إعـــــــلان

Collapse

.

,
See more
See less

مشكلة شخصية مش لاقيلها حل

Collapse
X
 
  • Filter
  • الوقت
  • Show
Clear All
new posts

  • مشكلة شخصية مش لاقيلها حل

    السلام عليكم و رحمه الله و بركاته

    انا بجد مخنووووووق اوي من مشكلة كبيرة شخصية عندي ومحتاج اني افضفض معاكوا و استشيركوا اعمل ايه ، معلش هو الموضوع طويل شوية بس استحملوني

    انا متجوز من شهر مايو 2012 بنت كانت زميلتي في الشغل ومن اول يوم دخلت بيت اهلها فهمتهم اني لازم امي تعيش معايا في البيت لاني وحيد والدتي و هي ست مسنه عندها 70 سنه ومالهاش حد غيري في الدنيا

    اهلها وافقوا على طول و هي قالت مامتك حتبقى زي مامتي و الكلام ده

    بعد الجواز لقيتها اتغيرت و اتقلبت و مش طايقة امي تعيش معانا مش حقول بقى على كمية الخناقات بيني و بينها وكانت تتجنن لما اوديها لاهلها و اقولهم مراتي ممكن اجيب غيرها بس امي ماقدرش اجيب غيرها و لو بنتكوا فاكرة اني ممكن ابيع امي عشانها تبقى واهمة

    وكانوا اهلها يتدخلوا و يصلحونا و ترجع تاني و شوية و تحصل مشكلة و نعيد نفس الحوار
    لغاية ماربنا رزقنا بننتي لمار والموضوع هدي شوية بعد ما خلفت فضلنا عايشين كويسين احنا الاربعة انا و هي و امي و البنت لغاية يوم 10 اغسطس 2013

    كنا تالت يوم العيد الصغير وبفتح اللاب بتاعتي لقيته مفتوح على الفيس بتاع مراتي و كانت بتتكلم مع واحدة صاحبتها كالتالي :

    بتقولها امه الجزمة بنت الجزمة مش حرتاح الا لما تموت ساعتها محمد حيبقى ليا لوحدي بس
    ده انا نفسي ارتاح منها و منه هو كمان يارب يموتوا هما الاتنين ان شاله ابقى ارمله مش مهم
    عن ازنك لما اقوم اعمل الفطار للمفاجيع اللي عندي

    اقسم بجلاله الله ده الكلام اللي كاتباه بالحرف

    النار ولعت في جسمي و دمي غلي و الشيطان لعب بدماغي و جاي داخل المطبخ افتح دماغها في الاخر مسكت نفسي ولبست من سوكاتو اخدت اللاب و رحت بيت ابوها وفرجته هو و حماتي و ابنه على الرسايل طبعا اتجننوا و بقى وشهم في الارض وقولت لابوها خد بنتك يا عم الحج ربيها لانها عدبمه الرباية و هتهالي لما تخلص تربيتها و براحتك ولما ترجعها ساعتها نقعد قاعدة رجاله مع بعض

    الراجل خد بنته يوم 10 اغسطس 2013 وفضلت عنده شهر اتنين تلاتة ولا حس ولا خبر وانا ساكت مش بكلمهم خالص وضاغط على نفسي عشان خاطر بنتي بعيده عني

    بعد 5 شهور لقيت اخوالها بيكلموني و بيقولوا عايزبن نصلح بينكوا قولتلهم تتعتذر لامي الاول و تبوس راسها و بعدين نتكلم
    رجعوا بعديها بيقولوا نسايبك بيقلولك مش حيرجعوا بنتهم الا لو جبت شقة جنب بيتهم و تعيش مع مراتك 4 ايام و مع امك 3 ايام

    انا اسف في الكلمة شخرتلهم و قلبت الطرابيزة اللي قاعدين عليا في القهوة في وشهم وقلتلهم يعني بنتهم غلطانة و بيتشرطوا كمان

    وعدى شهر كمان او شهرين لقيت ابوها بيتصل و بيقولي الحياة بينكوا مستحيلة و مراتك طالبة الطلاق
    قولتله من عيوني بس تبربني من كل حاجة مالهاش عندي مليم احمر

