخلاصة انى مهتم ببيت يبقى عائلى 4 شقق كده او حتى لو دور وانا ممكن اعلى او فيلا وانا ممكن اعلى فيها او لو مفيش يبقى الافضل عندى اجيب شقتين 160 متر ولا حاجةوخلاص فى عمارة
                        يعنى تقريبا دى اهم النقط اما المناطق اللى يهمنى اسئل عليها بالترتيب:
                        القاهرة الجديدة و التجمع
                        6اكتوبر
                        زايد
                        الميزانية بتاعتى : مليون ونص دى اللى ممكن اتحملها بحد اقصى
                        ومعلش متقلين عليك

                        Comment


                        • #27
                          المشاركة الأصلية كتبت بواسطة zorg مشاهدة المشاركة
                          المشكلة ان كان فى واحد من يومين بيتصل بجابر القرموطى بيقوله ان المية اصلا مبتجيش ولو ساعة



                          بص ماشاء الله عليك من الواضح انك خبرة كبيرة فى المجال وعندك معلومات ونصائح قيمة وانا مش قدك
                          انا بحاول اسئل واجمع معلومات وانزل الف هنا وهناك بعد كده
                          عشان الواحد لازم يفكر مليون مرة قبل مايرمى فلوسه فى حاجة
                          الواحد اكيد عاوز يحط فلوسه فى حاجة تمنها فيها ويوم مايحب يتصرف فيها يقدر يتصرف بسهولة وفى نفس الوقت عاوز يحط فلوسه فى حاجة قيمتها تزيد مع الوقت
                          الواحد مش عايز تاون هاوس وتوين هاوس و الكلام ده لاسباب خاصة الواحد مر بيها وحاجات تانية الواحد فى احتمال انه يمر بيها
                          انا قصدى بالبيت بيت عائلى 4 شقق عشان الاولاد مستقبلا
                          وممكن برضه تدينى فكرة عن الفلل المستقلة بس اللى ممكن ابنى عليها بعد كده اذا كان فيه باسعار معقولة
                          لانى اما اتصلت بالكومباوندات لقيت الاسعار نار
                          يعنى الشقة فى بورتو اكتوبر 88 متر باين ب980 الف
                          يعنى الاسعار نار وفى جراند هايتس الفيلا بتبدء من 2 مليون واسعار انا مقدرش عليها فبصراحة توجست خيفة من الكومباوندات واسعارها مش عارف بقى اذا كانت الاسعار دى فى الكومباوندات كلها او لا
                          وياريت لو تقولى ايه سلبيات السكن فى كومباوند
                          واكيد طبعا عايز حاجة تبقى فيها مواصلات بالحيث برضه اعرف اتحرك وكده وتبقى فى مكان راقى
                          يعنى الخلاصة انى مهتم ببيت يبقى عائلى 4 شقق كده او حتى لو دور وانا ممكن اعلى او فيلا وانا ممكن اعلى فيها او لو مفيش يبقى الافضل عندى اجيب شقتين 160 متر ولا حاجةوخلاص فى عمارة
                          يعنى تقريبا دى اهم النقط اما المناطق اللى يهمنى اسئل عليها بالترتيب:
                          القاهرة الجديدة و التجمع
                          6اكتوبر
                          الشيخ زايد
                          الميزانية بتاعتى : مليون ونص دى اللى ممكن اتحملها بحد اقصى
                          ومعلش متقلين عليك
                          تؤمر ياباشا
                          بص خلينا نحدد الاول مواصفات السكن فى كومباوند الناس يتروح هناك لثلاثة اسباب
                          طبقة شديدى الثراء بتروح كومباوند علشان من الاخر محدش يشوفهم و لا يتابع حياتهم يعنى كده زى غرب الجولف و القطامية هايتس و غيرها دنيا تانية خالص بس اعمل حسابك على ١٠ مليون على الاقل
                          الطبقة المتوسطة او فوق المتوسطة الى زينا بتروح هناك برضه علشان الخصوصية و الامن الى حد كبير و الاعلانات بتستغل ده و بيرفع السعر كل سنة علشان كمان الى حجزوا يحسوا ان فى استثمار على فلوسهم
                          بص من الى انت كتابته طلع الشيخ زايد من الموضوع انت عايز حتة ارض فاضية و تبنيها يبقى سكن و استثمار اى كومباوند مش هيناسبك لان المبلغ ده مش هيحقق لك الى انت عايزه
                          بص انا هكلمك تبع خبرتى فى الاستثمار فى حاجة دايما اسمها return of development
                          يعنى ايه الكلام ده يعنى فيه عائد اضافى كبير للشخص الى بيغامر و يساهم فى تنمية منطقة معينة او مشروع معين و لم المشروع ده تم بنجاح العائد بيبقى عالى جدا
                          اضربلك مثل من ١٠ سنين المتر فى الرحاب كان بين الف و الف و خمسمائة جنيه دلوقتى المتر بسبعة يعنى ضاعفت فلوسك ٥ مرات بعائد ٥٠٠'٪ بس فى نفس الوقت كان المتر فى مصر الجديدة بحوالى ٣٥٠٠ جنيه دلوقتى المتر بحوالى ٦٠٠٠ جنيه يعنى عائد اقل من ٨٠٪
                          طب ده حصل ليه لان التنمية الكاملة وصلت الرحاب فاسعارها بقت نفس اسعار الامتداد الطبيعى الى هو مصر الجديدة
                          خد القاعدة دى عامة فى شراء اى عقار و ما تشتريش عقار فى منطقة وصلت للتنمية الكاملة علشان الاستثمار اشتريه بس لو ناوى تسكن فيه
                          علشان كده الى بيشترى فى الرحاب علشان السكن هقوله اتوكل على الله منطقة جميلة لكن مش هتكسب من الشقة و لو مش محتاجها يبقى حط فلوسها فى البنك احسن
                          بعد التمهيد ده يبقى نبتدى نفكر و اجاوبك استبعد زايد تماما علشان وصلت للتنمية الكاملة و بص على شماليات اكتوبر ممكن تاخد حطة ارض هناك و تبنيها بالميزانية الى انت حطتها
                          او تروح التجمع تدور على حطة ارض فى الاندلس ٢٧٠ متر بالتحديد تحط فيها حوالى مليون او مليون و مية و تبنى بالباقى على مهلك
                          عايز بقى عائد على مدى طويل شوية بس عائد ممكن يكون ضخم جدا و ممكن يكون لا روح فيلات بدر على طريق السويس خدلك حطة ارض ٧٠٠ الى ٨٠٠ متر فى حدود نصف مليون لغاية ٧٠٠ الف و ابنى فيلتك المستقلة على مساحة كبيرة و يوم التطوير يوصل المنطقة العائد هيبقى خرافى و التطوير هيوصل هيوصل بس امتى الله اعلم

