إعـــــــلان

Collapse

.

,
See more
See less

أزاي تحارب وتكافح للزعل ؟

Collapse
X
 
  • Filter
  • الوقت
  • Show
Clear All
new posts

  • أزاي تحارب وتكافح للزعل ؟



    ازاي تقاوم الزعل ... ازاي مزعلشي ؟



    كلنا احياناً او كتير بنمر بظروف متنيلة بنيلة تزعلنا ... وكتير بنسمع كلمة من الي حولينا (( متزعلشي نفسك )) بس انا بسئل نفسي ازاااااااااااي مزعلش ... ازاي لو حصلي كزا كزا كزا ومزعلشي ... ازاي اشوف احب حاجة لقلبي بتروح مني ومزززعلش ... ازاي مش عارف ايه وايه وايه. ومزعلش ... ازاي اسمع فلان بيقولي اناااا الي طول عمري خيروا عليه يقولي كده ومزعلش ... ازاي وازاي وازاي اشوف كل ده وفي النهاية بتقولوي متزعلش نفسك. .... هو بعد كل ده ابقى انا الي بزعل نفسي ولا الناس هيا. الي بتزعلني !!!!!!!! ... يعني معقوله انا قمت من النوم مثلاً شفت نفسي. رايئ وفاضي كده ومبسوووط وقلت يااااااه. خليني لمن اقوم اشطف وشي واقوم أزعل نفسي شووووية !!! وانكد على امي شوية :)



    لكن في المقابل ... ازاي اقدر اتحكم في الزعل او ازاي انتم بتتحكموا فيه لان كده او كده الزعل حولينااااا ... وبيني وبينكم انا بشوف ناس همهم مش بس انهم يزعلوك لالالالالا خااااالص دول عاوزين يقهروك. لغايت ما يجيلك شلل او حتى. يجيلك سكر ... اااااه سكررر !!! انتوا فاكرين. الي بيجيلو السكر ده بيكون زود. تالت اربع معالق سكر على الشاي فجالوا السكر !!!! ولا فاكرين كان بياكول حلويات كتير وهو صغير ... السكر بيجي الشر بره وبعيد من كتر الزعل من كتر القهرررر .... وااااااه من القهر اااااااه ... عارفين الدعاء الجميل الي الواحد بيقول فيه لربوا اللهم اني أعوذ بك من غلبة الدين وقهرررررر الرجال !!! ما قلوش قهر النسوان. لان النسوان طول ماهما قاعدين مع بعض او بعاد حتى عن بعض. دي بتقهر. دي ... ودي بتغيظ دي وشغالين على كده الله ينور :) . .. بس كلووو ولا قهر الرجال لبعض ومحاربة بعض



    بيحاربوا بعض في الشغل في البيت. في الرزق في كل حاجة حتى في القيل والقااااااال. تصور رجال كتير بقوا متنسونين ويقعد طول النهار على دووو دوو دووو دووو ... المهم بغض النظر عن كل انواع الزعل الي اكيييد زي مافي حاجات بتزعلني اكيد في حاجات كتيرررررر بتنقطك كمان. وبتزعلك وبتخليك هتتشل كده لكن سؤالي هنا مش أيه الي بيزعلك او أيه الي مزعلني. أنا بسئل وبسئلك. بتعمل أيه علشااااااان متزعلشي ... بتعمل أيه علشان متتنقطشي ... ازاي بتقدر تلغي عقلك ومتفكرشي بالحاجات الي مدايقاك. ازاااااي ؟

    شارك برأئيك فرأيك يهمنا ... حتى لو كان بسيط
    فأيه رأيك تنصح زملائك بأيه علشان ينسوا الزعل :)

    @@@@@@@@
    وتحياتي

    [SIGPIC][/SIGPIC]
    [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

  • #2
    اعتقد في فرق بين المشاكل وبين الزعل
    يعني دايما في مشاكل وبنحاول نوصل لحل فيها
    لكن لو حد جمبنا بيهون علينا الحياة بتعدي ولو العكس
    المشاكل بتتحول الي زعل
    وساعتها يا النوم يا السفر

