إعـــــــلان

Collapse

.

,
See more
See less

مشكلة شخصية مش لاقيلها حل

Collapse
X
 
  • Filter
  • الوقت
  • Show
Clear All
new posts

  • #16
    اقسم بالله اي خناقة بيني و بينها امي كانت هي اللي بتصلح بينا بشتى الطرق و تدخلي الاوضة و تقولي يا بني دي مراتك تعالي صالحها و اخزي الشيطان و تدخل اوضتها و تقولها نفس الكلام و ماتنمش الا اما نكون متصالحين

    في حموات بيقعدوا يقرفوا ستات ولادهم اقسم بالله امي عمرها ما ضايقت مراتي ابدا

    عمرها ما قالت ناكل ايه او ماناكلش ايه

    تلبس ابه او ما تلبسش ايه

    حتى لما كنت اقولهم البسوا عشان نخرج نتفسح كانت امي تقولي لا ياحبيبي فسح مراتك انا مش بتاعه خروج و حنام احسن لي

    ربنا يخليكي ليا يا امي و مايحرمني منك

    المشكلة دلوقتي ان امي تعبانة اوي و سكرها عالي جدا عشان شايفاني في الدوامة دي و شايفاني دايما سرحان لدرجة انها على وشك يجلها اكتأب

    Comment


    • #17
      انا ما اهتمتش اقرا تعليقات الناس على كلامك وتقريباً جريت بسرعة في القرايه لاني حسمت الرأي تقريباً بعد ما قريت الكلام الى مكتوب منها عنك في الفيس لصاحبتها
      والسؤال
      انت هتأمن على عرضك وكرامتك وكرامة والدتك ازي معاها تاني
      انت انهارده بصحتك وبنتك صغيرة لو كبرت في السن او تعبت بعد الشر هتصونك وتقف جنبك ولا لاء
      انت عاوزها ترجع وهي سابتك شهور طويلة ومش معترفة بالغلط وانت مش فارق معاها ولا فارق معاها بنتها والاسرة
      لو رجعتها وعيشت هتعيش في نار وعذاب وشك ومش هتبقى مطمن على نفسك او والدتك او تربية بنتك
      ده خلاصة الكلام

      Comment


      • #18
        المشاركة الأصلية كتبت بواسطة abo_lamar مشاهدة المشاركة

        انت بتهرج يا عم الحج ؟؟

        اومال اختك اللي عايشة معاكوا دي بتعمل ايه ؟؟
        الجمله دي فصلتني ضحك والله ههههههههههه .. معلش هم يبكي وهم يضحك

        المشاركة الأصلية كتبت بواسطة abo_lamar مشاهدة المشاركة

        قاعده قدامنا على ترابيزة السفرة بتلعب المزرعة السعيدة !!!
        كلنا هذا الرجل

        Comment


        • #19
          الحريم فى مصر دماغه خربانه صغيرين و كبار

          Comment


          • #20
            الام ثم الام ثم الام فهي لا تعوض

            Comment


            • #21
              ف جزئين منك صعب تتركهم ولابد ان تفكر بهم كويس جدا

              امك .. وتصرف حضرتك صح جدا وواضح انك عقلانى وربنا هيباركلك .
              بنتك .. ودى من راى انك تبعت لها مصاريف وبزيادة كمان ولبس وكل حاجة هى بتحبها اكنك موجود ومتحسسهاش بشئ لان هى ملهاش ذنب .

              اما بخصوص الزوجة . فاللاسف تقريبا معظم الستات كدة
              غيرة . وسمع لكلام الاخرين ((واوكد حد خارجى ليه يد ف الموضوع او هى بتبص لحد من صحباتها ))

              هى غلطت ولازم تتحاسب .
              حسابها يكفيك اعتذارها ومعرفتها بغلطها .
              ومن راى
              لابد ان تقبل بالوضع الحالى وبوجود امك .
              بتعجب من نقص عقلهن
              دى لو بتفهم تعرف ان اللى بتعملوا مع امك دا ف مصلحتها وانك راجل . والراجل ميبعش بسهولة
              حريم دماغه تعبانة

              ربنا يثبتك

              __________________________

              اللهم صلى وسلم وبارك على سيدنا محمد

              Comment


              • #22
                المشاركة الأصلية كتبت بواسطة abo_lamar مشاهدة المشاركة
                تصدقوا

