استشاره مهمه في موضوع ترك العمل

[moudy88]

السلام عليكم ورحمة الله وبركاته


دلوقتي انا كنت شغال في شركه مقاولات ( sub contractor ) وحصلت مشكله يوم 3 -7 وخناقه مع احد المديرين واتطورت لمد ايد ...وبعدها بيوم قدمت استقاله مسببه

ال hr حب يجامل المدير وعدل في الاستقاله وخلى التاريخ 3-8 وقالي تشتغل شهر ..مع ان فيه ناس قدموا استقالتهم بعدي باسبوع ومشيوا في يومها

المهم نزلت شغل اسبوع وبعد كده محدش بقى بيطلبني ..(شغلي استدعائات من البيت )

لحد دلوقتي مفيش فلوس نزلت لا بدلات ولا مرتب ولا اي حاجه

وانا معايا عهده ( خط موبايل ولاب وكاميرا وحاجات تانيه )

انا شايف اني اطنشهم واساومهم بالعهده والحاجات دي

بس هل ممكن يأذوني في التأمينات وميدونيش استماره 6 ..ومعرفش اشتغل في حاجه تاني ؟؟؟

ياريت الافاده ضروري قبل ماتصرف ...هل لو طنشتهم هيحصل حاجه ؟؟

[amrezzat82]

لازم تثبت حقك بأي طريقة أنك قدمت استقالة يوم 3 - 7
ثانيا لازم تروح على مكتب العمل و تعمل شكوى فيها التفاصيل كلها و انهم منعوك من اداء عملك و منعوا عنك المرتب و مش عايزين يدوك مخالصة او استمارة 6 و تجيب آخر الناس هناك عشان ممكن يكونوا بيقبضوا منهم و يطبخوها فخليك مفتح و فهمهم انك مش حتسيب حقك أبدا
و بعد كده تروح تقولهم فين المرتب و استمارة 6 و المخالصة لأنك مقدم الأستقالة بقالك شهر من 3 - 7 و مدش عايز يستلم العهدة
لو محدش رضي حاول تمضيهم على استلام العهدة و بعدين تطلع على قسم شرطة تعمل محضر بكده
حاول تسجل كل اللى بيحصل صوت او صوت و صورة - و تجيب اي ورق يثبت حق حتى لو صورة موبايل
طاملا هما ناس واطية يبقى لازم تعمل اي حاجة عشان تثبت حققك
او على الأقل تعمل محضر انهم مش عايزين يستلموا العهدة و مش عايزين يدوك مخالصة و رابطينك جنبهم و أنت بتأمن نفسك
لو ليهم فرع رئيسي حاول تروح هناك و تقابل حد بيفهم
ابقى سجل على موقع هيئة التأمينات او اعمل برنت تأمينات عشان ممكن أصلا ميكنش متأمن عليك فتختصر الطريق

[moudy88]

طيب وفيها ايه لو انا نفضتلهم وطنشت

هل المشكله كلها في التأمينات واستماره 6 بس ؟؟

ماهما هيفصلوا التأمينات من عندهم اكيد ومش هيفضلوا يدفعوا مخصوص علشان يقرفوني ؟؟

هل ينفع افصلها انا من نفسي في التأمينات ؟؟

انا معظم زملائي اللي اعرفهم في نفس مجالي كانوا دايما بيقولولي الشركات ال sub دي تافهه وملهاش لازمه

يعني ممكن تصحى الصبح ومتروحش الشغل وتسيبهم

ايه رأيك ؟؟

وهيا شركه من شركات المقاولات اللي بتعمل شغل لفودافون وموبينل عن طريق اريكسون ..يعني مقاولات من الباطن

[Ahmed abdkarim]

لازم شكوى فى مكتب العمل انه غير فى تاريخ الاستقاله بتاعتك .

[طارق _عبد السلام]

اصعب شىء على صاحب العمل شكوى فى مكتب العمل بس شوف اخرهم
ومن ناحيه التأمينات هم اكيد هيعملولك استماره 6 . لانهم مش هيدفعوا لك تأمين وانت مش عنهم

واخر حل خليه معاك مكتب العمل القضيه عندهم صعبه
انا كان عندى عامل ومش عايز يجيب كعب عمل علشان وظيفته ماتضيع منه جالى مكتب العمل واخدوا اسمه
وهو مشى بعدها باسبوع سافر السعوديه .. لقيتهم جايبين لى سنه سجن و1000 جنيه غرامه فى حاجه مليش اى ذنب فيها واتبهدلت لحد ماجبت البراءه ... بجد قانون العمل مفيهوش هزار

[M!SHO]

بص انا مش مع اللي هقوله ده ولو مكانك مش عارف هقدر اعمله ولا لأ

حاول تمشي نفسك معاهم وترجع العلاقه بينك وبين مديرك

انا مبقولكش تستمر في الشغل بس سيبه وانت سايب آثر كويس هناك

صدقني مهما كان المكان فيه سلبيات وغيره هتحتاجه تاني بشكل مش مباشر

حضرتك لو قدمت على اي وظيفه تانيه وكتبت انك كنت شغال في المكان الفلاني

عندك اي ابليكشن في اي شركه بيبقى فيها بند اسمه ريفرنس

المكان الفلاني ده بيبقى مرجع ليهم واحتمال كبير يسئل عليك هناك

[moudy88]

هو ايه الضرر لو لغوا التأمين بس مسلمونيش استماره 6 ..رخامه مثلا ؟؟

انا النهارده روحت لقيتهم بعتوا جواب انذار بأني منقطع عن العمل مع انهم مطلبونيش للشغل

واتخانقت مع ال hr