يا جمااااعة .. حد هنا ساكن فى الشروق ؟؟؟؟؟؟؟؟

[Noha.M]

حد معانا هنا يا جماعة من الاعضاء الكرام ساكن فى مدينة الشروق ؟ او يعرف حد ساكن

فيها ؟ او هو ناوى يسكن او يجيب شقة فيها ؟

طيب حد هيجوز قريب و راح خد لفة فيها ؟؟ و لو حد راحها كدة مرة مثلا عجبتكو طيب

ولا موش اوى ؟؟

بجد اللى عنده اى معلمومة عنها او يعرف تفاصيل اكتر عن المدينة دى يا ريت يقولى و

مايبخلش عليا بيها و انا هدعيلو دعوة حلوة :D

[WalidAdel]

ايه الموضوع ده دا في رشوه و حركات يعني

علي العموم انا نسبياً بروح الشروق و اعرف ناس حيتجوزوا ان شاء الله هناك

و اعرف ناس بردوا بيدوروا علي شقق هناك بردوا

بس افهم ايه المطلوب بالظبط علشان انا مش فاهم حاجه و حتلقيني بجاوب علطول

علي العموم هيا مدينه و مش مدينه بمعني اوضح مش زي الرحاب ليها بوابات و كده و امن و عربيات دوريه بتمشي فيها لأ هيا الصحراء اللي حولين الرحاب و ما بها من مباني تبع الجهاز و بردوا مدن عمرانيه زي الرحاب بس علي اصغر و ليها بوابات و امن و كده بس طبعاً مش فاكر اي اسمي منهم انا بروح هناك علشان نادي هيليوبليس و بس و مره واحده لفيت مع واحد صحبي واخد شقه هناك
في تجمعات فلل بس و في تجمعات عمارات كده صغيره ثلاث او اربع ادوار و في طبعاً الشقق بتاعت المدينه نفسها اللي هيا تبع الجهاز و كده

هيا عاديه و بيقولوا كلام كويس عنها عن الامن و المساحات الخضراء اللي حتتعمل و كده و الله اعلم بس علي فكره روحي اتفرجي احسن

[M!NA]

سمعت والله أعلم أن الشروق فيها مشاكل في وصول المياه لكل المناطق... و كمان ان بيحصل فيها هبوط أرضي... (نظرا لطبيعة الأرض)

و أعتقد أن ده سر الGap الكبيرة في الأسعار بين الشروق و الرحاب رغم قربهم من بعض...

نقطة أخيرة... أنها تفتقد للأمان...

[Noha.M]

ايه الموضوع ده دا في رشوه و حركات يعني

علي العموم انا نسبياً بروح الشروق و اعرف ناس حيتجوزوا ان شاء الله هناك

و اعرف ناس بردوا بيدوروا علي شقق هناك بردوا

بس افهم ايه المطلوب بالظبط علشان انا مش فاهم حاجه و حتلقيني بجاوب علطول

علي العموم هيا مدينه و مش مدينه بمعني اوضح مش زي الرحاب ليها بوابات و كده و امن و عربيات دوريه بتمشي فيها لأ هيا الصحراء اللي حولين الرحاب و ما بها من مباني تبع الجهاز و بردوا مدن عمرانيه زي الرحاب بس علي اصغر و ليها بوابات و امن و كده بس طبعاً مش فاكر اي اسمي منهم انا بروح هناك علشان نادي هيليوبليس و بس و مره واحده لفيت مع واحد صحبي واخد شقه هناك
في تجمعات فلل بس و في تجمعات عمارات كده صغيره ثلاث او اربع ادوار و في طبعاً الشقق بتاعت المدينه نفسها اللي هيا تبع الجهاز و كده

هيا عاديه و بيقولوا كلام كويس عنها عن الامن و المساحات الخضراء اللي حتتعمل و كده و الله اعلم بس علي فكره روحي اتفرجي احسن

هو انا خطيبي بيدور هناك على ارض فيلل و يبنى هو و اخواته ارضى و دورين و يسكنو مع بعض فلما دورنا ملقناش اصلا اماكن شيك غير يا اما فى compounds و دى المتر معدي فيها ال3 و ال 4 و بعدين فى شوية احياء برة كومباوند زى السابع و دة خلص بس فيه كام ارض كدة لسه متباعتش
بس اللى ملاحظاه ان الاسعار هناك عالية مش قليلة على انها مدينة جديدة و كدة و تقريبا مفهاش خالص خدمات غير قليل اوى

سمعت والله أعلم أن الشروق فيها مشاكل في وصول المياه لكل المناطق... و كمان ان بيحصل فيها هبوط أرضي... (نظرا لطبيعة الأرض)

و أعتقد أن ده سر الGap الكبيرة في الأسعار بين الشروق و الرحاب رغم قربهم من بعض...

