قام لقى نفسة بالبوكسر

[Mido80]

عظيمة يا صفط .....يا ارض اللبن.... يا مهد الزبادي.... وقوالب الجبن

[m000dy]

الناس جاعت
دول بينطوا على البيوت فى عز الضهر
ولا حد بقى بيراعى حرمه ولا غيره

[osamaesm]

اناى مش فاهم
يعني هو عمل حادثه في الشارع والشارع فاضي والمقطوره دي موقفتش ومشيت
وجم الحراميه قلبوه
ولا بتوع الاسعاف اللي قلبوه
ولا لما دخل المستشفي اتقلب
اصل انا لما بشوف حادثه بلاقي الناس اتلمت فصعب ان حد يجي يقلب المصاب
الا لو في حته فاضيه او حاجته ممكن لاكن لبسه صعب
انا طبعا مصدق حضرتك بس عايز افهم

[shanodaa]

في يوم عملت حادث وخبطت متوسيكل وكان صاحبه بيتكلم في المحمول كان راجل ثقيل اتلم الناس وقلت لهم شيلوه معايا خافو يشيلو المهم شيلته بمفردي ودخلته سيارتي والراجل قلي الموبيل وبسئل علي الموبيل شفت واحد بيضعه في جيبه واخذته منه
وطبعا شيلت المتوسيكل علي جنب وشفت واحد اعرفه قلت له خلي بالك من المتوسيكل
يعني الراجل لو ما قلش علي الموبيل كان اتسرق
والحمد لله جت سليمه

[eng_elnaggar]

الناس جاعت ... وربنا يسترها على مصر ...

[medo_2060]

على فكره يا جماعه الكلام دا مش في مصر بس
انا لما كنت في السعوديه عربيه فولفو كانت عمله حادثه معروف ان الكاسيت بتاعها غالى جدا واغلى من المرسيدس والبى ام المناظره لها (كان موديل دفع رباعى) وشوفت بعينى البدو بيسرقوه وصاحب العربيه المصاب كان لسه بيتحط في الاسعاف ومعروف سرقه البدو او غيرهم للكماليات الغاليه
يعنى الكلام دا مش في مصر بس عشان احنا ما بنصدق نمسك حاجه وحشه في مصر

[Miss_Pharma]

لا حول ولا قوة الا بالله ..
ربنا يستر على بكرة واللي هنشوفه ..

[نور القمر]

اعوذ بالله ايه البشر دي
طيب يتعظوا من اللي شافوه
ضامنين هم بعد اللي عملوه ما تحصلهمش حادثة ويموتوا
هيقابلوا ربنا ازاي
حسبنا الله ونعم الوكيل
والله اللي شوفته مرة وكان فعلا بعيد عن الادمية
حادثة على طريق صحرواي طوالي
وشاب صغير حوالي 20 سنه مسافر على الطريق شاف الحادثة نزل يصور المصابين بموبيله
وفرحان اوي انه قدر ياخد صور ليهم
مش عارفه الناس دي قلوبهم مصنوعه من ايه ولا معندهمش قلوب اساسا

[Goodle]

عظيمة يا صفط .....يا ارض اللبن.... يا مهد الزبادي.... وقوالب الجبن

فعلا فعلا يا أخ ميدو
بس مش كنت تقول إن التعليق ده منقول من العبد لله (عشان الملكية الزبدية يعني) ؟؟ :) :)

[waleedrahmy]

ده كمان بيسرقوا كل ماخف وزنه من العربية ال عاملة الحادثة يعني استبن كاسيت عدة وممكن ال4 عجلات كمان

[kasten]

حسبى الله ونعم الوكيل

[aymansaad]

انا ليا واحدة قريبتى حصلها حادث ولما اخدتها الاسعاف كان مغمى عليها واخدوا منها السلسلة والغوايش فى عربية الاسعافوكان باين انهم مخلوعين بالعافية وكان باين على الجلد

[bemocarlo]

لا حول ولا قوه الا بالله .حتي في الموقف ده كمان؟الستر من عندك يا رب.
bemo,ire

[memoo305]

والله يا أخي مش عاوز أقلك أن لو في حادثة ولاقدر الله فيها حالة وفاه بتلاقي نفس الموضوع ده .
مش هاقول حاجة أكتر من حسبي الله ونعم الوكيل

[bmya]

ابن خالتتي عمل حادثه برده فظيعه وواتنين اصحابه كانوا معه ماتوا الله يرحمهم والعربيه كانت اوبل 97 ايام ماكانت جديده وكل حاجه اتقلبت الموبيلات اتقلبت الكاسيت الاصلي اتقلب تقريبا الوحده بتاعت التكييف ووالساعه بتاعته وكان معه جاكت جلد كان لسه شاريه وكان غالي اتقلب هو كمان
ودي حادثه اتننين ماتوا فيها حادثه كانت جامده اوي بس الحمد لله ابن خالتي طلع سليم
وعلي فكره انا مره عملت حادثه بعربيتي القديمه ولاني عارف السيناريو ده والتقليب اللي بيحصل ولاني الحمد لله محصليش حاجه غير كدمات عبيطه اول ما فوقت من الصدمه قعدت ادور علي الموبايل بتاعي لحد مالقيته تحت الكورسي وروحت وخده وروحت قافل الزجاج بتاع العربيه لان الحمد لله الزجاج كان سليم قلت عشان محدش من الناس الاموره دي بنزل يقلب اي حاجه وروح طالع منها واديت الحارس بتاع النيابه مش فاكر 20 او 30 جنيه وقلتله ياخود باله منها لانها كانت علي طريق مقطوع
فحتي العساكر بيقلبوا العربيات لو عربيه دخلت النيابه هتتقلب ومش هتقدر تتكلم
والاناس اللي بتقلب في الحوادث دي بتبقي مندسه بين الناس اللي بتحاول تساعد واللي بيحاول يتفرج ود برده بيحاول يقلب وعجبيييييي