    Comment


    • #3
      الهروب من الغضب والحزن بيختلف من شخص لأخر ..
      تلاقي واحد اول ما يزعل يطلع صينيه مكرونه بالبشاميل و يسخنها و يخلصها كلها . ودول معظمهم بيكونوا بنات
      وتلاقي واحد عمال يسرح و يشغل خياله عشان يهرب من النكد
      وتلاقي واحد زي حالاتي بيهرب بطريقتين . اجيب لعبه ps3 جديده واتلهي فيها أو اعمل أكتر حاجه بحبها .. النوووووم
      D R . A D N F A L C O N

      Comment


      • #4
        المشاركة الأصلية كتبت بواسطة S O P H O S مشاهدة المشاركة
        اعتقد في فرق بين المشاكل وبين الزعل
        يعني دايما في مشاكل وبنحاول نوصل لحل فيها
        لكن لو حد جمبنا بيهون علينا الحياة بتعدي ولو العكس
        المشاكل بتتحول الي زعل
        وساعتها يا النوم يا السفر
        يا واد يا رومنسي انتا :)
        ياااااااااه يا بوحميد ياريت يكون في حد جمبك فعلاً كدهو يطب طب عليك وينسيك الزعل ...



        وياسلام لو الحد ده ... حته شكيرا كده ولا نانسي ... ولا يكون عند الواحد (( شمس قادين )) تجيلوا الجناح الملكي بتاعوا ... أمان يا ربي أمان ... يا بوحميد بقولك. وصدقني الناس الي جمبك والي حوليك. والناس الي من لحمك ودمك هما أكتر ناس ممكن يسببولك الزعل .... ولازمن ولا بود تلاقي في كل عيلة متخصصين قرف وهتلاقي استشاريين برضوا في كل عيلة استشاريين. نكددد ده غير جراحين المشاكل ومش شرط في البيت او العيلة ده حتى في الشغل. في الحته وفي الحارة .... بس يا عزيزي فكرك انك حتى لو سافرت هتقدر تهرب من الزعل ... ده وانتا بررررررررره وبعيد عن مصر مليوون كليو. متر مربع وتوصلك الأخبار تخليك مش بس تزعل لا دي تخليك تلف حولين نفسك ... وتضرب كف على كف وتقول لا حول ولا قوة الا بالله ياربي. هيا الناس دي ليه كده ... ياريت السفر يخلي الواحد ميزعلش وينسي الواحد زعلوا ...ياريت وتحياتي :)


        [SIGPIC][/SIGPIC]
        [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

        Comment


        • #5
          شوف حضرتك .. انا مقتنع بان ربنا مدى لكل واحد قد التانى
          ولازم الانسان يرضى بقسمته .. انا قابلنى فى شغلى مشاكل ماليه بسبب الثورة
          ولكن لما شفت شركات كبيرة عاملة اسم بتفلس قلت الخمد لله ..
          لو تعبت شويه بقول الحمد لله لما افتكر جار ليا عنده حوالى 75 سنه .. الراجل ده من ساعة ماطلع على المعاش وطول السنين دى بيجيله صداع .. والله شفته بيضرب دماغة فى الحيطان بتاعة الجيران من الالم .. ويخرج برة البيت الفجر يقف فى الشارع ومش قادر ينام ولف على دكاترة كتير مش عارفين سبب للصداع ده وخد ادويه تفتح مستشفى !!
          يبقى الواحد يقول الحمد لله دايما
          باختصار اللى يشوف بلاوى الناس تهون عليه بلوته ..
          بص حواليك وانته تعرف ربنا بيحبك قد ايه .. ولو فكرت كويس مافيش حاجه هاتزعلك .. فا ..... ماتزعلش !!