نقطة أخيرة... أنها تفتقد للأمان...

ما احنا مقلقين من النقطة دى

انا لما اتفرجت عجبتني اراضي بس بجد كلها لسه صحرا و بيفرجونا فى خرايط لسه فمقلقة من ان الحتة دى مش هتعمر ولا 10 سنين و بجد فعلا رعب حتى محمود قالى انا استحالة اسيبك وحدك هنا ...
بس الاسعار نسبيا عالية اوى على انها تبقي ف صحرا كدة يعني الرحاب طبعا شوف عاملة زى ليها حق تبقي غالية لكن الشروق فاضية بجد و مفهاش اى خدمات امال ليه الاسعار العالية دى

[M!NA]

لو عايزة رأيي الشخصي... دوروا في 6 أكتوبر...

بنظرة سريعة للمدن الجديدة كلها هنلاقيها متخططة غلط و مستقبلها مش هيكون أحسن من القاهرة...

الشروق-الرحاب - مدينتي و كل العك ده... في طريق السويس اللي بيساع عربيتين بالعافية... و معظم أوقات الذروة مسدود... أومال لما المدن دي كلها تعمر هيبقا شكله ايه؟

6 أكتوبر تعتبر أفضل الاختيارات ... هي صحيح الوصول ليها بيكون من طرق بتكون مسدودة برضه معظم الوقت... بس عالأقل فيه كذا طريق...
يعني لو مش المحور فيه دائري...

غير أن مافيهاش مشاكل المياه و شوارعها متخططة أفضل و أوسع

[WalidAdel]

ممكن الشيخ زايد او العبور بردوا
انا اعرف ناس بيبنوا في العبور و مرتاحين اوي بس المشكله اللي في العبور ان الاراضي مش تبع الجهاز يعني اهالي يعني محتاجين فلوس كاش و قليل لما تلاقي حد ممكن يعمل تسهيلات
الشيخ زايد حلوه بس انا مرحتش هناك خالص

[أبومعاذ]

انا ساكن في العبور و العبور جميلة كمدينة للسكن و في نفس الوقت تعتبر استثمار هايل يعني لو حبيت ابيع كل سنة بيجيب على الاقل ضعف اللي قبلها

[Noha.M]

بالنسبة ل 6 اكتوبر بعيدة اوى عن اهلى و اهل محمود لاننا فى المعادى و هم فى مصر الجديدة و بجد مشوار صعب اوى

العبور انا سمعت ان فيها مشكلة مياة جوفية فى الحي السادس و السابع اللى هو بيفكر ياخد فيهم و قريت كلام غريب اوى عن ان اساسات العقارات تشبع بالمياة !!

حد عنده فكرة عن الكلام دة؟

[aif]

الشروق مش عمرانة بالشكل الكافي
العبور اقرب منها شوية .....لكنها مدينة عمرانة الى حد كبير ... انا ليا اقارب كتييير في العبور ...مدينة ظريفة ومستقبلها ممتاز ...
..........................
الشروق انا روحتها مرات قليلة ومن فترة حوالي سنتين .... كان ملاحظتي عليها انها مافيهاش ناس برغم اني كنت بروح الضهر ...

[Noha.M]

الشروق مش عمرانة بالشكل الكافي
العبور اقرب منها شوية .....لكنها مدينة عمرانة الى حد كبير ... انا ليا اقارب كتييير في العبور ...مدينة ظريفة ومستقبلها ممتاز ...
..........................
الشروق انا روحتها مرات قليلة ومن فترة حوالي سنتين .... كان ملاحظتي عليها انها مافيهاش ناس برغم اني كنت بروح الضهر ...

هي فاضية جدا فعلااا و لسه مفهاش اى خدمات اوى

انا حسيت انى هتخطف لو محمود اتوارب عني بس :D

بس انا حسيت مش عارفة ان مستقبلها احسن شوية من العبور يمكن عشان قدامها على طول مدينتي و كمان امتداد للرحاب و كدة ...