    طبعا راح ولا اتصل تاني و عرفت بعد كده انه بيهتني

    المهم شقتي حصل فيها سرقة و مسكت الحرامي جواها ووديناه القسم و بعدين النيابة و اتصلت بمراتي عشان تيجي تشوف ايه اللي اتسرق و بدأنا نتكلم تاني شوية بشوية بس من ورا امها و ابوها وفضلت اقولها نرجع شقتنا تاني و عفى الله عما سلف وبالذات امي نفسها تشوف البنت و اهلها رافضين يوروني البنت لدرجة اني لعد كده اتنازلت عن كرامتي عشان خاطر بنتي و رحتلهم لغاية عندهم عشان اقولهم عايز مراتي لقيتها سامعه كلامهم و بتقولي انا مش عايزة ارجع ياما تجبلي شقة جنب بيت ابويا وامك ماتعشي معانا يا اما مش حرجع ، قولتلها خلاص اخبطي دماغك في الحيط

    الكلام ده قبل رمضان و رحت على شقتي غيرت الكوالين بتاعه باب الشقة و الباب الحديد و بطلت ابعتلها فلوس مصاريفها هي و البنت
    ولما طلبت مصاريفها قولتلها واصرف عليكي ازاي و انتي عاصية جوزك و رافضة تعيشي معاه خللي ابوكي بقى اللي انتي مرمية في حضنه يصرف عليكي

    يوم الخميس اللي فات راحوا الشقه عشان ياخدوا شويه من حاجتهم اتفجأوا بالكوالين المتغيرة لقيتها بتتصل بيا هي و امها و بيزعقوا قولتلهم دي شقتي واللي حيقرب منها حكسر رجليه لما تبقى ست محترمه و ترجعي البيت ابقى اديكي المفاتيح

    والحمد لله اني مش عامل قايمة والا الشقة كانت حتبقى على البلاط

    في ناس قالولي ارفع عليها قضية طاعة

    وناس قالولي اسيبها وانفضلها خالص هي و اهلها ولا اعبرهم

    اللي مضايقني ان بنتي هي اللي حتضيع في النص

    اللي مريح قلبي بجد دعوات الحاحة ليا اني بار بيها و شايلها جوه حبات عيوني

    دلوني اعمل ايه ؟؟؟؟؟

  • #2
    الانطباعات الاولى تدوم
    والمفروض انك ماكنتش سألت فيها من الاساس
    وكل شخص طريقته هتختلف عن التانى مع مراته المهم انك تخليك بار بوالدتك ربنا يديلها طوله العمر
    بس لو عاشت كمان سنتين تلاته حتى لو انته بعيد عن مراتك وبنتك بس علشان تعرف تكمل باقى حياتك وانته راجل فى نظر نفسك على الاقل

    Comment


    • #3
      انا طابعاً حاسس بيك جداً ومتخيل كل كلمة بتقولها
      ده ابتلاء من ربنا .. ربنا يثبتك فيه
      وانت عملت الصح الصح
      واللى مالوش خير فى اهله مالوش خير فى حد
      وهى لو بتفكر صح لمدة دقيقة واحدة
      هتعرف انك انسان اصيل وبار بامك
      وده يخليها تمسك فيك بايدها وسنانها
      لانك هتعرف تحافظ عليها
      اوعى تزعل ولازم تعرف ان ربنا هيعوضك خير ان شاء الله
      ببركة دعاء والدتك الله يباركلك فى عمرها اللهم امين
      والست ما تترباش الا بالست اللى زيها

      قبل اى حاجة انت عملت خطوة من اللى عليك ناحيتها
      انك روحت لحد عندها
      الخطوة التانية انها لازم تحس انها لاشئ
      وده انك هتوصلها باى طريقة تشوفها
      انك بتدور فعلاً على عروسة وبنت مش مطلقة ولا ارملة
      انت مفيش حاجة تعيبك ابداً وهتلاقى ان شاء الله
      بس علشان البنت انت لازم تعمل اللى عليك للاخر وتستنى شوية

      وبالنسبة للبنت ابعتلها مصاريفها على القد لان ده الصح
      بس هى ما تعبرهاش فى اى مصاريف
      وبقولك ابعت مصاريف البنت
      لان وحشة فى حقك ان جدها يصرف عليها فى وجودك
      لكن مراتك لما تحترم جوزها وبيتها انت هتحطها فى عينك
      معلش هو الاختبار صعب بس ربنا عارف انك قده
      علشان كدة لازم تستحمل وتتصرف بهدوء وثبات ولا تنفعل بقدر الامكان
      واحذر التعامل باسلوب رد الفعل لانهم هيستفزوك الفترة اللى جاية

