مشكلة الحلاقة

[محمد يوسف]

السلام عليكم

كنت عاوز أعرف منين ممكن أجيب شنطة حلاقة رجالى متكاملة... اللى هيا بيبقى فيها ماكينة كهربا وأمواس ومقصات وفوط ..الخ...بحيث انى أخدها معايا للحلاق كل مرة ...وكذلك للأطفال....ولو فيه شنطة عائلية فيها كذا طقم يبقى كويس

منين يارجالة وبكام وايه الأنواع الكويسة ؟

[Qmax]

تقريبا من جنب الحسين

[hilal]

شارع الموسكي به محلين مشهورين بالقرب من بعضهما
واحد مملوك لشخص مسلم والثاني مملوك لخواجة
ويوجد محل ثالث بجوار مسجد الحسين

[محمد يوسف]

شارع الموسكي به محلين مشهورين بالقرب من بعضهما
واحد مملوك لشخص مسلم والثاني مملوك لخواجة
ويوجد محل ثالث بجوار مسجد الحسين

شكرا يادوك

طيب عندك فكرة تقريبية عن الأنواع والأسعار ؟

[hilal]

شكرا يادوك

طيب عندك فكرة تقريبية عن الأنواع والأسعار ؟

تحت أمرك يا أستاذ محمد
في الحقيقة أنا آخر مرة اشتريت ماكينة حلاقة من حوالي أسبوعين
كانت الماكينة الالماني البيضا ب 250 جنيه ، وكان عنده نوع احمر ب 150 جنيه
طبعا مكتوب عليهم أماني بس أشك انهم ألماني ، ولكن البيضا أفضل من الحمراء
وباقي التجهيزات مثل المقصات والامشاط والفوط أسعارها معقولة جدا
تحياتي لسيادتك

[Anaslbda]

المقصات لوحدها غالية جداً, المقص ممكن يعمل له 90 جنيه

[DODGE2013]

شارع الموسكي به محلين مشهورين بالقرب من بعضهما
واحد مملوك لشخص مسلم والثاني مملوك لخواجة
ويوجد محل ثالث بجوار مسجد الحسين

تحت أمرك يا أستاذ محمد
في الحقيقة أنا آخر مرة اشتريت ماكينة حلاقة من حوالي أسبوعين
كانت الماكينة الالماني البيضا ب 250 جنيه ، وكان عنده نوع احمر ب 150 جنيه
طبعا مكتوب عليهم أماني بس أشك انهم ألماني ، ولكن البيضا أفضل من الحمراء
وباقي التجهيزات مثل المقصات والامشاط والفوط أسعارها معقولة جدا
تحياتي لسيادتك

ياترى اشتريت من عند محل المسلم ولا محل الخواجه ؟؟؟ ولا الطرف التالت قصدي المحل التالت ؟؟؟

اصل شدني اوي موضوع ان بدل اسم المحل اقول ده بتاع مسلم وده بتاع خواجه والتالت يمكن يهودي

يعني الواحد يروح يشتري من محل من التلاته على حسب الديانه ؟؟؟

[NightmarE84]

متابع باهتمام

[ahmedfor3]

المقصات لوحدها غالية جداً, المقص ممكن يعمل له 90 جنيه

في انواع كتير حلوه وسعرها ﻷ يتعدي 30 جنيه

[hilal]

ياترى اشتريت من عند محل المسلم ولا محل الخواجه ؟؟؟ ولا الطرف التالت قصدي المحل التالت ؟؟؟

اصل شدني اوي موضوع ان بدل اسم المحل اقول ده بتاع مسلم وده بتاع خواجه والتالت يمكن يهودي

يعني الواحد يروح يشتري من محل من التلاته على حسب الديانه ؟؟؟

يا عزيزي
لم أقصد الاختيار على أساس الديانة ، وانما قصدت الوصف فقط
وأعتقد أن أي إنسان رشيد سوف يشتري من صاحب السعر الافضل بغض النظر عن ديانته
فأرجوك لا تحمل كلامي ما لا يحتمل وشكرا

[محمد يوسف]

dodge2013

كلام د.هلال واضح انه بيدينى علامات ارشادية فقط

وهولم يشير من بعيد أو قريب للمعنى الذى تدعيه

رجاء عدم التصيد وتغيير دفة المواضيع

[محمد يوسف]

ياجماعة الكلام معناه انى عشان أجمع شنطة محترمة حادخل فى حوالى 500 جنيه

يعنى عشان أجيب ليا ول 3 أولاد شنط حلاقة أدفع 2000 جنيه؟

[DODGE2013]

