طقطة التكييف - لسه جديد - هتجنني إيه الحل ...

[SERGIOOO90]

عندي مشكلة في التكييف من يونيون إير
صوت طقطة كل 10 - 15 ثانية زي مايكون تمدد في الأجزاء الداخلية الصةت
مقلق للنوم و مستفز جدا و مستمر بشكل يضايق
كلمتهم الفني قاللي عادي و هيروح و إلى الآن بقاله 3 أسابيع ماراحش المفروض أعمل إيه وللا من حقي أرجعه ؟؟؟!!!

[DreAmO]

هو في حد لسه بيشتري يونيون اير !

شوف الموضوع ده يمكن يفيدك

http://www.nilemotors.net/Nile/418778-a.html

[SERGIOOO90]

هوا الموضوع منتشر للدرجادي حاجة تقرف و الله

[M_samii]

لو بتسيب الريش تتحرك جرب تثبتها

[hhhhhm]

أنا كان عندى نفس المشكله دى فى تكييف شارب
لغاية من كام يوم حركت الخرطوم اللى بياخد من الكمبروسر لوحدة الأسبليت الداخليه بالصدفه فعملت نفس صوت الطقطقه ده مرتين وسبحان الله من يومها ماسمعتش أى طقطقه جرب يمكن تظبط معاك

كان عندى مشكله تانيه وهى أن التكييف صوته عالى شويه بس دى الفنى علشان عنده ضمير نبهنى ليها وهى أن الوحده الخارجيه المفروض أنها بتتوزن بميزان ميه وهو لسه بيركب لو مش موزونه صح بيبقى الصوت عالى ودى حلها 4 حتت ورق كرتون أو أربع حتت كاوتش تحت الوحده بيظبطوا الصوت جدا

[mero100]

العضو صاحب الموضوع .. موضوع الطقه اللي بتحصل دي زي ماحضرتك بتوصفها كده بالظبط ..كانت عندي في مكيف هواء و كان لسه جديد و فعلا موضوع مزعج لان صوت الطقه بيبان ليلا و تقريبا كل 20 ثانيه و بيبقي عامل زي صوت طقه قطعه بلاستيك ..

الحل :
اشتكيت و جالي كذا فني شاف الموضوع و كلهم قالوا الموضوع بسيط و عادي و ده تمدد بلاستيك و انكماشه اثناء عمليه التبريد و الفصل .. المهم .. صعدت الموضوع .. جالي لجنه من الشركه المنتجه .. و كان الحل ابسط مما تتخيل .. و هو وضع قطع صغيره من الشحم الابيض عند كل مفصلات و اماكن تحرك الريشه بالوحده الداخليه .. و اتحل الموضوع نهائيا .. بالتوفيق و اسف للاطاله .

[mohammadrashee]

انا جالي الفني وحط كريم شعر
ايوه طلب كريم شعر وحطه على النهايات وراحت المشكله
كان تكييف كاريير

[SERGIOOO90]

متشكر أوي يا جماعة يعني اجيب واحد من بره و خلاص ؟ انا مش يعرف انام