      ابعت للبنت مصاريفها اللى انت تقدرها ما تديش الفرصة لكلب يقول عليك كلمة
      وان شاء الله ربنا هيفرج كربك قريب سواء معاها او مع الاحسن منها
      وما ربك بظلام للعبيد
      يا ريت تبقى تطمنا عليك ويفك كربك
      انت صح وافضل تحت رجلين والدتك هو ده الصح
      اما الزوجة بتتعوض 100 مرة
      وعلى فكرة مراتك كل تكبر هتتظبط وهتفهم لوحدها ومن الحياة
      اصبر عليها لان روحك معاها واوعى تستعجل وتطلقها

      ولو عاوزة تتطلق يبقى تخلعك
      لان بنتك لما تكبر مش هتسامح الغلطان
      خليها مرمية عند امها والايام هتربيها والناس داخلين طالعين يتفرجوا عليها
      اما انت فابشر باللى بتعمله مع امك .. كفاية قوى رضاها عنك
      ربنا يباركلك فى عمرها يا رب

      وبلاش تفكر فى الموضوع كتيير
      غير مودك باستمرار واخرج واختلط بالناس على قد ما تقدر
      عارف انه صعب ومفيش نفس بس اوعى تسيب نفسك للحزن
      وحط نفسك فعلا فى مود انك بتدور على عروسة واوعى تفقد ابتسامتك
      اللى يبيعك امحيه من حياتك بس انا اللى يهمنى البنت مع ام انانية لا تفكر الا فى نفسها
      وربنا معاك
      يوصلهم انك هتتجوز وادعيلى
      [CENTER][COLOR=navy][SIZE=4]السرعة داخل القاهرة 50 كم/س[/SIZE][/COLOR][/CENTER]
      [CENTER][COLOR=navy][SIZE=4]لا إله إلا أنت سبحانك انى كنت من الظالمين[/SIZE][/COLOR][/CENTER]
      [CENTER][SIZE=4][COLOR=#000080][SIGPIC][/SIGPIC][/COLOR][/SIZE][/CENTER]

      Comment


      • #4
        الأخ أبو لمار

        أحييك على برك بأمك وأقول لك من حقك أن تغضب من الكلام الذي كتبته زوجتك، وعلى تصرفها مع والدتك، ورغم كل ذلك لا أنصحك مطلقاً بالانفصال عن شريكة حياتك وأم بنتك، للأسباب التالية:

        أولاً: واضح أنه حتى الآن يوجد حب بينكما وبقاء على العشرة، رغم كل ما حدث، بدليل استعدادها للعودة للعيش معك لو جئت لها بسكن مستقل، وبدليل سعيك للتحدث معها من دون علم أهلها وطلبك بعودتها، وحرصك على الإنفاق عليها وعلى بنتك حتى وإن امتنعت مؤخراً بدافع الغضب

        ثانياً: الكلمات التي كتبتها زوجتك كانت في محادثة شخصية بينها وبين صديقة لها، وأنت أخطأت خطأ كبير بقراءة محادثات نسائية أغلبها - بسبب طبيعة النساء - تكون شكاوى من الزوج أو المعيشة، الخ. وأزعم أنا هنا – رغم رفضي لكل ما قالته - أنها كانت تنفس عن غضب بداخلها لكن خانتها الألفاظ. أخي الحبيب من منا لا يخطأ في حق الآخرين عند الغضب ويقول كلام أمضى من السيف؟


        ثالثاً: التمس لها العذر، فهي ككثير من النساء تحلم ببيت مستقل، ومملكة خاصة بها. ومن خلال مشاهداتي في الواقع المعاش، قلة نادرة من النساء اللاتي يتحملن العيش في بيت عائلة، أو مع حماة، أو مع أهل الزوج. اعذرها ربما هي لا تشعر بخصوصية، ربما والدتك عنفتها أو ضايقتها في غيابك، أنا أقول ربما

