التسلسل الاداري في فودافون

[Dr_Mido]

السلام عليكم

حد عنده فكره عن التسلسل الاداري جوه خدمه عملاء فودافون ازاي يعني السوبر اللي بكلمهم ملهمش لازمه بصراحه ومحتاج اصعد المشكله اكتر من كده المفروض اطلب اكلم مين

سؤال بقي تاني هو في ادارات خدمه عملاء مختلفه يعني في اداره اسمها هاي او الاستهلاك العالي ولا لا

[AboELsoud]

اول واحد بيرد عليك بيبقى الايجنت و بعده الليدر و بعده الاسكلايشن تيم ( فريق التصعيد ) و اخرهم الفلور ليدر

ده من خلال خبرتي البسيطه في شغل الكول سنتر معاهم قبل ما اسيبها ( الحمد لله )

اما حكايه الادارات ده صحيح

خدمه العملاء اللي بيردوا على العملاء اللي بيشحنوا بمبالغ عاديه او متوسطه

غير اللي بيشحنوا بمبالغ كبيره دول بيبقى ليهم خدمه عملاء تانيه خالص ( اكثر احترافا و عندهم صلاحيات اكبر )

نفس خدمه العملاء دي للي عندهم ارقام مميزه جدا و للشخصيات المشهوره

[Dr_Mido]

يعني في حاله اني اطلب اكلم سوبر ويقلي لازم طلب قبلها علشان انا عميل هاي و السوبر المسئول عن الخط بتاعي مش متاح دلوقتي صح ولا بيقول اي كلام وخلاص علشان انا فعلا هعملهم جريمه بكره وشكرا لردك ياباشا

[AboELsoud]

حكايه السوبر المسئول عن خطك صحيحه فعلا

خدمه عملاء الهاي اصلا بيبقوا ستاف في فودافون مش اوتسورس زي العادي و المتوسط

و بيبقى فيه فعلا سوبر مسئول عن خطك

فأنت اطمن و متقلقش ان شاء الله هيحلوا مشكلتك

بس لو حاسس انهم مش مهتمين شدهم شويه و زعق و قلهم اكلم المسئول هتلاقيهم رجعوا يبقوا مظبوطين تاني

[mesaharaty]

آه وألف آه
فكرتونى بمشكلتى السنة اللى فاتت مع فودافون
يا خرابى على اللى عملته معاهم
أنا اتحولت واتوحشت عليهم

النصيحة الهامة :
فودافون ماينفعش تكلمهم بالأدب والذوق أبدا علشان مايحسوش إن العميل حيطتهم الواطية ويتلاعبوا بيه .
خش شمال على طول واستعمل كل طرق التهكم والسخرية وأيضا - لا مؤاخذة - قلة الأدب والصوت العالى والتهديد والتصعيد والبجاحة كمان أصل دول عالم يخافوا مايختشوش (على مسئوليتى ) ولا مانع من الشتيمة كمان .

[S O P H O S]

فعلا لما بتكون بتشحن كتير وليك كذا حساب
بتلاقي خدمة عملاء افضل عندهم وليك الاولوية فالرد
خصوصا لو معظم خطوطك استخدام عالي وتبع فودافون 1
وبرغم اني بيبقي ليا اولوية فالرد لكان كنت اتمني ان المستوي يكون واحد
لانهم عملين يسوء كل شوية اكتر من الاول