ياجماعة الكلام معناه انى عشان أجمع شنطة محترمة حادخل فى حوالى 500 جنيه

يعنى عشان أجيب ليا ول 3 أولاد شنط حلاقة أدفع 2000 جنيه؟

بالنسبه لمشاركة استاذ هلال فا انا بهزر معاه واللهي مش اكتر :)

بالنسبه لموضوع الحلاقه

فا امره بسيط

انت تروح في السوق وتدور على ماكينة فيلبس او اي نوع تاني بس انا فيلبس بفضلها حاليا

كنت جربت قبلها روينتا الالماني بس حسسها مش نفس فيلبس مع انها كانت شفرة سيراميك

ما علينا شوف اي ماكينة حلاقه واسئل الاول ان الكومب الاتاشمينت الي بيجي معاها

مقاسات مختلفه يديك طول شعر لغاية 40 -45 ملي ( حتلاقي مكتوب على العلبه )

ديه بتيجي مع اعدت قطع قطعه للدقن قطعه تنعيم زي الموس وقطع للشعر

ديه تجيب منها اتنين واحد ليك وواحده للأولاد كلهم او واحده وكله يخمس فيها

(ممكن تقعد تحلق بيها 3 - 4 سنين والشفره تفضل حاميه ) ديه تعملها 600 - 700 جنيه

باقي الحجات امرها سهل كام مشط على مقصين حلوين كده علىcover نايلون للحلاقه

حتلاقي الموضوه دخل في 800 جنيه فقط او 900 لو ماكينة حلاقه واحده

وطبعا كل الكلام ده تقدر تحلق في البيت مش لازم حلاق لان حلاقة الشعر بالماكينه سهل جدا

يدوب اظبط المقاس لو طويل حتخليه 30 - 40 مم وكله حيبقى مقاس واحد ومفيش حفر

والباقي ابقى ساويه بالمقس من ورا وخلاص

[almohaor]

ياجماعة الكلام معناه انى عشان أجمع شنطة محترمة حادخل فى حوالى 500 جنيه

يعنى عشان أجيب ليا ول 3 أولاد شنط حلاقة أدفع 2000 جنيه؟

السلام عليكم ورحمة الله وبركاته

الوقاية خير من العلاج

وقانا الله جميعا شر الامراض

انا شخصيا اشتريت ماكينة لحلاقة شعر الراس الالمانية الحمراء
واشتريت طقم امشاط لها

وقاطعت الحلاق من تلات سنين وباحلق لنفسى

وذلك خو فا من انتشار فيروسات الكبد والعدوى منه
وبالصدفة عملت تحليل شامل من عدة شهور وكانت الماجأة
انى مصاب بفيروس B
وربما انتقل لى خلال نقل دم لى خلال عملية اجريت لى
او ربما خلال خلع او حشو بعض الضروس او من خلال الحلاق
الحمد لله على كل حال
الخلاصة الافضل انك تضحى ببعض من النقود حتى لو بضعة الاف للوقاية المبكرة
وتشترى صحتك وراحة البال
كما انصح اولياء الامور بسرعة تطعيم اولادهم فى سن مبكر من فيروس b بعد عمل الفحوصات اللازمة
وهو متاح فعلا وموش غالى اما فيروس c لم يكتشف له تطعيم حتى الان

وقانا الله شر الامراض وشفى الله كل مريض

[محمد يوسف]

السلام عليكم ورحمة الله وبركاته

الوقاية خير من العلاج

وقانا الله جميعا شر الامراض

انا شخصيا اشتريت ماكينة لحلاقة شعر الراس الالمانية الحمراء
واشتريت طقم امشاط لها

وقاطعت الحلاق من تلات سنين وباحلق لنفسى

وذلك خو فا من انتشار فيروسات الكبد والعدوى منه
وبالصدفة عملت تحليل شامل من عدة شهور وكانت الماجأة
انى مصاب بفيروس b
وربما انتقل لى خلال نقل دم لى خلال عملية اجريت لى
او ربما خلال خلع او حشو بعض الضروس او من خلال الحلاق
الحمد لله على كل حال
الخلاصة الافضل انك تضحى ببعض من النقود حتى لو بضعة الاف للوقاية المبكرة
وتشترى صحتك وراحة البال
كما انصح اولياء الامور بسرعة تطعيم اولادهم فى سن مبكر من فيروس b بعد عمل الفحوصات اللازمة
وهو متاح فعلا وموش غالى اما فيروس c لم يكتشف له تطعيم حتى الان

وقانا الله شر الامراض وشفى الله كل مريض

شفاك الله وعافاك يا أخى الكريم