                مراتي عندها اخين رجالة اصغر منها و متجوزين وعايشين برضه في العاشر من رمضان

                ولا مرة حد فيهم اتصل بيا او حاول انه بتدخل نهاااااائيا في حل المشكلة لغاية دلوقتي لدرجة اني مرة بقولها ماتسمعيش كلام امك انتي مالكيش غير جوزك و بنتك وهما لو عاشولك النهاردة مش حيعشولك بكرة و ادي اخواتك منفضين دماغهم منك ، حد فيهم حاول يصلح بيني و بينك ؟؟
                تقولي اه كلامك صح واول ما تحس ان امها داخله عليها الاوضة تخاف و تقفل التليفون

                بس للاسف ده اختياري اللي بدفع تمنه و حفضل ادفعه طول عمري

                مرة كنت بعاني من مشكلة في عيني و كنت بخلص شغلي و اروح للدكاترة و ارجع الساعة 12 بالليل

                قولولي المفروض الزوجة تعمل ايه ساعتها ؟؟

                مش المفروض تحضر لجوزها حمامه و تحضرله اكله ؟؟

                روحت لقيت امي شايله البنت و قاعدة مستنياني بقلق واول ما دخلت قالتلي طمني با بني عملت ايه طمنتها و حكتلها مشواري مع الدكاترة

                عارفين مراتي ساعتها بتعمل ايه ؟؟

                قاعده قدامنا على ترابيزة السفرة بتلعب المزرعة السعيدة !!!

                اقسم بالله العظيم ده اللي حصل

                واني استناها تقوم تحضر اكلي او تسألي عن مشاويري و تحسسني انها قلقانة عليا مفيييييييش

                لغاية ما اتخانقت معاها خناقة كبيرة و بعديها قامت تحضر اكلي

                و المصيبة الاكبر ان مراتي مش صغيرة عشان اقول مس فاهمة ، دي عندها 34 سنه و مهندسه مدني زيي
                انا شايف ان الكلام ده اسرار بيوت بلاش تطلعة بره
                وربنا مش هيسيبك تتعب ابدا طول ما انت بتراعي امك وبتخاف عليها
                ونصيحة مني حاول تقابلها بره لوحدكم وتتكلم معاها لأن هي ماشية بدماغ امها
                وربنا معاك ويوفقك
                [CENTER]:11_5_14[1]:[/CENTER]

                Comment


                • #23
                  والله مش عارفة أقول أيه
                  لأني واحدة ست ، ونفسي أدافع عن زوجتك ، وأطلعها هي اللي صح ، وأنت اللي غلط !!!
                  لكن للأسف مش لاقية أي مخرج لها – بس بعد حكايتك والله شاهد على مصداقيتك – زوجتك نمرودة ، وأهلها كمان .
                  هم وجدوك شاريها علشان بنتك فبيلعبوا بيك ، وإليك بعض الحقائق :-
                  1) هل فيه بديل لوالدتك ؟ حسب كلامك لا يوجد ... إذن مش هرجع في كلامي ولا إتفاقي علشان أي حد ضد أمي .
                  2) فترة البعد طويلة جداً ، ودي نتيجتها الجفاء والإعتياد على عدم وجودك ووجودها .... إذن إن لم يظهرو شرائهم لك كشرائك لهم فلا رجعة .
                  3) بنتك في جميع الأحوال هتتربي ( ربنا يخليها لك ) ويما بنات وأولاد أتربت من غير أب أو من غير أم أو من غير الإتنين ، ولا تنسى رسول الله صلى الله عليه وسلم وإصبح أفضل خلق الله .
                  4) إستهترها ببيتها وأنت في أشد الظروف ( مرض عينيك وتأخيرك ، وهي بتلعب جيم ) – أنا مش قادرة أصدق ما تقوله ، وأنا مش أقصد أكدب كلامك ، ولكنه إستفهام وإستعجاب !! ، ومش عارفة أحد الأعضاء الأفاضل يقول لك كل الستات كدة ... إزاي ؟ لا طبعاً – كلكم راع وكلكم مسئول عن رعيته ( المرأة راعية في بيت زوجها ومسئولة عن رعيتها ) ؟
                  5) والدتك واضح أنها مش عايزة تحملك ولا تحملها أكتر من طاقتكم ، لدرجة إنها وقت الفسحة بتحرم نفسها منها علشان تريح مراتك وتسيبكم على راحتكم .
                  6) والدها اللي أستحمل أخته الأرملة وقدر موقف مراته ، مش قادر يقنع أبنته بالرضا والقناعة علشان نفسها وبنتها .... فهو رجل مش متناقض فقط – لا – هو راجل مش قادر يحكم على بنته أصلاً – دا هيقدر يقرر الصح من الغلط – لا أعتقد .
                  7) حقوق بنتك وحقوقها المادية توصل لها رسمي كل أول شهر علشان ما تكنش قليل أمام نفسك ، وبلاش عند في الحتة دي بالذات ، ورسمي علشان ميرفعوش قضية بنفقة البنت ونفقتها وتبدأ من أول ما سابت البيت ( لا قدر الله ) ، وممكن تكون رسمي عن طريق حوالة وتحتفظ بإيصالات الحوالات مثلاً .
                  8) أجل فكرة الطلاق مؤقتاً يمكن يفعل الله أمراً كان مفعولاً ويرزقك بهداها من حيث لا تعلم .
                  9) وفي الأول والأخر اللي نصيبك ليك ولها هتشوفه ، لو نصيبك ترجع لها هترجع لو كل الناس قالت لك لا ، والعكس .
                  10) إذا أراد الله شيئاً فإنما يقول له كن فيكون – يعني متشغلش تفكيرك ب إزاي وأمتى وسيبها لتدبير ربنا .
                  11) ربنا يعينك ويقويك ويرشدك على الصح .
                  ملحوظة : أنا عشت مع حماتي أكتر من أربع سنوات في بداية زواجي وكان عندي 22 سنة ، وكانت كبيرة جداً في السن وفاقدة السمع ، ومع ذلك أستحملتها علشان آلاقي اللي يستحملني لما أوصل لسنها ،وكانت زي ما أنت وصفت لو أختلافنا أنا وزوجي تتدخل لو طلبنا منها التدخل ولصالحي وضده ، ولا تنام حتى يتم الوفاق .
                  [CENTER][SIGPIC]http://www.nilemotors.net/Nile/signaturepics/sigpic115286_2.gif[/SIGPIC][/CENTER]

