Tweet
ايووووه hublot انا بس الذاكره اللي خانتني
يعني الواد كلامه صح!!!!!!
يعني الواد كلامه صح!!!!!!
-
-
آخر تحديث من جهة، و أعرفكم على أحد إكسسوارات الساعات من جهة تانية
استلمت النهاردة قفل أوتوماتيك بيسموه Deployment clasp و عشان هو أوتوماتيك يبيبقى فيه زرارين بسوستة على الجنب يستخدموا ساعة الفتح يسموهم Push buttons. فيه منه من غير الزرارين و السوستة ده بيبقى فكه يدوي بالشد.
ده ميزته السهولة في الاستخدام + الحفاظ على الجلد فترة أطول لأنك مش كل مرة هتضطر تتني الجلدة و انت بتلبس و انت بتفك. مجرد ضغطة على الأستيك يقوم القفل يقفل، و مجرد ضغطة على الزرارين الجانبيين يقوم القفل يفك. (كده تلبيس... و كده تقليع)
طبعاً ده بتشتريه بالمقاس حسب عرض الأستيك من ناحية القفل، ده مقاسه 20مم. و طبعا الصينيين بينزلوا كل المقاسات و كل أنواع الفينيش (سيلفر لميع، سيلفر مطفي، ذهبي أصفر، ذهبي روز).
بالنسبة للسعر أنا اشتريت اتنين من بائعين مختلفين في مزادات، واحد كلفني $1.37 و التاني كلفني $0.20 (أيوة الرقم صح)
و استلمتهم من مكتب البريد بدون جمارك أو رسوم :)
و دي خطوات التركيب و شكل الساعة بعد
[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
الله ينور د ابوحسني موضوع مميز وعرفتنا معلومات جامدة وجديدة عن الساعات ... سؤال صغير انا ساعتي كاسيو
المفروض علشان اظبط الوقت فيها مظبطوش في الوقت من 9 م الي 5ص...بظبطها في وقت غير ده فبتنقل يوم وتاريخ بدري اووي يمكن في نص اليوم
[SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]Comment
-
لا الفكرة وصلنك غلط. انت ممكن تضبط الوقت في أي وقت.المشاركة الأصلية كتبت بواسطة windofchange مشاهدة المشاركة
لكن المشكلة بقى هي الضبط السريع للتاريخ و اليوم و ناس كتير مش بتاخد بالها من الموضوع ده مع إنه بيسبب مشاكل لو استعملته بصورة خطأ على المدى الطويل.
أولا: يفضل تحريك العقارب عند الضبط مع اتجاه الساعة. معلش يعني لو الساعة عند 9 و انت عايز تظبطها على 7 معلش يعني اتعب نفسك شوية و ما ترجعش بالعقارب للخلف، امشي مع اتجاه عقارب الساعة لحد ما توصل.
ثانياً و انت ماشي بالعقارب شوف عند الساعة 12 اليوم و التاريخ هيقلب ولا لأ. لو قلب يبقى انت دلوقتي (بعد منتصف الليل) و اضبط وقتك، لو عايز تظبط على 3 العصر مثلا يبقى لف بالعقارب كمان لفة و عدي 12 (الظهر) و أقف عند 3. جميل؟
ثالثاً: بشكل عام كده، ممنوع تحريك قرص التاريخ أو اليوم (الضبط السريع للتاريخ و اليوم يعني) ساعتين قبل و ساعتين بعد 12. يعني ممنوع ما بين الساعة 10م و 2ص لأن ده بيضر بالميكانيكا بتاعة تغيير التاريخ على المدى الطويل
في كتالوج ساعتك مودين المدة الممنوعة دي شوية من 9 لحد 5 عادي يعني حسب كل مصنع
مثال عملي:
دلوقتي انت عايز تضبط الساعة على 8 صباحا و اليوم على 28
و بصيت في الساعة و كانت واقفة على 5 (ماتعرفش صبح ولا عصر) و يوم 21
أول حاجة تحرك العقارب مع اتجاه الساعة لحد ما تلاقي التاريخ قلب على 22 بعدين تمشي لحد 8 (كده انت الصبح)
قبل ما تروح على وضع ضبط التاريخ، نتأكد إنك مش في المنقطة الممنوعة (انت على 8 صباحا يعني في السليم) و تقدم التاريخ لحد 28 و تقفل.
