فكره جديده للنصب على طريقه كيونت فى مصر

[Secret-Man]

المشكلة مش في الناس المطلعة اللي بتسأل قبل ما تقدم علي أي خطوة
المشكلة في الطماعين قليلي الخبرة النصابين بيجيبو رجلهم بسرعة
من أعجب المواقف اللي عدت عليا بمناسبة الموضوع ده
صاحب لي مش من المقربين أوي لكن صاحبي و بعزة .. بعد فترة أنقطاع عنه و بقالي فتره ما بشفوش ألاقي منة تليفون و عايزين نشوفك و.... إلخ طيب نتقابل أقابله ألاقية بيرغي في الحظاظة اللي بتنور و السلسله اللي هاتظبطلي الزوايا و الأتزان و الساعة اللي بمنبه و هاتبقي بسبس مان في خلال سنة و راح خبيطلي كيونت في أخر الكلام ... طبعا رد فعلي بلاش أحكيه

Good

[mostafa 3fifi]

مع كامل احترامي لرايكم
بس الراي ده في شركات اللي بتبيع المنتجلت اللي قولتو عليها
لكن مكتوب في عنوان الموضوع ليف فري !!
اسمحلي اقول لحضرتك انت متعرفش اي حاجه عن ليف فري ... لان ده كان رايي عن كل الشركات اللي كانت بتبيع الهوا لكن ليف فري بتقدم خدمات و منتجات ليها قيمه و وصلت لترتيبات عالميه في اقل من سنه
يا ريت اللي مش فاهمين فيه منقولش اي كلام و خلاص ...
مش فاهم حاجه ممكن تسال حد فاهم ... لكن تقول اي كلام كدا بجد عيب و حاجه مش كويسه خالص

[dr_click]

مع كامل احترامي لرايكم
بس الراي ده في شركات اللي بتبيع المنتجلت اللي قولتو عليها
لكن مكتوب في عنوان الموضوع ليف فري !!
اسمحلي اقول لحضرتك انت متعرفش اي حاجه عن ليف فري ... لان ده كان رايي عن كل الشركات اللي كانت بتبيع الهوا لكن ليف فري بتقدم خدمات و منتجات ليها قيمه و وصلت لترتيبات عالميه في اقل من سنه
يا ريت اللي مش فاهمين فيه منقولش اي كلام و خلاص ...
مش فاهم حاجه ممكن تسال حد فاهم ... لكن تقول اي كلام كدا بجد عيب و حاجه مش كويسه خالص

[sonaeg]

ماكانش حد غلب ....

[Bassem Youssef]

انا وهبت نفسي لله ... اللي هيجي يكلمني في كيونت ... هغزه في كرشه :d

[Boriooo]

طول عمري ضد الموضوع ده، من ايام كيو نت، وواحد صاحبي بيتحايل عليا دلوقتي يدبسني زي ما اضحك عليه في ليف فري ديه، ومضطر أخسره وملكموش تانش علشان يبطل زن، منهم لله بيحولوا الشخص الطبيعي لشخص زنان متخلف مستفز عايز يدخل اي حد معاه والســـلام...

[Secret-Man]

الحمد لله ان الناس كلها واعيه وفاهمه شويه النصابين دول

[أحمد كمال]

انقطع نفسي

و المشكلة اما صديق محترم اتضحك عليه و يحاول يقنعني و احاول افلت منه من غير ما احرجه

و الله يا جدعان الحداية ما بتحدف كتاكيت و اي موضوع مكسبه قائم على انك تبيع عشان تعوض اللي انت اشتريته (بسعر مغالى فيه عن سعر المنتج الفعلي) يبقى نصب

ييجي واحد ظريف يقول لك Avon

لا يا حبيبي Avon البنت بتشتري المنتج بسعره او اقل كمان و بتستفيد بيه لنفسها و لو باعت لصاحباتها بتكسب و ده عادي مفيش مشكلة ......