                  Comment


                  • #24
                    الله يكون فى عونك
                    تصرفك صحيح .. من اول ماقريت كلامها اللى كتبته على الفيس
                    وانا متأكد من أنها ست نمروده ..
                    شد عليها ووصللها انك بايع على الاخر لولا البنت فقط ..
                    وللأسف دى هتبقى نقطة ضعفك فى الموضوع .. معلش لانها حته منك ..
                    ربنا معاك .. انا متأكد انك هتطلع من الموضوع ده بتوفيق ربنا علشان تمسكك برعاية والدتك ..

                    Comment


                    • #25
                      الله يكون فى عونك
                      تصرفك صحيح .. من اول ماقريت كلامها اللى كتبته على الفيس
                      وانا متأكد من أنها ست نمروده ..
                      شد عليها ووصللها انك بايع على الاخر لولا البنت فقط ..
                      وللأسف دى هتبقى نقطة ضعفك فى الموضوع .. معلش لانها حته منك ..
                      ربنا معاك .. انا متأكد انك هتطلع من الموضوع ده بتوفيق ربنا علشان تمسكك برعاية والدتك ..

                      Comment


                      • #26
                        نفضلهاخالص
                        وإبدأ شوف واحده بنت ناس
                        الاشكال الوسخه دي ماتربيش بنتك
                        [rmade]http://im58.gulfup.com/qswdwL.jpg[/rmade]

                        Comment


                        • #27
                          انا مذمهل نفسي اعرف اللؤم ده بيجي ازاي
                          المشكله ان كل الستات والناس كده
                          كان الله في العون

                          Comment


                          • #28
                            الكلام ده قبل رمضان و رحت على شقتي غيرت الكوالين بتاعه باب الشقة و الباب الحديد و بطلت ابعتلها فلوس مصاريفها هي و البنت
                            ولما طلبت مصاريفها قولتلها واصرف عليكي ازاي و انتي عاصية جوزك و رافضة تعيشي معاه خللي ابوكي بقى اللي انتي مرمية في حضنه يصرف عليكي
                            للاسف مش قادر اتعاطف معاك بعد الجملة اللى انتا قولتها دى
                            منين عايز البنت وهتموت عليها ومنين رميها ومش بتبعت لها مصاريفها
                            اصول الجندلة و المجدعة انك تبعت المصاريف وتصرف ولو حصل ايه مش ترميها وتقول خلى امها واهلها هما اللى يصرفوا
                            يعنى اتخانق انتا وهى مع بعض او اتطلقوا مش مهم بس متجيش تقول على البنت انها تتحرق ومش هتصرف عليها

                            Comment


                            • #29
                              مش قولتلك كل واحد غير التانى
                              هتلاقى الاف الاراء المهم انته عاوز تعمل ايه فيهم

                              Comment


                              • #30
                                ممممممم ربنا معاك والله قلبى وجعنى وأنا بقرا كلامك ... عمرى ما كنت مؤيد لخراب البيوت بس انا اما اتخيلت نفسى مكانك مكنتش هسيبها على ذمتى يوم واحد بعد اللى حصل

                                ربنا يصلح لك الحال و يفرج كربك

                                Comment

                                Working...
                                X