بس كده[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
ابو حسنى باشا .........
الحقيقة الواحد سكت عن الردود علشان يتعلم منك ربنا يزيدك و يباركلك بجد
يعنى الفترة اللى فاتت من ساعة ما سالت لاول مرة مع معلومات حضرتك القيمة مع معلومات من على النت كان ليا شوية ملاحظات كده:
1-الcrystal بتاع الساعات الmineral او الزجاجى اقومى من البلاستيك او الaclyric عشر مرات و الياقوتة الsaphire اقوى تلات مرات من الmineral فى مقاومة الخدش
2-فى ساعات الكريستالة بتاعتها mineral و فى ساعات مكتوب عليها anti-scratch mineral يا ترى تبقى احسن و الا مفيش فرق
3-الساعة اللى معمولة من الtitanum اقوى من الstainless steel بمقدار 30% و اخف وزنا تقريبا بنفس المقدار بس عيوبه انه لو اتقطع ما يتلحمش عكس الستانليس ستيل زائد انه بيتخدش بسرعة عكس الستانليس و اشكال الستانليس احلى
طيب كده ايه اقل استيك بيتعرض للخدش بوضوح و الا الفرق مش كبير
4-طب فيه استيك ستانليس بيبقى مكتوب عليه ion plated هل ده يفرق فى منع الخدش فى حاجة
5-ايه الفرق فى قوة التحمل ما بين الساعة ماركة g-shock و الساعة اللى عليها علامة shock-proof
6-لو ساعة استيك بلاتينيوم الكريستالة منيرال قصاد ساعة ستانليس و الكريستالة ياقوتة ايهما تتحمل الخدوش اكتر؟
7-eco-drive قصاد الquartez ايهما ادق و عمر اطول
و شكرا جزيلا ليك و بشدة...........[mshosh2]http://www.gtspirit.com/2012/02/24/official-bertone-nuccio-concept-revealed/?pid=45463&gallery=4010#tp[/mshosh2]Comment
-
جزاك الله خير د ابوحسني رغم اني مش فاهم اووي بس تقريبا وصلت الفكرة....طيب انا عاوز اظبطها بحيث تغير اليوم والتاريخ علي الساعة 24 يعني 12 منصف الليل اظبطها بقي علي الساعة كام؟[SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]Comment
-
الله يخليك، أنا افتكرتك نسيت الموضوع :)المشاركة الأصلية كتبت بواسطة cameeron مشاهدة المشاركة
أسئلتك بخصوص تحمل المواد مهمة جداً و أحب أتكلم فيها. كل مادة ليها ميزة و عيب
بالنسبة للكريستالة أشهر تلات مواد هما Acrylic, Sapphire, Mineral
كل واحد له استخدام و مميزات، و له عيوب تضع حد لاستخدامه.
لازم تعرف شوية عن الخصائص بتاعة كل مادة و منها تعرف انت محتاج إيه.
أولاً: مقاومة الخدش أو Hardness
فيه تدريج اسمه MOHS Scale of hardness يتم تصنيف المواد عليه حسب الhardness بأرقام من 0 إلى 10.
Mohs scale of mineral hardness - Wikipedia, the free encyclopedia
Mohs Scale of Hardness
هتلاق الMineral glass بياخد جوالي 5.5-7 حسب خامته
بينما الsapphire بياخد 9
الحديد الخام بياخد 4-5
الحديد المقوى و الستانلس ستيل ممكن يوصل 7.5
الكروم ياخد 8-9
السيراميك ياخد 9
معدن tungsten carbide بياخد 9-9.5
الذهب بياخد 2.5
الألماس ياخد 10
و من هنا هتفهم ليه الذهب طري، و ليه الصنايعي بتاع الزجاج بيقطع لوح الزجاج (كذلك السيراميك و البورسلين) باستخدام "الماسة" و هي عبارة عن عجلة حديد مغطاة بتراب الماس diamond coated.