مش عارفة والله يا ابراهيم انا احترت اوى بجد

[Noha.M]

بعدين مشكلة المياة الجوفية دى طلعت مصيبة كبيرة فى العبور بص كدة اللينك دة
http://www.elfagr.org/TestAjaxNews.a...685&secid=2788

[Dr Zezo]

بصي حضرتك
انا ساكن في العبور من حوالي 3سنين في شقة وعندنا ارض في الحي العائلي وبنبنيها
العبور مدينة جميلة جدا وفيها جميع الخدمات وتقسيمها حلو جدا وواسعة
بالنسبه لموضوع المياه الجوفية فده موجود في الحي 7 و6 بس اللي هما بعد كارفور وده ممكن تبعدي عنهم تماما بالشراء في باقي احياء المدينة وهما أعلي بكثير"اقصد اعلي اي الارتفاع " عن الحي 6 و7 وممكن حضرتك تيجي تشوفي بنفسك هتتأكدي من كلامي
وعلي فكرة موضوع الميه ده مش موجود غير في بعض اماكن الحي 6و 7 وجهاز المدينة عرف سبب المشكلة وبيحلوها

[Noha.M]

بصي حضرتك
انا ساكن في العبور من حوالي 3سنين في شقة وعندنا ارض في الحي العائلي وبنبنيها
العبور مدينة جميلة جدا وفيها جميع الخدمات وتقسيمها حلو جدا وواسعة
بالنسبه لموضوع المياه الجوفية فده موجود في الحي 7 و6 بس اللي هما بعد كارفور وده ممكن تبعدي عنهم تماما بالشراء في باقي احياء المدينة وهما أعلي بكثير"اقصد اعلي اي الارتفاع " عن الحي 6 و7 وممكن حضرتك تيجي تشوفي بنفسك هتتأكدي من كلامي
وعلي فكرة موضوع الميه ده مش موجود غير في بعض اماكن الحي 6و 7 وجهاز المدينة عرف سبب المشكلة وبيحلوها

الف شكر للافادة :)

على فكرة انا رحت فعلا و شفت الحي السادس و السابع قبل كدة بس مدخلتش غيرهم

فمعرفش باقي الاحياء شكلها ايه و فين الاحياء الراقية هناك؟

بس بعد اذن حضرتك هو بالنسبة للاسعار اراضي الفيلات هناك كمان بتوصل لكام بظبط ؟

[WalidAdel]

ايوه بس حوار الميه اللي بيتكلموا عليه ده سببه العمارات اللي طلعت و مش عامله عوازل خرسانيه و بتاع لكن اللي بيبني جديد عامل و بعدين الموضوع مش زي ماهما بيقولوا كده بحيره و الكلام ده منسوب المياه الجوفيه في المناطق دي حوالي 1.5-2 من سطح الارض يعني و بعدين موضوع الميه دا لو ظهر ليه حل يعني دا شغلي يعني (تجفيف المياه الجوفيه) و الله المستعان
بس العبور حلو علي فكر جربي تروحي هناك و تتفرجي عليها افضل من السمع و طالما 6 اكتوبر بعيده يبقي العبور معقوله يعني

[hamdy]

حد معانا هنا يا جماعة من الاعضاء الكرام ساكن فى مدينة الشروق ؟ او يعرف حد ساكن

فيها ؟ او هو ناوى يسكن او يجيب شقة فيها ؟

طيب حد هيجوز قريب و راح خد لفة فيها ؟؟ و لو حد راحها كدة مرة مثلا عجبتكو طيب

ولا موش اوى ؟؟

بجد اللى عنده اى معلمومة عنها او يعرف تفاصيل اكتر عن المدينة دى يا ريت يقولى و

مايبخلش عليا بيها و انا هدعيلو دعوة حلوة :D

مين اللي صحانيمن النوم ده بس وقلقني :D
[صي يا سيتي الشروق ميزتها انها بتطل علي طريقين طريق السويس وهي تعتبر قدام الرحاب و طبعا بعد الشورق مدنتي وبعديهم علي نفس صف الشروق مدينة بدر ونيجي بقا للشروق من ناحية طريق الاسماعيلية مفيش 10 دقايق بعد العبور وتلاقي نفسك في الشورق
الشرق المباني هناك تلات انواع
اراضي فيلات
اراضي اسكان عائلي
عماير شباب و تعاونيات
سعر الارض هناك المتر بيتراوح من 1500 و انتي طالعة لحد 3000 سواء في الاراضي العائلي او الفيلات
ونصيحة مني لو هتشتري استني شوية عشان السعر في النازل