أكيلة السمك ... سؤال في القراميط

[Amr_MO]

نفسي هفاني على صينية قراميط بالبطاطس

وطبعا كلنا سمعنا عن موضوع تلوث السمك خصوصا القراميط بمياه الصرف وانها بتتربى في الترع الي بتصب فيها المجاري والكلام ده

سؤالي ازاي اقدر اعرف القراميط النيلية النضيفة من الي متربية في الترع؟

انا اشتريت قرموط واحد على سبيل التجربة لأني مأكلتوش من سنين طويلة، القراميط كانت صاحية وبتبلبط وآخر جمال، ولونها اسود فحم، الراجل طلع القرموط ودبحه وقطعه جزل ونضف وكله تمام واخدته على البيت علشان المدام تكمل تنضيفه، ولكن بعد انتهاء التنضيف في البيت لاقيت ان لون الجلد اتغير بقى ابيض على اسود مشبح كدة، فقلقت شوية بصراحة

ياريت الافادة ولكم جزيل الشكر

[hilal]

لا أنصحك بتناول القراميط
انا من هواة الصيد وأعرف ماذا تأكل ، وكيف يتم صيدها
ولا داعي لمزيد من التفاصيل

[ahmedsamir79]

بلاش ----

[FAR!D]

بصراحه بعيد عن كونها نضيفه او لأ
القراميط اصلا شكلها يقلب البطن

[Amr_MO]

اوبا شكلي كدة هرميه

طيب ما تنورونا الي عنده معلومة يفيدنا من باب العلم بالشيئ
وهل كل القراميط بتبقى مش كويسة من ناحية الأكل او المكان الي بتعيش فيه ولا ايه الموضوع

[hsemam]

بص ياباشا القراميط النيلي بيبقي لونها فضي زي السمك البلطي كده بس اغمق شوية لو اغمق من كده منصحكش تجنبها دي بتبقي طالعه من المصارف والترع و دي بقى بلاش اقولك بتبقي واكله ايه

[mr_vampire]

ياسلام علي حتة قرموط كدة بيبلبط وصاحي وتاخده عالبيت تنضفه وتاكله هتتك بتتك في وسط صينية البطاطس ياسلاااااااااااااااااااااام.

اااااااااااااااااااااااااه يابطني. ياعم ارمي قراميط ايه.

عمري مجربته ولا عمري هجربه. ده كفاية منظر شنبه.

[Amr_MO]

أفادكم الله
خسارة كان نفسي فيه
اقوم ارميه طالما اجتمعت الآراء على تجنبه

[msobhy]

والدى رحمه الله كان بيحب ياكل قراميط
مش تريقه ..... كان بيربيها
كان بيجيبها صاحيه ويقعدها عندنا شهر ولا حاجه ويفضل يأكلهم عيش ومش فاكر ايه تانى

بصراحه عمرى ما حبتها
ملحوظه صغيره
عايز تاكل قراميط اختار اللى لونه فاتح وقوى جدا وبيلعب جامد

[abou-yahia]

لا أنصحك بتناول القراميط
انا من هواة الصيد وأعرف ماذا تأكل ، وكيف يتم صيدها
ولا داعي لمزيد من التفاصيل

ممكن ايضاح

للمعلومات العامة :)

Sent from my SM-N900 using Forum Runner

[ahmedsrs]

القرموط من الاسماك القمامة الى بتاكل الجيف والقوارض والاسماك الحية والنافقة

[hany63]

ممكن ايضاح

للمعلومات العامة :)

sent from my sm-n900 using forum runner

ههههه الراجل مش عايز يفسر
فيه مشاركه بتقول انها بتتربى على مياه الصرف الصحي اكيد مش هتكون بتتغذى على الكنافه بالمانجه

[dedi]

طيب فية حد قال لى انها بتلد ولا تبيض ودة سبب كافى لعدم تناولها
كان فية سوبر ماركت بيبيعها فلية بس قطع كبيرة وطبعا كان بيقول عليها بياض وبصراحة عدت على ناس كتير

[mustafavet]

معقوله كلكم مش بتاكلوا القراميط؟؟؟ظ
امال مين اللي بياكلها
دا بتاعه السمك بتخلصة في ربع ساعة
عموما القراميط فعلا بياكل الحيوانات الميتة
علشان كدا دا السمك الوحيد اللي انصحك تجيبه مزارع

[abou-yahia]

ههههه الراجل مش عايز يفسر
فيه مشاركه بتقول انها بتتربى على مياه الصرف الصحي اكيد مش هتكون بتتغذى على الكنافه بالمانجه

تاكل وعرفناها

كيف يتم اصطيادها