و ليه الزجاج بتاع غرفتك و أي ساعة قديمة بزجاج عادي مليانين خدوش دقيقة. و ليه ممكن تخدش زجاج المكتب بتاعك باستخدام دبوس، و ليه الساعات اللي بكريستال Sapphire يستحيل تخدشها بسكينة لكن سهل تخدشها بحتة ألماظ من خاتم حريمي
طبعا الAcrylic مش محتاج أقول لك إنه بيتلكك عشان يتخدش. هيتخدش يعني هيتخدش :)
ثانياً: مقاومة الكسر Shatter resistance
طبعا البلاستيك أو Acrylic ده أكتر حاجة مقاومة للكسر. يعني لو خبطت على ساعة Acrylic بالشاكوش مش هيتكسر (حسب خبطتك يعني)، و لو اتعرضت لضغط خارجي كبير عندها القدرة على الانبعاج بدون ما تتكسر. حتة الانبعاج و الضغط الكبير دي تاخدك على طول لساعات الغطس حيث تحمل الضغط العالي
الزجاج العادي Mineral يأتي بعد الAcrylic في مقاومة الكسر. و أضفعهم و أقلهم تحملاً للكسر هو الSapphire. شفت المفارقة!
عشان كده ما تلاقيش ساعة كبيرة الحجم و الكريستالة بتاعتها Sapphire مسطح و رفيع و إلا تتكسر بسهولة. بيتم تفادي الضعف ده بإنهم يزودوا سمك الكريستالة + يعملوها مقوسة Domed كل ده بيزود قوتها و تحملها للكسر و الضغط.
بالنسبة لسؤالك عن anti-scratch mineral crystal و غيرها من الكلام المتزوق فهو في النهاية Mineral و ليس Sapphire. يبقى مش ضد الخدش ولا حاجة مهما كتبوا عنه :)
في طريقة (غير تجربة الخدش و الجواهرجي) ممكن تعرف بيها الsapphire و هي باختبار قطرة الماء.
بالنسبة للمعدن بتاع جسم الساعة أو الCase حضرتك بتسأل عن التيتانيوم. التيتانيوم ده ميزته حاجتين: لونه المميز + خفيف الوزن جداً.
عيبه إنه طري و سهل الخدش.
لو عايز معدن ضد الخدش فعلاً افتكر معايا ال tungsten carbide و ده شهير جداً في الساعات الرادو من زمان زي الرادو original و الرادو Diastar.
شوف دي ساعة والدي من بداية الثمانينيات و مافيهاش خدش في الكريستالة sapphire ولا جسم الساعة tungsten carbide ، لكن خدوش سطحية على الأستيك لأنه ستانلس ستيل عادي
History Never Dies, abo_hosni: Rado Diastar
لو عايز الأستيك كمان ضد الخدش شوف مادة السيراميك، و دي شهيرة في الرادو برضه (ومش أي ساعة مكتوب عليها سيراميك تبقى سيراميك). رادو بتسميه high tech ceramic
فيه ساعات مؤخراً بتستخدم حاجة اسمها DLC اختصارا لـ diamond like carbon بس كله بثمنه
Diamond-like carbon - Wikipedia, the free encyclopedia
كلمة ion-plating دي هي نفسها تقنية PVD و دي لو معمولة كويسة بتقاوم الخدوش أكتر من الستانلس ستيل العادي طبعاً. كان عندي فيديو بس مش لاقيه لاختبار خدش الPVD
ده غير ال elctroplating أو الطلاء بالتحليل الكهربي اللي خدناه في علوم :)
معلش هتتعود عليها، اقعد لف العقارب كام مرة على ما تتعود ضبط التاريخالمشاركة الأصلية كتبت بواسطة windofchange مشاهدة المشاركة[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
أحب اني انقل تجربتي واوجه شكري للأخ الفاضل الاستاذ ابو حسني على تفضله بالمساعدة والاجابة على اسئلتي الكتييرة
هو نصحني ببائع معين على موقع الاي باي بخصوص ساعة معينة كنت عاوز اشتريها
وعرض عليا مراسلة البائع لطرح بعض الاسئلة الخاصة بالساعة من ناحية الضمان وامكانية عمل تخفيض في السعر وخلافه علشان موضوع الجمارك
وفعلا استلمت الساعة امبارح من مكتب بريد العتبة ولاقيت الفاتورة الي جاية معاها بتقول ان سعرها 70 دولار فقط مع ان سعرها الاصلي 140 دولار وانها gift علشان برضه ميرفعوش من سعر الجمارك عليها هنا
ولاقيت نفسي بدفع 150 جنيه جمارك عليها بعد ما كنت متوقع اني هدفع ما لايقل عن 350 جنيه تقريبا
ودي كانت اول مرة اشتري من الاي باي بسبب الكلام الي بسمعه ان فيه عمليات نصب كتيرة وانه غير موثوق زي المواقع الرسمية زي امازون وغيرهاComment
-
بغض النظر عن المكتوب على الساعة و في الدعاية، مقاومة الصدمات بالترتيب:المشاركة الأصلية كتبت بواسطة cameeron مشاهدة المشاركة
الساعات الديجيتال> الساعات الكوارتز > الساعات الميكانيكية سواء أوتوماتيك أو ملو > الساعات الميكانيكية المعقدة + اللي فيها tourbillon
بالنسبة للإيكو درايف و الكوارتز، من حيث الدقة ممتازين جدا و هما الاتنين كوارتز على فكرة، و الكوارتز نظريا مالوش صيانة إلا تغيير البطارية. طبعا في الإيكودرايف مش هتحتاج تغير بطارية أصلا.
