سؤال عقاري لو سمحتم

[إسلام شاهين]

رأي الخبراء أيهما أفضل للسكن والاستثمار مدينتي ولا وان قطامية
مع الشكر

[M!SHO]

منقول من الفيسبوك ومش اول مره اسمع الشكوي دي

انا اترددت كتير قبل ما ابتدى احذر الناس من المشروع ده لأنى كنت فاكره فيه أمل للإصلاح بس بما أن الوباء وصل عندنا و المياه قاطعة و بطلت أعد للمرة الكام فى خلال الشهر ده !!!! أحب أقول أن مشروع مدينتى (طلعت مصطفى) طلع مقلب كبيييير أوى...بعد ما سبنا القاهرة و رحنا نعمر الصحراء زى سنبل و المليون..و قلنا نروح نستخبى من مهازل الحكومة فى كومباند الى هو إحقاقا للحق شكله كمكان حلو و متخطط حلو و أنا لما دخلته أول مرة انبهرت بس الحلو ميكملش...مدينتى للأسف بتعانى من سوء إدارة فظيع و من جهاز تشغيل فاشل بدرجة جيد جداً و هكتب المساوئ الى بنعانى منها من فى نقط مختصرة:
-انقطاع متكرر فى المياه و ممنوع تركيب خزانات خاصة بكل عميل و يوجد خزان عمومى بيخلص علطول و أحياناً قطع فى الكهرباء.
-تشطيب سئ جداً و سباكة رديئة سببت نشع فى كثير من المبانى.
-الأمن المتواجد ملوش أى لازمة و غير مدرب لمواجهة أى خطر.
-تأخيرات فى الإستلام.
-أعطال متكررة فى الأسانسيرات.
-نادى لا يرتقى للمستوى الذى وعدنا بيه نهائى.
-ضعف خدمات قاتل و على سبيل المثال و ليس الحصر لسه بجيب العيش من مدينة نصر عشان مفيش غير مخبز واحد و حاجته و حشة جداً.
-معظم الحدائق متصحرة من إهمال الرى.
-لا يوجد أى مركز تجارى محترم فى المدينة نشترى منه شراب حتى.
-لا يوجد غاز و مفيش ميعاد متوقع حتى لدخوله.
- لا يوجد تليفون أرضى مما ترتب عليه سرعة إنترنت مملة و بطيئة.
و تحسوا أن كل واحد فاتح مطعم أو سوبر ماركت بيعك وعايش بمبدأ مفيش غيرى و إن كان عاجبك.
مع العلم ان الشقة ال 100 متر بيدفعلها حوالى 35000 جنيه وديعة صيانة و الفيلات تتعدى ال 100000 يعنى بتجيب فوائد طائلة و لكن السكان مبيشوفوش منها حاجة.. و حسبى الله و نعم الوكيل

[إسلام شاهين]

اشكرك جدا بس ممكن لينك الصفحة لو تسمح

[M!SHO]

ده جروب علي الفيس اسمه don't shop here

وده اللينك : https://www.facebook.com/groups/Dont.shop.here/

هتلاقي البوست بتاريخ ٢٥ / ٦

وعلي فكره انا صاحبي لسه واخد هناك من ٦ شهور...بيشكر فيها جداً بس بيقول لسه شويه عليها

بس هو مش قاعد هناك ، اكيد ميحسش بسلبيات المكان زي اللي مقيم هناك