          Comment


          • #6
            استاذ يارس، واضح ان حضرتك طفح بك الكيل. ربنا يفك كربك و يسرلك كل عسير.
            عشان تريح نفسك من الصدمات في الناس بالذات عندي لك نصيحة اتبعها بعد ما اتعلمت فعلا من الواقع. الواحد متخرج من الكلية ابيض علي الاخر و بعدين بيلاقي الدنيا خارج الكلية حاجة تانية. يمكن كانت مواقف بسيطة بالنسبة للي حضرتك بتقول عليه لكن الواحد بيتعلم. احسن حاجة تكون علاقتك بالناس خفيفة بدون عمق و لا تتعشم في اي شخص قريب اوغريب. ناس كتير ممتازة جدا و خدومة لكن كده هتريح نفسك جه الخير ، خير و بركة مجاش عادي انت كده كده مش متوقع حاجه. في العائلة ، في الشغل ، في اي مكان ، ده بطل يتصل بعد ما حضرتك خدمته.و ده بيتصل يسأل عشان عايز حاجة .و ده عزم الناس كلها و نسيك ....ولا يهمك.اعتبر ده الطبيعي.طبعا اكيد فيه اصدقاء من الزملاء و الاقارب لكن يعني ممكن العشرة الطويلة عرفت انهم مش هيتغيروا و تلاقيهم قليلين جدا. و ممكن تحب ناس جدا و علاقتك بهم كويسه لكن خفيفه .خليها كده احسن.لو تعرف تساعد حد ساعده و لا تتوقع انه حتي هيكلمك بعدها. اقنع نفسك بكده كانه غريب.اما المشاكل خصوصا في الشغل فللاسف لو الشغل نفسة و الضغط النفسي اللي فيه فانا نفسي باتنكد و افكر فيها حتي بعد الشغل لسبب واحد ، المسئوليه و دي مش هفيدك لاني مش عارفه افيد نفسي.لكن باستعين بالله.اما الناس اللي بتدخلك في مشاكل فدول تحاول تتجنبهم قدر المستطاع و كلامك يكون قليل جدا معاهم و يستحسن امام شخص ثالث لان فيه ناس بتأولك كلام مقلتوش او تتهمك بنوايا مش فيك. ربنا لا تجعل في قلوبنا غلا للذين ءامنوا،ربنا انك رءوف رحيم.
            وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ [14:42]

            Comment


            • #7
              ااااااااااااه واللهي يا استاذة لينا
              بس المشاكل لا تنتهي والزعل مبينتهيش ... لذلك انا مبدورش على نهاية للمشاكل دي لكن انا نفسي في حل سحري اني أقدر أنسا أو انسي نفسي الزعل لاني اذا فضلت زعلان كده يا هتشل يا هتنقط او هبص الاقي بوقي اتعوج وجالي شلل نصفي كده واقعد بقه رايح جي على الدكاترة وانا مش ناقص :) فبقيت اقضيها. على الانترنيت علشان انسا. او بقيت زي ما قال احمد كده احاول انام كتيرررر ... او زي ما قال فالكون بروح اجيب صنية مكرونة باشميل واقعد ادبها ... وتحياتي


              [SIGPIC][/SIGPIC]
              [SIZE="4"][COLOR="RoyalBlue"] سقوط سماوات فوق رأس تجار روبابيكيا امين يارب [/COLOR][/SIZE]