        رابعاً: واضح أن أهلها محترمين، ووالدها إنسان عاقل، بدليل عدم دفاعهم عنها أو اختلاقهم لأعذار لما شاهدوا ما كتبته لصديقتها. بل والدها اتصل بك عارضاً عليك إعادتها لو وفرت لها سكناً مستقلاً

        خامساً: إذا كان لي رأي هنا فهو أن تتصل بوالدها وتطلب لقاءه خارج المنزل، وتجلس معه جلسة رجال وتحكي له بصراحة تامة عن كل ما يجول في صدرك وعن عدم مقدرتك على ترك والدتك. أنا أجزم أنكما ستتوصلان لحل وسط لأنه لا يوجد أب في الدنيا يريد أن يرى ابنته مطلقة بأطفال، وتأكد أنها هي نفسها غير مرتاحة في وضعها الحالي عند أهلها وستقبل بحل يحفظ بها كرامتها

        الحل من وجهة نظري هو أن تستأجر شقة قريبة من أمك، في العمارة نفسها، أو في الشارع نفسه، إن أمكن.



        بهذا يمكنك أن تبر أمك وتكون بجوارها القريب وتقضي كل مصالحها وتقضي معها بعض الساعات في اليوم، وفي الوقت نفسه تكمل حياتك الزوجية مع زوجتك، وبنتك. لا داعي للمحاكم أو القضايا، الحل ميسور بإذن الله المهم أن تستحضر نية الصلح

        Comment


        • #5
          اتجوز واحدة تانية بس تكون طيبة و بنت حلال و تقبل تعيش معاك و مع والدتك و ربنا يكرمك باولاد منها و تربيهم و تفرح بيهم و طلق الاولانية و بنتك بعد فترة الحضانة خدها معاك

          Comment


          • #6
            أنا هقول رأيي يا أبو لمار ومتزعلش مني أنا معاك طبعا أن هيا قالت ألفاظ غير لائقة ولا تصح مطلقا ولكن الستات ممكن وهيه غضبانة تقول أي حاجة وهما على طول بيشتكوا حتى لو قايدلهم صوابعك العشرة شمع أنا ساعات كتير أتخانق أنا ومراتي وبعد الخناقة أنسى هيه قالت ايه او غلطت في حقي لأني عارف لما ببتضايق بتتجنن وتقول أي كلام فمش بحاسبها عليه أنا رأيي أن من حقها أنها تعيش في بيت مستقل براحتها وليها خصوصيتها وكون أنها وافقت من الاول تعيش مع والدتك فده معناها انها بنت ناس وبتحبك عشان كده وافقت لأن صعب جدا أي ست توافق على كده مهما كان حماتها ....... أنا رأيي الحل انك تأجرلها شقة تقعدها فيها جنب بيت والدتك في نفس العمارة او الشارع وبكده تبقى حليت المشكلة وبشوية كلام حنين منك تخليها تساعد والدتك أو تقضيلها طلباتها وربنا يخليهملك كلهم وطمنا عليك
            [FONT=Comic Sans MS]www.micro-controllers.com[/FONT]

            Comment


            • #7
              اخى العزيز
              اعانك الله على مانت فيه, وبارك لك فى والدتك وجعلها سبب فى دخولك الجنه ان شاء الله.
              رأى الشخصى فى حالتك دى هى انك تهملهم تماما, فلوس متبعتش , كلام متتكلمش , من الاخر نفضلهم
              لو كان فيها خير مكنتش قعدت طول المده دى بعيد عن بيتها وبيتشرطوا كمان, انت عملت اللى عليك وبعت فلوس , انما يحرموك انك تشوف بنتك , يبقى تصرف عليها ليها.
              ولو عايز تولع فيهم بجاز بقى .....حاول توصلهم انك حتتجوز عليها .
              انا عارف ان الموضوع صعب , بس انت عايز تعمل حاجه تربيهم بيها , انت مش عايز كل يوم خناقه, فالتربيه لازم فيها الصبر والتعامل بهدوء.

