***هل نظام الاوتو ستوب في مصر آمن ؟***

[SAbuhashem]

النظام دة متبع في أمريكا وأوروبا بشكل عادي على الطرق السريعة
وفي دول الخليج عادي جداً انك تشاور لأي عربيه لو اضطرتك الظروف تقف على طريق سريع توديك أي بنزينه قريبة أو المدينه القريبه
يعني مش بعيد تشاور تلاقي ليكسوس واللا جاجوار وقفتلك
وبعض الهنود بيأخذها زيادة دخل بعربيتهم الملاكي وميتكسفش ياخد فلوس لو عرضت عليه


لكن في مصر هل النظام دة آمن ؟

هل لو حد شاورلك في طريق سريع تقفله عادي ولا تطنشه وماذا لو كانت ست ومعاها أطفال مثلاً ؟


وهل حد حصل معاه أي ذكرى سيئه بسبب الموضوع ده


من المعروف إن ثواب التوصيله دي كبير جداً لكن هل هو آمن وطبيعي في مصر ؟


Thanks
Eng.Sherif Shaker

[OlaOsman]

يا باش مهندس.. إذا كان مرة حد بيسأل الناس هنا في المنتدى عن صدقة الطريق و هل ممكن تقف لحد في طريقك شايف انه ممكن يكون محتاج توصيلة كانت الإجابات كلها مخيبة للآمال (آمالي انا على الأقل). الناس خايفة من بعضها بصورة مفزعة. فما بالك بأه بأوتو ستوب، يعني حد هو اللي موقفك عشان يركب معاك

[Noha.M]

لااااااااا دى حاجة مرعبة فى مصر مينفعش طبعا

انا محمود لما بيبقي بيوصل اخوه الجيش عند الكتيبة بتاعته فى طريق السويس و لقيته بيقولى انه ركب معاه كذا مرة ناس عاوزة تطلع على اول الطريق قعدت اصوتله فى الموبايل عشان مبعملش كدة تانى

و مظنش ان فيه ام و اطفالها هتقف على طريق سريع الا اذا كان حصل ظرف معين و عربيتهم عطلت و هيبقي باين من المنظر العام ان عربيتهم عطلت فممكن ساعتها اخدهما معايا لكن ماخدش طبعا حد راجل معايا ولا مع محمود

[OlaOsman]

انا محمود لما بيبقي بيوصل اخوه الجيش عند الكتيبة بتاعته فى طريق السويس و لقيته بيقولى انه ركب معاه كذا مرة ناس عاوزة تطلع على اول الطريق قعدت اصوتله فى الموبايل عشان مبعملش كدة تانى

ايه ده؟ انتي مش لسه امبارح كان اسمك نهى؟ :D

[Noha.M]

ايه ده؟ انتي مش لسه امبارح كان اسمك نهى؟ :D

ههههههههههههههههههههههه

هعدلهاك حالا يا لولووو ولا تزعلى بس خلاص خدتى اقتباس و كريم منير هيزعل اوى :D

[SAbuhashem]

معنى كده إن الموضوع خطير للدرجه دي ؟ وإن ماينفعش أقف لأي حد كان ؟
لأن بيحصل إن في ناس على بعض الطرق بتشاورلي علشان يركبوا معايا بس بقلق بصراحه


وبالنسبة للانسة محمود :)
أعتقد إن مفيش واحد حيشاور لبنت من أساسه لتوقعه المسبق إنها مش هتقف


Thanks
Eng.Sherif Shaker

[Ahmed Hassan]

مش موضوع مصر... هوه السؤال... هل نظام الاوتو ستوب آمن أصلا؟!

انا عن نفسي مش بركب حد شاورلي معايا... لكن ممكن اركب حد (من غير ما يشاور) لو قدرت انه محتاج مني مساعده.

[sab3aawy]

ايه ده؟ انتي مش لسه امبارح كان اسمك نهى؟ :D

والله العظيم كنت لسه هكتب نفس الكلمتين لقيتك كتبتيهم ......بصرة

[SAbuhashem]

مش موضوع مصر... هوه السؤال... هل نظام الاوتو ستوب آمن أصلا؟!