بعكس الساعات الأوتوماتيك و الملو، تحتاج صيانة كل كام سنة (تنظيف و تزييت و ضبط) و دقتها أقل من الكوارتز طبعا. لكن الساعات الميكانيكية تحس إن لها روح و فيها صنعة و هندسة، بعكس الكوارتز مجرد موتور شغال بالبطارية.
مبروك و عايزين صور شاملة بقى و تفاصيل أكترالمشاركة الأصلية كتبت بواسطة Amr_MO مشاهدة المشاركة
موقع إيباي آمن جدا و مضمون، لكن الرك على البائع اللي بيعرض عليه.[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
طيب انا ساعتي الكاسيو كوارتز ولا
لأ يا د ابوحسني ؟ + مردتش عليا في ازاي اظبطها بحيث تغير التاريخ علي الساعة 12 منتصف الليل[SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]Comment
-
أكيد كوارتز. بعدين انت لسه ما ظبطهاشالمشاركة الأصلية كتبت بواسطة windofchange مشاهدة المشاركة
على فكرة انت ممكن تحرك العقارب في أي وقت لكن المشكلة في التاريخ. ارجع لمشاركتي اللي قلت فيها طريقة ضبط التاريخ.[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
شوية صور تاني لساعات صينية أصلية ذات جودة عالية :)
أنا نقلت على الساعات الصيني مؤخراً.
دي ساعة ماركة Beijing. كفاية الماكينة الأوتوماتيك + زجاج ضد الخدش sapphire + تفاصيل المينا + جودة الصناعة بجد :)
حاجة زي دي لازم تتلحق قبل ما تشتهر عالمياً و سعرها يزيد. كانت جاية بعلتها بأستيك جلد طبيعي أسود تم تنحيته جانبا و تركيب أستيك أبيض، و بعدين أستيك فوشيا. طبعا حريمي :)
جنب أختها ال Parnis
[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
الغرض من المشاركات هو البحث عن القيمة الحقيقية لما تحصل عليه مقابل المال، بدون شراء التقليد أو ما يسمى كوبي
اتفرجوا على الجمال :)
Parnis Portuguese Power Reserve
ماكينة أوتوماتيك من صنع SeaGull
المينا الـ sunburst و جماله
صور تانية لساعة شبيهة البانيراي Marina Militare
ماكينة ملو "مانوال" من صنع SeaGull، زجاج ضد الخدش Sapphire و بس :)
[CENTER][B][SIZE="5"]مدونتي http://historyneverdies.blogspot.com[/SIZE]
[SIZE="5"]مدرس مساعد جراحة الأطفال و حديثي الولادة[/SIZE][/B][/CENTER]Comment
-
موضوع هايل ............................................... ولسه متابع ...:36_2_55[1]:Comment
-
المشاركة الأصلية كتبت بواسطة m7amd_7amdy مشاهدة المشاركة
الاخ الفاضل ابو حسني
جزاك الله كل خير على كل حرف بتكتبه بغرض افادة الاخوة و نصيحتهم
بالمناسبة انت بتشتغل ايه بقى و مش معقول ما تكونش فاتح محل ساعات محترم
الاخ محمد حمدي
الف مبروك على الساعة بتاعتك و لو ممكن تقولي اسم المحل اليي جبت منه الساعة بتاعتك
انا من دمياط و يا ريت يكون لسه عنده منها
هيثمComment
Comment