              Comment


              • #8
                انا معرفش نوع المشاكل الاجتماعية اللي بتزعل حضرتك هل عشم و لا ناس بتدبسك في حاجات و تضيع وقتك و تعملك المشاكل دي فعلا حاجة مزعجة لكن عموما لا تعامل كل الناس نفس المعاملة ، كل واحد له طريقه مختلفة حسب شخصيته لان فيه ناس حساسه زيادة عن اللزوم فتحاسب علي كل كلمة و فيه ناس مريحة و تفهمك و تفهم هزارك احيانا وهكذا و قلة الكلام مع الناس افيد و اريح لكن الواجبات الاجتماعية مهمة تعيد و تهني و تبارك و تعزي حتي الناس اللي مش بيفتكروك و تريح نفسك لله وخلاص.بالنسبة لي مشاكل الشغل هي المعوقات التي ليس لي يد فيها لكن المسئولية صعبة و مش بازعل لكن اصاب بالقلق والهم بس عكس حضرتك نفسي بتتسد.النوم في وقته الطبيعي ليلا هي اجمل لحظات الحياة.لكن الهروب لن يمحو الزعل و لن يحل المشكلة.ممكن تقرأ ما تيسر من القرءان و تدعو الله ان يفك عنك و اعلم ان صحتك مهمة لتستكمل حياتك و تربي اولادك و لن ينفعك احد اذا ضاعت.و اكيد عندك كتيبات ادعية متنوعة منها للكرب و الحزن.
                وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ [14:42]

                Comment


                • #9
                  الحياه كلها ضغوط : اجتماعيه من الاسره و من العمل و حتي من الوضع السياسي و الاقتصادي و اعتقد ان من الحاجات اللي بتخفف من حده الضغوط دي هو ان الواحد يكون له هوايه خاصه به يعني مثلا رياضه او هوايه فنيه . الموضوع ده بيطلع الطاقه السلبيه في حاجه مفيده و بيخللي الانسان عنده أهداف تانيه يحققها و بالتالي مش هيبقي عنده وقت كتير فاضي يقعد يفكر فيه في المشاكل و يكتئب و من الحلول كمان ان يكون ليه اصدقاء مشتركين معه في الهوايه او الرياضه دي من خارج مجال العمل و من مجالات مختلفه و بالتالي بيكون هناك فرصه للكلام مع أصدقاء مفيش معاهم اي نوع من التنافس و بالتالي بيبقي في نصائح حقيقيه و مفيده و الهدف منها هو مساعده الاخر فعلا بنيه صادقه.

                  Comment


                  • #10
                    والله انا من كتر الزعل جالي بلاده مش من السهل ازعل لاني مبقتش اتعشم ف اي حد ولا اي حاجه
                    بس لما بباه مقريف ياريس.. سماعاتك مزيكتك وانزل امشي لغايه ما يتهد حيلي واعرق اوي
                    وارحع اخد دش بارد وانام ف البانيو

                    Comment


                    • #11
                      احسن طريقه للهروب من الزعل بفكر في الحاجه اللي بتسعدني ايا كانت هي واعملها والزعل بيتلاشى شيئا فشيئا

                      Comment


                      • #12
                        الأكل و لعب ال بلاي ستيشن أو ألعاب الكمبيوتر أو النوم أو ال تليفزيون كلها وسائل للهروب و ليس لمعالجة (الزعل).
                        ما فيش حل واحد لكن مجموعة حلول مع بعضها ممكن تخليك أحسن.
                        أولها قربك من الله. لما الواحد بيحس أن بينه و بين ربنا تمام بيحس أن كل حاجة بعد كده مش فارقة.
                        طبعا فيه أدعية كتير بتتقال عند الكرب و مؤكد حضرتك عارفها. أنا حافظ منها كام واحد قصيرين علي قدي و الصراحة بيعملو مفعول بردو.
                        عامل الله ما تعاملش الناس. لو عملت خير مع أي حد و بعد كده عاملك وحش مش هتزعل لأنك عملت الخير لله مش ل شخصه.
                        خلي ليك كام شخص هما اللي يهموك فقط. مثلا الوالد و الوالدة و الزوجة و الأولاد و الأخوات. فقط لا غير. ممكن صاحب واحد كمان و خلاص.
                        المشي أو قيادة السيارة في مكان فاضي طبعا و الاستماع للقران أو الموسيقي (حسب نفسيتك) طريق جميلة جدا للتنفيس عن الغضب.
                        https://t.me/pump_upp

                        Comment

                        Working...
                        X