انا عن نفسي مش بركب حد شاورلي معايا... لكن ممكن اركب حد (من غير ما يشاور) لو قدرت انه محتاج مني مساعده.

بره مصر مجرب وآمن بنسبة كبيرة تدعو الطمئنينه انك تاخد حد يشاورلك على الاقل شكله مش مريب

مرة كنت في دولة ما سايق في طريق جبلي أسفلت ولقيت ٣ بيشاورولي وقفتلهم وطبعاً الشك ماليني لكن علشان أنا عارف إن الموضوع طبيعي في البلد دي وقفت
طلعوا هنود شغالين في مزرعه في الجبل ورايحين يصلوا الجمعه في مدينه على بعد حوالي ٢٠ كم
ثواب كبير كلنا نفسنا نحصل عليه لكن ؟؟؟


Thanks
Eng.Sherif Shaker

[Noha.M]

وبالنسبة للانسة محمود :)
أعتقد إن مفيش واحد حيشاور لبنت من أساسه لتوقعه المسبق إنها مش هتقف


Thanks
Eng.Sherif Shaker

ههههههههههههههههههههههههههههههههه

مش عارفة ليه حسيت انسة محمود دى الانسة حنفي

لا والله شورولى قبل كدة يا باسمهندس بس انا ناصحة موقفتش

[tutankhamoun]

النظام ده نادر وجوده في أوروبا و خصوصا في انجلترا و فرنسا

أنا عن نفسي بأقف للناس بس مش أي حد

أولا لازم يكون واحد لوحده و متكونش مكان مقطوع

غير كدا لا يمكن أركب حد ورايا من الحوادث اللي الواحد بيقرأها في الجرايد

و لاد ال $##@%%&&**@@@
بيستغلوا طيبة الناس و بيدبحوهم في عربياتهم
لذلك أدعوا الجميع إلى توخي الحذر و عدم الوقوف لأحد في وسط سكة مقطوعة و عدم تركيب أي حد وراك

لو زنقت
ركب اللي هايركب معاك ادام

[SAbuhashem]

لا والله شورولى قبل كدة يا باسمهندس بس انا ناصحة موقفتش

شاورولك في مصر ؟!
دة إيه التطور الثقافي الفكري المتحضر ده !

وموقفتيش ليه ؟

Thanks
Eng.Sherif Shaker

[Noha.M]

شاورولك في مصر ؟!
دة إيه التطور الثقافي الفكري المتحضر ده !

وموقفتيش ليه ؟

Thanks
Eng.Sherif Shaker

عشان مكنش معايا مكان فى العربية :D

[Ahmed Selim]

انا كنت بقف زمان.......بس بعد اللى الواحد بيقراه كل يوم فى الجرايد بطلت.

ده غير أنى كنت كذا مرة أقف لناس....عادةً كانوا بيبقو كبار فى السن وبعد ما يركبوا ويبدأو يدعو....ربنا يخليك ربنا يعمر بيتك ربنا.....ربنا.....وشوية ويروحو فاتحين فى العياط ويبدأو فى حكاية مسلسل عربي قديم نهايته أنهم محتاجين فلوس...........

وبحذركم من موضوع أن حد يقف لواحدة أو واحد عربيته عطلانة على طريق سريع أو مكان مقطوع.......لو واحدة فى نيتها السرقة بيبقى فى واحد معاها عادةً بس مستخبى وبينتظر وقوف ضحية.

أنا واحد صاحبى مرة وقف لواحدة ( مش كبيرة ومش صغيرة قوى ) هى اللى وقفته فى الشوارع اللى ورا سيتى ستارز وهو بيتبنى......و العربية عطلانة وبتاع وممكن معلش بعد أذنك توصلنى لأول الشارع عشان الحتة هنا مقطوعة .....ركبت جنبه وبعد أقل من دقيقتين كانت حاطة مطواة فى جنبه بتهدده :(

[tutankhamoun]

.....ركبت جنبه وبعد أقل من دقيقتين كانت حاطة مطواة فى جنبه بتهدده :(

طيب أيه كان رد فعله ؟؟؟