              Comment


              • #8
                ربنا يكون فى عونك

                نصيحتي ليك:
                1- ارجع لحد شيخ بيفهم الاول علشان يعرفك الصح من الغلط
                2- ابعت لبنتك فلوس .. وممكن بدل الفلوس تبعتلها حاجات ليها .. لبس واكل ولعب وكده
                3- في نظري ومش عايزك تتأثر بيها .. اعتقد ان الطلاق هو الحل بس باتفاق بحيث انك تقدر تشوف بنتك وتضمن انها متتأثرش بيهم

                ربنا يعينك على ما الابتلاء .. واوعى تفضل حد على امك

                Comment


                • #9
                  انا مش هديك قرار علشان كل واحد له شخصيه بس انت ليك خيار من التلات خيارات
                  وفى كل الحالات متتنازلش عن رضاء والدتك والزوجه بتتعوض عادى جداً بس
                  بس انت حالتك فيها بنت فليك خيار
                  انك لو قادر تستحمل البعد عن بنتك خليك زى ما انت ومتخدش اى خطوه انما لو مش قادر خالص يبقى تعرفهم بطريقه غير مباشره انك خطبت وماشى فى موضوع جواز محصلش نتيجه يبقى اتجوز فعلاً
                  [SIZE="5"]لا اله إلا الله محمدُ رسول الله[/SIZE]

                  Comment


                  • #10
                    انا شايف الطلاق تلغيه من دماغك
                    سيبها كده خااالص و وصلهم انك حتتجوز و تعمل محضر بطلب بنتك واوعي تخسر امك

                    Comment


                    • #11
                      انا من رايي تقعد مع ابوها لوحده وتتفاهم معاه بدون وجود اي حد اخر الا لو كان حد من اهلها انت ضامن يكون ف صفك
                      هتتفاهم معاه ان الغلط كان من طرفهم وانك هتتجوز لو مرجعتش خلال شهر وان بنتك هتاخدها بالقانون
                      للاسف حقوقها المادية واجب عليك لا يجب ان تتخلي عنه مهما كانت الظروف
                      امها هتكون ضدك ودا الشيء الطبيعي ف مجتمعنا للاسف لانهم بيميلوا لافكار رجعية والست دايما بتحكم بعواطفها لكن ابوها او اخوها يمكن استمالتهم بسهوله حتي لو كانوا ف الوقت الحالي ضدك

                      Comment


                      • #12
                        الطلاق مش حل إستعن بالله و توكل على الله و إدعي ,,, كل حاجة ليها حل في موضوع الجواز بس إمشي على خطوات كالتالي
                        أولا رضا والدتك
                        2 الستات بتقول أي هبل لما تتعصب فما تاخدش أي كلام على نفسك خالص
                        3- في حالة الرجوع بإذن الله و التصالح بينلها إن اللي عملته و قالته لو إتقال تاني هيبقى فيه كلام تاني
                        4- وضعك دلوقتي داخل فيه كذا حاجة ,, موضوع والدتك و الشتيمة و البنت و الشقة يعندي ما تدقش أوي في موضوع الغلط عشان في حاجات أولى و ضروري تتحل
                        5- بالهداوة كده بينك و بين نفسك إحسبها ولو عرفت تجيب شقة إيجار ماشي معرفتش ما تضغطش على نفسك
                        6- طبعا هتكون ديه كده فلته إنك تجيب شقة و تصالح بالشكل ده يعد كده الأمور هتبقى مترتبة
                        7- تعلم من الأخطاء
                        8- حاول تنقلها كلام - ولو كذب - إن مامتك بتقول عليها كلام كويس و كده
                        9- ماتوصلش الموضوع لمحاكم و كده أبدااااااااااااااااااااااااااااااا
                        10- مش مشكلة لو الواحد جه على نفسه ,,, فالحياة لازم تستمر و بكره فيه دايما امل ولا تيأس و احمد ربنا على كل النعم اللي أعطهالك و لاتيأس ولا تحزن من أي مشكلة فغيرك عنده مشاكل أكبر بكثييييييييييير

                        Comment


                        • #13
                          توضيح يا جماعة

                          انا اصلا عندي شقتي التمليك في مدينة العبور و شقة والدتي في حلمية الزيتون

                          وامي جبتها تعيش معانا في شقتي في العبور بعد ما عرفت اهل مراتي من اول يوم دخلت ببتهم اني ماينفعش اسيب امي لوحدها ولازم تبقى قدامي

                          عسان اراعيها و اخد بالي منها

                          ولما حصلت المشكلة يوم 10 اغسطس قفلت شقتي في العبور و رجعت شقه والدتي مع امي في حلمية الزيتون

                          اللي يغيظ ان حمايا كله تناقضات

                          اخته عايشة معاه في شقته في العاشر من رمضان من اول يوم اتجوز فيه لانها ارمله و بيراعيها بالضبط زي انا و امي

                          ولما بنته اللي هي مراتي بتشكي انها مش عايز امي تعيش معاها لقيت ابوها بيقولي : معلش اصل اي واحدة عايزة تعيش لوحدها مع جوزها !!!!!

