هعزل واسيب الشقة

[OMAR11112010]

السلام عليكم
دلوقتي انا هعزل واسيب الشقة هي ايجار قديم وهقفلها
هل ممكن صاحب البيت الشيطان يلعب في دماغه ويستولي ع الشقة في غيابي ويأجرها ولا لا
وهل لو عمل كدا ممكن أنا ساعتها أعمل ايه؟ وهل فيه حاجة ممكن اعملها عشان أبعد عنه الحركة دي او التفكير دا؟
وطبعا انا هلتزم بدفع الايجار شهريا كالعادة.
منتظر ردكم
وشكرا

[salodas]

طبعا ممكن .... اى حد عاوز يعمل حاجة دلوقتى بيعملها .
حاول تشغل الشقة بأى حاجة .... لو اضطريت تجيب حد يقعد فيها مؤقتا لغاية مترجع .

[احمد المصرى]

انا اعرف ناس عملت ذى حضرتك والشقه كانت فى الامان لمده سنوات ولكن فى الاخر الناس سابت الشقه لصاحب البيت

[أبو_يوسف]

من باب النصيحة.. لو مهتم تعرف اذا كان الموضوع دا حلال ولا حرام
فاعلم ان عقد الايجار القديم الدائم فاسد ومخالف للشرع..
والمفروض يا تسيبها لصاحبها يا تكتب عقد جديد بايجار جديد..

[banboty]

من باب النصيحة.. لو مهتم تعرف اذا كان الموضوع دا حلال ولا حرام
فاعلم ان عقد الايجار القديم الدائم فاسد ومخالف للشرع..
والمفروض يا تسيبها لصاحبها يا تكتب عقد جديد بايجار جديد..

ونعم الرأي ... وهذا ما فعلناه بشقة حماتى ,, تركناها لمالك العمارة مع الجراج (ايضا كان ايجار قديم) بعد ان توفت وسبقها حماي ...

[OMAR11112010]

هو لو محدد المدة ب 59 سنة يبقي حرام ولا حلال
حسب الفتوي اللي مكتوبة هنا مادام محدد المدة طالت او قصرت يبقي حلال

[أبو_يوسف]

هو لو محدد المدة ب 59 سنة يبقي حرام ولا حلال
حسب الفتوي اللي مكتوبة هنا مادام محدد المدة طالت او قصرت يبقي حلال

طبعا .. لو محدد المدة ايا كانت ومفيهوش شرط مخالف للشرع يبقى حلال..

انا كنت متصور انه عقد قديم اللي المدة فيه غير محددة..

[OMAR11112010]

طبعا .. لو محدد المدة ايا كانت ومفيهوش شرط مخالف للشرع يبقى حلال..

انا كنت متصور انه عقد قديم اللي المدة فيه غير محددة..

لا يا افندم هو محدد المدة ب 59 سنة انا واخدها من عشر سنين بس

[reda elgohary]

ربنا ييسر لك .

[HOSSAM99]

و عليكم السلام و رحمة الله و بركاته
لو حضرتك مش محتاجها تاني خلاص سيبها لصاحبها ... حد غير حضرتك يستفاد بها و تحل له أزمة
و في نفس الوقت حضرتك توفر الأجرة الشهرية ... و لا أجرتها قليلة ؟؟!!

[OMAR11112010]

انا بصراحة مش محتاجها واجرتها قليلة مش هتفرق معايا في حاجة بس كلمت صاحب البيت عشان يديلي باقي الايجار المقدم بتاعي والتشطيب اللي شطبته علي اساس انه لما يأجرها لغيري هيقوله دي متشطبة قاللي مبلغ زهيد جدا ولا ينفع تتكلم فيه معاه قلتله انا قلت حرام اقفلها وادفعلك اجرتها كل شهر المبلغ البسيط دا فقلت اقولك لو اديتني مبلغ معقول يبقي اسيبهالك لو مرضيتش يبقي انا ريحت ضميري من ناحيتها وكان هو هيستفيد بمقدم الايجار من الساكن الجديد غير ان الايجار دلوقتي هيبقي خمس اضعاف اللي بدفعه له شهريا
فقلت هقفلها واسيبها للزمن

[amr011111]

متابع

[zorg]

والله العظيم المفروض يلغو الايجار القديم ده ذنب الملاك ايه يتبهدلو
واحدة عندها عمارة وشغالة خدامة عشان الشقق كلها ايجار قديم
انا عندى عمارات فى المهندسين وفى مدينة نصر وارثينها ومش عارفين نستفاد بيها رغم اننا محتاجين فلوسها
حسب الله ونعم الوكيل فى اللى عمل الايجار القديم وكل المستاجرين اللى فرحانين بيه

[احمد المصرى]

والله العظيم المفروض يلغو الايجار القديم ده ذنب الملاك ايه يتبهدلو
واحدة عندها عمارة وشغالة خدامة عشان الشقق كلها ايجار قديم
انا عندى عمارات فى المهندسين وفى مدينة نصر وارثينها ومش عارفين نستفاد بيها رغم اننا محتاجين فلوسها
حسب الله ونعم الوكيل فى اللى عمل الايجار القديم وكل المستاجرين اللى فرحانين بيه

بس لو بصيت من 50 سنه لما جه حد ياخد منكم شقه كانت بكام خلو وايجار كان خلو عالى وايجار عالى حتى لو كان 5 جنيه كان مبلغ عالى ساعدها المشكله انه استمر على كدا


المشكله انه استمر لاجل ملوش نهايه وتيجى تكلم ال ماجر شقه قانون قديم يقولك اروح فين وانا دافع سنه كام مبلغ كان ايامها تحويشه عمرى ومعاه حق



الايجار القديم موضوع شائك وملوش حل لحد الان وفعلا لابد من العداله للمالك والمستاجر


ولكن بخصوص المشكله الحاليه ميتعتبرش قانون قديم ذى ال كان من 50 سنه لان فى زياده سنويه غير ال اندفع فى اول مره واكيد مبلغ مش قليل

[amr011111]

والله العظيم المفروض يلغو الايجار القديم ده ذنب الملاك ايه يتبهدلو
واحدة عندها عمارة وشغالة خدامة عشان الشقق كلها ايجار قديم
انا عندى عمارات فى المهندسين وفى مدينة نصر وارثينها ومش عارفين نستفاد بيها رغم اننا محتاجين فلوسها
حسب الله ونعم الوكيل فى اللى عمل الايجار القديم وكل المستاجرين اللى فرحانين بيه

انت بتحسبن ربنا فى المستأجرين كلهم سبحان الله
يعنى صاحب العماره اللى بناها من 60 سنه بالارض كلفته 5000 الاف جنيه مثلا
وباع كله شقه ب 2000
وطلع له مكسب معتبر يوازى المكاسب الحاليه كنسبه وتناسب
وطبعاً برضه قول فى اول 20 سنه كان الايجار برضه متناسب مع الايام الحاليه
يعنى جاب تمن العماره وكسب اد 1000 مره

وبعدين دلوقتى الوريث عاوز المستأجر يسيب الشقه ببلاش
هل تعتقد ان الوريث مش هيبيع الشقه ب 2 مليون لو فى الزمالك او المهندسين
يبقى لو الوريث قال للمستأجر هديك مليون ونص وابيع الشقه على 2 مليون واكسب نص مليون هيوافق
انما الوريث مستنى ان صاحب الشقه يسيبها ببلاش ويروح يقعد فى الشارع