انما تبيع لي شوية هبل بالافات و اضعاف تمنه و عشان اكسب او اعوض خسارتي لازم البس كام واحد نفس الهبل يبقى استعباط

[Ahmed_selmy]

تشكر على التحذير

[lena jo]

صديقة عرضت علي الفكرة من فترة بعد الثورة بشوية و كانت متحمسة جدا لكن لم اقتنع ابدا.اولا التسويق نفسه مفيهوش مشكلة لكن عشان اسوق بضاعة غريبة لا اريدها لازم اشتريها و اعرض علي من لا يريدها ان يشتريها مثلي و هكذا و مربوطة باللي اشتري عن طريقي ان يبيع لمن يعرفه . ايه الذل ده. فين التسويق في الموضوع.اتدبس و ادفع حوالي11 الف جنيه (ده كان المبلغ ساعتها) في حاجة لا تلزمني و ادبس غيري .و تحاول تقنعني ان ده رأس المال لازم ادفعه. طب ادفع ليه هو انا هبيع اللي اشتريته عشان ده يبقي رأس المال؟ المكسب لصاحب الشركة الاصلي و الي هيتدبس اما انه يطلع عينه عشان يسترد فلوسه عن طريق تدبيس غيره او ييأس و يخسر. احيانا فيه ناس بتكسب للاخر بس برده شئ ملوش فايده و حلقة مغلقه .لا فيه مصنع و لا اي فايدة تعود علي البلد و لا علي الاشخاص

[أحمد كمال]

صديقة عرضت علي الفكرة من فترة بعد الثورة بشوية و كانت متحمسة جدا لكن لم اقتنع ابدا.اولا التسويق نفسه مفيهوش مشكلة لكن عشان اسوق بضاعة غريبة لا اريدها لازم اشتريها و اعرض علي من لا يريدها ان يشتريها مثلي و هكذا و مربوطة باللي اشتري عن طريقي ان يبيع لمن يعرفه . ايه الذل ده. فين التسويق في الموضوع.اتدبس و ادفع حوالي11 الف جنيه (ده كان المبلغ ساعتها) في حاجة لا تلزمني و ادبس غيري .و تحاول تقنعني ان ده رأس المال لازم ادفعه. طب ادفع ليه هو انا هبيع اللي اشتريته عشان ده يبقي رأس المال؟ المكسب لصاحب الشركة الاصلي و الي هيتدبس اما انه يطلع عينه عشان يسترد فلوسه عن طريق تدبيس غيره او ييأس و يخسر. احيانا فيه ناس بتكسب للاخر بس برده شئ ملوش فايده و حلقة مغلقه .لا فيه مصنع و لا اي فايدة تعود علي البلد و لا علي الاشخاص

شايب الكوتشينة و اخر لعيب بيلبس

من الاخر

مستحيل حسابيا تلاقي زباين كفاية عشان الشبكة تستمر

نفترض مصر فيها 90 مليون منهم نفترض 45 مليون يقدروا يشتروا

لو الشبكة ابتدت في مصر ب 20 واحد بس (يبقوا هما الجذر) ...... بعد 15 مستوى (مستوى 1 = الجذر ..... مستوى 2 = واحد باع ل 2 تحتيه يبقى المجموع 3 ..... مستوى 3 = ال 2 باعوا ل 4 يبقى المجموع 7 .... الخ) هتوصل لانها تساوي 20 × ( 1 - (2 أس 15) ) ÷ (1 - 2)) = 655340

تعالى نحسبها عند 20 مستوى ب 20 جذر

بقت 20971500 يعني 21 مليون تقريبا !!

تعالى نحسبها برضه عند 30 مستوى ب 20 جذر (خلي بالك انا مثبت الجذور)

بقت

21474836460

يعني 21 مليار و شوية !!!!!!! يعني اكتر من تعداد سكان العالم

و سلم لي عال Binary !!!!!!!


من الاخر ..... الشبكة بتتشبع بسرعة جدا ........ و اخر مستوى لبس هو اللي بيدفع ارباح اللي فوقيه + ارباح النصاب اللي بدع النصبة و بيلبس هو

و شوية و النصبة بتقلع و بتلبس هدوم جديدة و تخش لنا دخلة جديدة


مفيش حد بيستعمل الجبر بتاع اولى ثانوي للاسف

[sfahmy6]

شكرا للتحذير