                          انت بتهرج يا عم الحج ؟؟

                          اومال اختك اللي عايشة معاكوا دي بتعمل ايه ؟؟

                          و مراتك ازاي قابلة كده و مستحملاها ؟؟

                          بعدين انا شارط عليكوا كده من اول يوم شوفتوني فيه

                          Comment


                          • #14
                            توضيح يا جماعة

                            انا اصلا عندي شقتي التمليك في مدينة العبور و شقة والدتي في حلمية الزيتون

                            وامي جبتها تعيش معانا في شقتي في العبور بعد ما عرفت اهل مراتي من اول يوم دخلت ببتهم اني ماينفعش اسيب امي لوحدها ولازم تبقى قدامي

                            عسان اراعيها و اخد بالي منها

                            ولما حصلت المشكلة يوم 10 اغسطس قفلت شقتي في العبور و رجعت شقه والدتي مع امي في حلمية الزيتون

                            اللي يغيظ ان حمايا كله تناقضات

                            اخته عايشة معاه في شقته في العاشر من رمضان من اول يوم اتجوز فيه لانها ارمله و بيراعيها بالضبط زي انا و امي

                            ولما بنته اللي هي مراتي بتشكي انها مش عايز امي تعيش معاها لقيت ابوها بيقولي : معلش اصل اي واحدة عايزة تعيش لوحدها مع جوزها !!!!!

                            انت بتهرج يا عم الحج ؟؟

                            اومال اختك اللي عايشة معاكوا دي بتعمل ايه ؟؟

                            و مراتك ازاي قابلة كده و مستحملاها ؟؟

                            بعدين انا شارط عليكوا كده من اول يوم شوفتوني فيه

                            Comment


                            • #15
                              تصدقوا

                              مراتي عندها اخين رجالة اصغر منها و متجوزين وعايشين برضه في العاشر من رمضان

                              ولا مرة حد فيهم اتصل بيا او حاول انه بتدخل نهاااااائيا في حل المشكلة لغاية دلوقتي لدرجة اني مرة بقولها ماتسمعيش كلام امك انتي مالكيش غير جوزك و بنتك وهما لو عاشولك النهاردة مش حيعشولك بكرة و ادي اخواتك منفضين دماغهم منك ، حد فيهم حاول يصلح بيني و بينك ؟؟
                              تقولي اه كلامك صح واول ما تحس ان امها داخله عليها الاوضة تخاف و تقفل التليفون

                              بس للاسف ده اختياري اللي بدفع تمنه و حفضل ادفعه طول عمري

                              مرة كنت بعاني من مشكلة في عيني و كنت بخلص شغلي و اروح للدكاترة و ارجع الساعة 12 بالليل

                              قولولي المفروض الزوجة تعمل ايه ساعتها ؟؟

                              مش المفروض تحضر لجوزها حمامه و تحضرله اكله ؟؟

                              روحت لقيت امي شايله البنت و قاعدة مستنياني بقلق واول ما دخلت قالتلي طمني با بني عملت ايه طمنتها و حكتلها مشواري مع الدكاترة

                              عارفين مراتي ساعتها بتعمل ايه ؟؟

                              قاعده قدامنا على ترابيزة السفرة بتلعب المزرعة السعيدة !!!

                              اقسم بالله العظيم ده اللي حصل

                              واني استناها تقوم تحضر اكلي او تسألي عن مشاويري و تحسسني انها قلقانة عليا مفيييييييش

                              لغاية ما اتخانقت معاها خناقة كبيرة و بعديها قامت تحضر اكلي

                              و المصيبة الاكبر ان مراتي مش صغيرة عشان اقول مس فاهمة ، دي عندها 34 سنه و مهندسه مدني زيي

                              Comment

                              Working...
                              X