نصيحة في عرض عمل بالإمارات

[M_55]

السادة اعضاء المنتدي الكرام
ارجو النصيحة من السادة المغتربين
اخي تلقي عرض عمل بالإمارات بمبلغ 4000 درهم ( شاملة السكن والمواصلات ) + عمولة بعد ثلاث شهور
ومكتوب في العقد
additional benefits*
-Governmental medical card
- 2 months free transportation and accommodation
ولازم يرد في أقرب فرصة . فهل هذا العرض جيد أم لا علما بأنه متزوج ولديه اطفال وسوف يتركهم هنا في القاهرة ...فهل سيكفيه هذا الراتب للمعيشة والإدخار
وشكرا لكم

[dongol123]

حضرتك لم تذكر العمل في اي إمارة لان الأسعار متفاوتة من إمارة لآخري ولكن في العموم المبلغ ضعيف جدا وسيكفية بصعوبة ولا اعتقد انه هيعرف يحوش منه.
السكن هيحتاج حوالي الف درهم علشان يسكن في غرفة مشتركة مع ٤ افراد. الأكل هيحتاج الف درهم كمان في الشهر ده لو هيطبخ في البيت. المواصلات في دبي وأبوظبي نار وأقل مشوار في التاكسي هيدفع حوالي ١٠ درهم. كمان لازم تحسب ثمن المكالمات والهدايا اثناء النزول.

[محمد عز]

هو اخوك مهنته ايه؟

[Secret-Man]

انا مش لاقى رد اقوله على المبلغ ده غير انه ولا يعبرهم ولا كان عرض جاله اصلا

هو بس وظيفته ايه وفى اى اماراه ؟

[mr_sese]

ال 4000 درهمزى 1000 جنية فى مصر و خاصا انه معاه اولاد

[M_55]

حضرتك لم تذكر العمل في اي إمارة لان الأسعار متفاوتة من إمارة لآخري ولكن في العموم المبلغ ضعيف جدا وسيكفية بصعوبة ولا اعتقد انه هيعرف يحوش منه.
السكن هيحتاج حوالي الف درهم علشان يسكن في غرفة مشتركة مع ٤ افراد. الأكل هيحتاج الف درهم كمان في الشهر ده لو هيطبخ في البيت. المواصلات في دبي وأبوظبي نار وأقل مشوار في التاكسي هيدفع حوالي ١٠ درهم. كمان لازم تحسب ثمن المكالمات والهدايا اثناء النزول.

العرض لم يذكر مكان العمل ، اي ان العمل سكون في اي فرع من فروع الشركة المنتشرة في الامارات

[M_55]

هو اخوك مهنته ايه؟

sales consultant at optics company

[M_55]

يعني الافضل انه يرفضه ولا في امل انه يكفيه ومع الوقت يزيد ويترقي ؟؟؟

[cheetos_892005]

يعني الافضل انه يرفضه ولا في امل انه يكفيه ومع الوقت يزيد ويترقي ؟؟؟

المفهوم ده خاطئ تماما خصوصا في الخليج و اسال مجرب
بداية الذل في الخليج انك تطل من بلدك على مبلغ قليل زي ده يبقى اتركبت رسمي

يرفض بشده

[amr011111]

يخليه فى مصر وكأن شىء لم يكن
ده احتمال يستلف علشان يعرف يكمل الشهر
حتى لو المرتب كفاه الحياه هتبقى صعبه جداً
كفايه السكن المشترك فى غرفه واحده

[DODGE2013]

كبدايه ويروح لوحده مش بطال وممكن بعدها يدور على وظيفه تانيه ويتعرف على ناس في اماكنه تانيه ويشوف وظايف

تانيه و 4000 درهم يعني 7800 جنيه او 8000 تقريبا لو مرتبه في مصر اكتر من كده يبقى خليه لو اقل يتكل على الله

ويسافر خصوصا ان سكن ومواصلات عليهم

[أحمد كمال]

كبدايه ويروح لوحده مش بطال وممكن بعدها يدور على وظيفه تانيه ويتعرف على ناس في اماكنه تانيه ويشوف وظايف

تانيه و 4000 درهم يعني 7800 جنيه او 8000 تقريبا لو مرتبه في مصر اكتر من كده يبقى خليه لو اقل يتكل على الله

ويسافر خصوصا ان سكن ومواصلات عليهم

ما ينفعش تتحسب كده ابدا ابدا ابدا


القيمة الشرائية ل 4000 جنيه في مصر احسن من 8000 جنيه في الامارات بكتيييييييييييييييييييييييير


و السكن و المواصلات شهرين فقط على حسابهم (لحد ما يصرف نفسه) .....


المرتب ده هيشحت بيه في دبي ........ انا واحد صاحبي داخ على سكن مشترك و في الاخر مالقاش الا سكن نص لبة و مشترك و زمايله في السكن قارفينه في عيشته و بيدفع 1500 درهم في الشهر

[svneleven]

لو ما كانش شغال هنا كنت قولتلك ماشي يجرب مش هيخسر حاجة. لكن طالما شغال يبقي ما يسيبش شغلة لأن فعلا مبلغ تعبان مش هيكفيه أكل و شرب حتي لو قاعد في البيت.

[Ahmed_Rahem]

اولاً 4000 درهم شامل السكن والمواصلات لن يكفية شئ وكمان شغلة فى المبيعات يعنى هيلف طول اليوم علشان يعرف يجيب التارجيت بتاعة وياخد العمولة يبقى هيصرف فى المواصلات، او لو هيشتغل فى محل هيلاقى نفسة شغال 12 ساعة علشان يعرف يبيع كمية كويسة.
Government health card ولا لية اى لازمة دة مجرد انك مسجل فى الامارة وتقدر المستشفى تقبل تعالجك انما التكلفة كلها عليك (فى مرة جالى دور برد وسخنية المستشفى خد 500 درهم كشف من غير الادوية!!).
القوة الشرائة لمبلغ 4000 درهم تساوى تقريباً 1000 -1500 جنية، فلو مرتبة فى مصر اقل من كدة يبقى يسافر ويستحمل طالما هنا متبهدل بردة، لو اكتر يبقى يخلية هنا ويدور تانى (ويقوى نفسة فى الكورسات فى مجال تخصصة) لانة لو سافر هيبقى خسارة مادية وكمان اتغرب ومش هيعرف يحوش.
المرتب الكويس هنا مش اقل من 10000 درهم (وتامين صحى واجازة سنوية وتذاكر سفر سنوية).
طبعاً المسألة فيها نسبية واختلاف بين الافراد بس اهم مقياس وضعك فى مصر شكلة اية والعرض الى جاى يزيد عنه اد اية وتخصم مقابل التغرب عن اهلك (ليها تمن بردة).
وربنا يوفقة،
والسلام ختام