                          Comment


                          • #28
                            المشاركة الأصلية كتبت بواسطة mfe مشاهدة المشاركة
                            تؤمر ياباشا
                            بص خلينا نحدد الاول مواصفات السكن فى كومباوند الناس يتروح هناك لثلاثة اسباب
                            طبقة شديدى الثراء بتروح كومباوند علشان من الاخر محدش يشوفهم و لا يتابع حياتهم يعنى كده زى غرب الجولف و القطامية هايتس و غيرها دنيا تانية خالص بس اعمل حسابك على ١٠ مليون على الاقل
                            الطبقة المتوسطة او فوق المتوسطة الى زينا بتروح هناك برضه علشان الخصوصية و الامن الى حد كبير و الاعلانات بتستغل ده و بيرفع السعر كل سنة علشان كمان الى حجزوا يحسوا ان فى استثمار على فلوسهم
                            بص من الى انت كتابته طلع الشيخ زايد من الموضوع انت عايز حتة ارض فاضية و تبنيها يبقى سكن و استثمار اى كومباوند مش هيناسبك لان المبلغ ده مش هيحقق لك الى انت عايزه
                            بص انا هكلمك تبع خبرتى فى الاستثمار فى حاجة دايما اسمها return of development
                            يعنى ايه الكلام ده يعنى فيه عائد اضافى كبير للشخص الى بيغامر و يساهم فى تنمية منطقة معينة او مشروع معين و لم المشروع ده تم بنجاح العائد بيبقى عالى جدا
                            اضربلك مثل من ١٠ سنين المتر فى الرحاب كان بين الف و الف و خمسمائة جنيه دلوقتى المتر بسبعة يعنى ضاعفت فلوسك ٥ مرات بعائد ٥٠٠'٪ بس فى نفس الوقت كان المتر فى مصر الجديدة بحوالى ٣٥٠٠ جنيه دلوقتى المتر بحوالى ٦٠٠٠ جنيه يعنى عائد اقل من ٨٠٪
                            طب ده حصل ليه لان التنمية الكاملة وصلت الرحاب فاسعارها بقت نفس اسعار الامتداد الطبيعى الى هو مصر الجديدة
                            خد القاعدة دى عامة فى شراء اى عقار و ما تشتريش عقار فى منطقة وصلت للتنمية الكاملة علشان الاستثمار اشتريه بس لو ناوى تسكن فيه
                            علشان كده الى بيشترى فى الرحاب علشان السكن هقوله اتوكل على الله منطقة جميلة لكن مش هتكسب من الشقة و لو مش محتاجها يبقى حط فلوسها فى البنك احسن
                            بعد التمهيد ده يبقى نبتدى نفكر و اجاوبك استبعد زايد تماما علشان وصلت للتنمية الكاملة و بص على شماليات اكتوبر ممكن تاخد حطة ارض هناك و تبنيها بالميزانية الى انت حطتها
                            او تروح التجمع تدور على حطة ارض فى الاندلس ٢٧٠ متر بالتحديد تحط فيها حوالى مليون او مليون و مية و تبنى بالباقى على مهلك
                            عايز بقى عائد على مدى طويل شوية بس عائد ممكن يكون ضخم جدا و ممكن يكون لا روح فيلات بدر على طريق السويس خدلك حطة ارض ٧٠٠ الى ٨٠٠ متر فى حدود نصف مليون لغاية ٧٠٠ الف و ابنى فيلتك المستقلة على مساحة كبيرة و يوم التطوير يوصل المنطقة العائد هيبقى خرافى و التطوير هيوصل هيوصل بس امتى الله اعلم
                            انا حبيت اشكر الاستاذ mfe علي مجهودة و كمان اقوله ما شاء الله عليك عندك افكار جبارة للاستثمار

