مصيف فى الغردقه

[amhhma2003]

اعضاء نايل موتورز المحترمين
انا ناوى اصيف فى الغردقه وبصراحه دى اول مرة اروح فيها للغردقه فكنت حابب تفديونى

عايز فندق 5 نجوم ويكون ممتع بالنسبه للاطفال
اسافر بالعربيه ولا طيران
وياريت اللى عندة اى داتا عن ارقام تليفونات الحجز هكون شاكر

[Adnfalcon]

معظم فنادق الغردقه 5 نجوم و فعلا مش هرشحلك مكان معين لأن كل مكان أحلي من التاني
بس بصراحه بلاش غردقه دلوقتي خاااالص لأن الجو نار نار نار
روح فأخر شهر 9 او في شهر 10

[mr_vampire]

sindbad aqua park

اربع نجوم . وممتاز جدا وفيه اكوا بارك وبيسين نضيف. وعلي الممشي علي طوووووول. تخرج تتمشي برا وهتلاقي جاد وكنتاكي وماك.

رقم التليفون للاستفسار والحجز : 0653449601

بس لو تروح شركة سياحة وتخليهم هما يحجزو متهيالي هيبقي افضل لانهم بيخدو منهم اقل اسعار. وبرده تتصل تسال عن الحجز وتقارن والارخص تمشي معاه.

ونصيحة بجملة المصاريف روح طيران افضل. السفر 6 او 7 ساعات هتوصلو خلصانين ومهدودين. طيران اقل من ساعة تبقي بالمطار. ومتاخدش تاكسي المكار بيفترو 50 واكتر. اي تاكسي هياخد 20 جنيه.

بالتوفيق.

[ali ashraf]

نصائح التصييف فى الغردقة

الغردقة مدينه جميله و نظيفة ولكن كما قال الأخ الفاضل الجو فى اغسطس حتى منتصف سبتمبر لا يطاق نهارا عموما لو قررت السفر اعمل حسابك ان الاطفال لا تتعرض للشمس المباشرة فترة طويلة مستمرة ....لازم تكون متقطعة و الاستعانة بغطاء للراس ( برانيط) واستعمال كريم سن سكرين كل ساعتين مع شرب السوائل بكثرة.
بخصوص الفنادق ايضا كما قال الأخ الفاضل الحجز عن طريق شركة سياحية ارخص كثير و بالنسبة لعدد النجوم 4 زى 5 مفيش فرق يذكر.
أكيد الطيران افضل كثيرا.
مرة أخرى أأكد ان الجو نهارا فظيع لأنها مشتى اكثر منها مصييف والله الموفق

[Mamoud salah H]

شتايجن بيرج افخم فندقهناك علي م اظن اول فندق علي الممشي واظن دة 7 ستارز

[3mr Farrag]

ادخل علي booking
هتلاقي فنادق كتير و اسعار كويسه
انا لسه حاجز بيه

[yuong313]

بداية انتا محتاج شاطيء والعاب مائية وماء نقية
يبقي ابعد عن الغردقة لان الفنادق اللي داخل مدينة الغردقة المياه بتاعتها مش حتعجبك
يبقي عليك وعلي خليج مكادي بعد الغردقة ب 20 كيلو

يبقي انتا عندك اختيارين
الاول فندق 4 نجوم علي البحر مباشرة في العاب مائية والبحر هناك (غرام) وسعره تحفة دايما ارخص من اي شيء اخر اول انكلوسيف
فندق ( تيا هايتس)
Booking.com: منتجعات (تيا هايتس مكادي باي (لو ميريديان مكادي باي , الغردقة, مصر - 118 آراء النزلاء . احجز فندقك الآن!

الثاني لو الدنيا مش فارقة معاك فلوس يبقي عليك وعلي فندق (جانجيل اكوا بارك)
حدوتة خيالية علي الاراضي المصرية جمال ايه والعاب مائية ايه بجد خيالية
عيبه انه مش علي الشاطيء بس جنبه مول وكارفور والعاب وحاجات تانية كتير
Booking.com: منتجعات جانجل اكوا بارك , الغردقة, مصر - 114 آراء النزلاء . احجز فندقك الآن!

[Hussein_Ramdan]

الاسعار مولعة دلوقتى فى الغردقة عشان فى سياحة كتير انا لسة جاى من الغردقة وافضل فندق نزلت فى هنا موفنبيك خمس نجوم
اليوم بحوالى 1000 جينة شامل الافطار فقط
دلوقتى اليوم ممكن يعمل 1500

[3mr Farrag]

الاسعار مولعة دلوقتى فى الغردقة عشان فى سياحة كتير انا لسة جاى من الغردقة وافضل فندق نزلت فى هنا موفنبيك خمس نجوم
اليوم بحوالى 1000 جينة شامل الافطار فقط
دلوقتى اليوم ممكن يعمل 1500

ده سعر الفرد ولا الغرفه الدبل؟؟؟

[Hussein_Ramdan]

ده سعر الفرد ولا الغرفه الدبل؟؟؟

غرفة دبل

[3mr Farrag]

غرفة دبل

بس ده كتير اوي
انا لسه حاجز امبارح في هيلتون الغردقه مش الريزورت
الغرفه التريبل في اليوم حوالي 1070 جنيه all inclusive

[ahmedfathi]

لما الاسعار كده واحنا فى الجو النار ده امال فى الموسم بتاعها هيبقى الاسعار عامله ايه ؟