دفع الايجار في المحكمة

[OMAR11112010]

السلام عليكم

كنت سمعت قبل كدا انك ممكن تدفع الايجار بتاع الشقة في المحكمة يا تري ليه الواحد بيلجأ لحاجة زي كدا وايه الاجراءات المتبعة عشان الواحد يدفع الايجار في المحكمة؟
وشكرا لكم

[احمد المصرى]

لما بيكون فى مشكله بينك وبين صاحب الشقه

[aif]

الاجراءات انا مش عارفها بالتحديد
لكن اللي اعرفه انه عشان يصرف المبلغ ده من المحكمة ح يطلع عينه
ولازم يجيب مخالصة من الضرائب بان معليهوش اي مستحقات ولازم يكون معليهوش اي مستحقات واجبة السداد باحكام قضائية ... وممكن يقولوله لازم يرقص بالية في ساحة المحكمة كمان ... عشان كدة لو المبلغ صغير ... اكيد مش ح يصرفه تجنبا لقرف الروتين الحكومي المصري العريق
يعني و عاوز تقرف حد ... حطله فلوسه ف المحكمة
وسيب الحكومة تطلع عينه بمعرفتها بقي

[OMAR11112010]

كنت سمعت ان الموضوع دا امان للمستاجر من المالك في حالة انه عزل وساب الشقة ربما المالك يروح يرفع قضية طرد للمستأجر عشان مش بيدفع الايجار رغم انه منتظم في دفع الايجارات بعد ما عزل وبياخد وصولات كمان

[zorg]

فى الغالب لو فى مشاكل او الشخص اللى انتا مستاجر منه مش محل ثقة بتدفع فى المحكمة عشان تربيه ومليعبش فى ذيله
وياريت لو فى محامى معانا يقولى ازاى ادفع الصيانة بتاعت العمارة فى المحكمة وشكرا

[S O P H O S]

لو صاحب البيت مش موجود
وفي مشاكل بين الاطراف