                            Comment


                            • #29
                              انصحكم بمدينه المعراج خلف كارفور الدائري

                              قدامها من وجهه نظري 50% لما تصل الي الذروه فرصه اغتنموها

                              وسكن قريب من سكن التجمع

                              ان مكنش افضل في حاجات منه

                              تحياتي
                              [SIGPIC][/SIGPIC]

                              afrtow سابقاً
                              [FONT="Courier New"][SIZE="4"][COLOR="DarkSlateBlue"][B]
                              [gdwl] الإمام الشافعي
                              إني رأيت وقوف الماء يفسده * * * إن ساح طاب وإن لم يجرِ لم يطبِ
                              والأُسد لولا فراق الأرض ما افترست * * *والسهم لولا فراق القوس لم يصبِ
                              والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                              Comment


                              • #30
                                أنا دخلت مخصوص علشان أشكر الأستاذ mfe وأسأله بعض الأسئلة


                                أولاً: أنت شخص رائع وجميل، وردودك المستفيضة بالمعلومات الدقيقة على إخوانك هنا دليل على طيبة قلبك وصفاء نيتك.

                                أنا قرأت المشاركات كلها واستمتعت بها كثيراً، خصوصاً إني مهتم بشراء أرض في المدن الجديدة (خصوصاً الشروق أو بدر) أبني عليها فيلا صغيرة للمستقبل..


                                ثانياً: أرجو أن يتسع صدرك لبعض الاستفسارات الإضافية، التي ربما يستفيد منها الكثير من زوار وأعضاء المنتدي
                                - ما الفرق بين التوينهاوس twinhouse والتاونهاوس townhouse؟ اعذرني أنا لا أعلم
                                - ما رأيك في شراء أرض أو فيلا صغيرة في مدينة الشروق؟ وما هي أفضل أحياء الشروق المخصصة فقط للفيلات؟
                                - اقتراحك بشراء فيلا على الخرسانة في مدينة بدر، ممكن مزيد من التفاصيل؟ يعني اللي يروح هناك يروح فين بالضبط؟ ويختار أي منطقة؟
                                ثالثاً: ايه نصيحتك للمغترب برا مصر ومش بينزل إلا للأجازة؟ هل من الأفضل إنه يشتري فيلا أو شقة من دولتقي، ولا يحط فلوسه في البنك ولما يأذن رب العباد بنزوله النهائي يبقى يدور على مكان يشتري فيه؟
                                عذراً على الإطالة لكن وجودك بيننا فرصة كبيرة لازم نستغلها!

                                Comment

                                Working...
                                X