اقصر واسرع طريق لميدان الساعه مدينه نصر من شبرا الخيمه

[besso]

يا جماعه ازاى اروح العنوان ده
من شبرا الخيمه ولو المترو يبقى فل اوى

15 ش النزهة - ميدان الساعة - مدينة نصر - القاهرة

عايز اقصر واسرع مواصله
لان عندى كورس هناك وهاروح بعد الشغل فعلشان لو المشوار هايبقى صعب يبقى مش هاروح

[AboELsoud]

اركب المترو انزل محطه رمسيس

اركب ميكروباصات اول عباس و اول مكرم من جنب مسجد الفتح

انزل اول عباس انت كده جنب ميدان الساعه

[besso]

طب من رمسيس لحد الميدان تاخد وقت قد ايه كده

وسؤال تانى معلش
هو خط المترو الجديد فيه محطه قريبه للميدان وابقى اركب من هناك اى مكروباص بحيث توفر وقت يعنى

[mohamed_selim]

اركب المترو و غير فى رمسيس للخط الاول اتجاه المرج و انزل محطة حلمية الزيتون و اخرج من المحطه عكس ما تنزل من المترو هتلاقى ميكروباصات اول عباس
لو المترو الجديد تنزل كلية البنات و تاخد تاكسى لاول عباس اوللسبع عمارات و من هناك تاخد ميكروباص لاول عباس (اللى كنت هتركبه من اوله عند حلمية الزيتون)