بخوص انواع التكيفات عاجل

[محمد طارق]

السلام عليكم
سؤال بسيط
عايز اشتري تكيف في حدود 3000الي 3400
عايز اعرف الفارق ما بين تكيف سباك وتكيف سلبيتر
وما هي القوة الافضل 1.25 ولا 1.5 حصان لغرفة مساحتهها 20 م تقريبا

[SGH]

المساحة دى محتاجة 2 و ربع حصان

[almohaor]

الفرق بين تكييف الشباك والتكييف الاسبليتر
ان فىتكييف الشباك ان كل اجزاء التكييف فى حيز واحد ويتم عمل فتحة فى حائط الغرفة على قد واجهة الجهاز الداخلية وبيكون صعب الصيانة لانه لازم تفكه وكمان صوته بيكون عالى ومزعج خاصة لو راكب فى غرف النوم
بينما فى الاسبليتر بيكون التكييف مكون من وحدتين او جزئين ( وحدة خارجية )اى تركب خارج الغرفة على حامل خاص بها وبيكون فيها الموتور ووحدة التبادل الحرارى (السربنتية) الخارجية ووحدة داخلية بتركب داخل الغرفة ودى مكونة من مروحة وسربنتينة داخلية تستقبل الفريون البارد بعد تبريده فى الوحدة الخارجية
وطبعا بما ان الموتور موجود بالخارج فيكون صوت التكييف بالداخل هادى او شبه منعدم
كما ان صيانة الوحدة الخارجية بتكون اسهل ولذلك بيكون اغلى فى السعر
وانصحك بتكييف شارب فهو الافضل عن تجربة
ارجو ان اكون وضحت لك الامر وتقبل مرورى وتحياتى

[KemozTanta]

تكييف شارب 1.5 حصان يكفي حتي 18 متر للغرفة وسعره في السوق حاليا من 3700 ل3850 حسب الشركات
انا مخترلك حسب المبلغ المتاح لكن لو تقدر علي 2.25 حصان سعره 4800 يبقي خير وبركة لكن ال 1.5 هيسد

[Sameh samy]

بص يا باشا
انسي التكييف الشباك من اصلو فتح وبهدلة في الحيطة وصعوبة صيانة وبيلم التراب من الشارع وعمر ماحد هايركبهولك محكم جدا عشان الفتحة موش بتزبط وهايسدولك بسيلكون ويبقا شكلو عار
بالنسبة للاسبليت او الحائطي او تجيب 1.5 حصان لانو هايسد معاك وموش هاتبقي حران بس هايخرب بيتك كهربا لانو موش هايفصل وبالتالي هاتدفع في اول صيف الفرق غير ان التكييف هايستهلك
هاتجيب 2.25 وانصحك باليونيون اير لانو حلو وسعرة في اللزيز وممكن كمان lg المهم الخلاصة ابعد عن شارب وكاريير

[drcobra]

طبعا لازم التكييف يكون اسبليت بلاش شباك خالص
ثانيا مساحة 20 متر يحتاج 2.25 حصان
لكن لو انت مش دور اخير وهتظبط درجة الحرارة على 25 الى 27 يبقى ال 1.5 حصان يكفى ان شاء الله

انواع التكييف
-الشارب هو الشعبى وراحة دماغ وصيانة كويسة
- ال جى تقفيل سعودى ممتاز وسمعتة كويسة
- كاريير طبعا ممتاز لكن استهلاك الكهربا عالى
فريش الناس مشتكتش منة واستهلاك كهربا ممتاز وبيشتغل على فولت قليل لو الكهربا مش ثابتة عندك

الخلاصة لو مكانك عايز راحة دماغ شارب
عايز افضل برودة ال جى
عايز اقييم جهاز كاريير
عايز ارخص جهاز كويس فريش

[ahmedsamy90]

هات كاريير Steller جهاز كويس وتبريده ممتاز وياريت تجيبه 2.25 حصان والأفضل تتعاقد مع التوكيل علة طوول وخليه هو يركبلك
ده برشور الجهاز
http://www.miraco.com.eg/files/14004...les_Arabic.pdf

[S O P H O S]

راي تخليك فالشارب كأختيار وسط