عايز اشترى سخان غاز كويس

[greenday]

كنت بقارن بين السخانات فلقيت المصرى كله زى بعضه مشاكله كتير فملقتش قدامى غير المستورد بس المهم يكون قطع الغيار والتوكيل بتاعه كويسين وسعره مش غالى قوى يعنى انا سالت على الفايلنت لقيته معدى الألفين فكنت عايز حاجة فى حدود 1500 مثلا فايه اخبار بقيت السخانات المستوردة واسعارهم واشتريهم منين

[boomboomzoro]

السلام عليكم
مع إحترامي لرغبه حضرتك في شراء المستورد
جربت توشيبا الغاز في شقتي و شقه العائله و أثبت كفائه و تقريبا ضمانه 5 سنوات و سعره في حدود 700 جنيه
جزاكم الله خيرا

[tameem2010]

سحان المصانع الحربيه ممتاز

[طارق _عبد السلام]

كنت بستخدم كريازى 10 لتر قبل كده وقعد فتره شغال كويس
وبعدين فى مكان تانى اثناء تركيب الغاز كلمت المهندس (تابع لشركه الغاز)وقلت له افضل سخان ممكن اجيبه قالى باللفظ هات الاريستون من الاخر

فذهبت لمحل كبير فى الاجهزه المنزليه دايما بتعامل معاه والناس هناك عرفانى كلمت اكتر من واحد افضل سخان غاز ممكن اجيبه الكل اجمع على الاريستون رقم واحد مع ان عندهم كل الماركات عدا المصانع الحربيه (المصانع رقم واحد)

فاشتريت اريستون 10 لتر وشغال زى الفل والجميل فيه كمان بيشتغل على مياه ضعيفه كمان

مجرد تجربه ممكن تفيدك فى اختيارك

[greenday]

كنت بستخدم كريازى 10 لتر قبل كده وقعد فتره شغال كويس
وبعدين فى مكان تانى اثناء تركيب الغاز كلمت المهندس (تابع لشركه الغاز)وقلت له افضل سخان ممكن اجيبه قالى باللفظ هات الاريستون من الاخر

فذهبت لمحل كبير فى الاجهزه المنزليه دايما بتعامل معاه والناس هناك عرفانى كلمت اكتر من واحد افضل سخان غاز ممكن اجيبه الكل اجمع على الاريستون رقم واحد مع ان عندهم كل الماركات عدا المصانع الحربيه (المصانع رقم واحد)

فاشتريت اريستون 10 لتر وشغال زى الفل والجميل فيه كمان بيشتغل على مياه ضعيفه كمان

مجرد تجربه ممكن تفيدك فى اختيارك

شكرا يا استاذ طارق على مساعدتك بس كنت عايز اعرف هل لاريستون توكيل وصيانة محترمة وقطع الغيار متوفرة والضمان كام سنة وياريت حضرتك تقولى على سعره واحسن مكان اشتريه منه

[zorg]

اوليمبيك ممتاز والصيانة بتاعتهم ممتازة ممتازة ممتازة
كان عندى سخان يونيفرسال يوم ماباظ الراجل بتاع الصيانة جه سرق حتة منه على اساس انها اللى مفروض تتغير وخلع وساعتها كل مااتصل بيهم ماحدش يرد ولا يعبر

[طارق _عبد السلام]

شكرا يا استاذ طارق على مساعدتك بس كنت عايز اعرف هل لاريستون توكيل وصيانة محترمة وقطع الغيار متوفرة والضمان كام سنة وياريت حضرتك تقولى على سعره واحسن مكان اشتريه منه

العفو انت تأمر

السعر كنت شاريه تقريبا ب800 جنيه 10 لتر

من ناحيه الصيانه طبعا محتجتهاش لكن كأسم لاريستون احنا وعينا وعرفنا السخان اصلا من اريستون طول عمره الافضل والاشهر فى السخانات من زمان
وموجود اكيد عند محلات الاجهزه الكهربائيه مقدرش افيدك لانى من المحله واعرف المكان اللى انا اشتريت منه

[almohaor]

سخان المصانع الحربية س 8 او س10 وبلاش س7
عن تجربة ماشاء الله شغاااااااااال بقاله حوالى 20 سنة
مكوناته المانى بسيط فى مكوناته جبار فى اداءه
يعنى ممكن تاخد منه ميه فاترة او مياه بتغلى وده موش متوفر فى معظم السخنات الاخرى
سهل الصيانة وانا اعملها بنفسى
طوال هذه المدة لم اغير سوى حساس الغاز وكاوتشة طبق ابرة تشغيل الغاز
يعمل على اضعف تيار مياه
سيبك من باقى الماركات
وعلى فكرة موش راح تلاقيه بسهولة
عارف ليه لانه اثبت كفائته اما م باقى السخانات اللى طلعت مؤخرا من الشركات الخاصة
زى اولمبيك وكريازى ويونفرسال الخ
وكمان بقى اغلى منهم

[mandomax]

سحان المصانع الحربيه ممتاز

+++++++++++1

[Abo Yasso]

سخان المصانع الحربية س 8 او س10 وبلاش س7
عن تجربة ماشاء الله شغاااااااااال بقاله حوالى 20 سنة
مكوناته المانى بسيط فى مكوناته جبار فى اداءه
يعنى ممكن تاخد منه ميه فاترة او مياه بتغلى وده موش متوفر فى معظم السخنات الاخرى
سهل الصيانة وانا اعملها بنفسى
طوال هذه المدة لم اغير سوى حساس الغاز وكاوتشة طبق ابرة تشغيل الغاز
يعمل على اضعف تيار مياه
سيبك من باقى الماركات
وعلى فكرة موش راح تلاقيه بسهولة
عارف ليه لانه اثبت كفائته اما م باقى السخانات اللى طلعت مؤخرا من الشركات الخاصة
زى اولمبيك وكريازى ويونفرسال الخ
وكمان بقى اغلى منهم

+111111111111111111
ليهم معرض فى مصر الجديده (روكسى ) جبته من هناك من حوالى 3 سنين
س 10 وكان ب780 جنيه

[omar101970]

انا شايف ان الفايلنت يستحق تمنه ودا عن تجربه وحتى لو كان غالى فموضوع الأمان دا مهم جدا فى موضوع سخان الغاز وارشحلك الفايلنت 6 لتر لأنه المانى مكونات وتجميع

[Abo Yasso]

انا شايف ان الفايلنت يستحق تمنه ودا عن تجربه وحتى لو كان غالى فموضوع الأمان دا مهم جدا فى موضوع سخان الغاز وارشحلك الفايلنت 6 لتر لأنه المانى مكونات وتجميع

منين وبكام يا باشا

[M.Hosni]

الأريستون الايطالي ممتاز جدا عن تجربة , بس طبعا مش رخيص بالمقارنة مع الحاجات المحلية الصنع , انا شاريه من سنة و نص تقريبا كان تمنه 2200 جنيه , أكيد سعرة أغلى دلوقتي

و كمان الفاليانت برضه سمعته كويسة و تقريبا بنفس السعر

و وقت ما اشتريت كان فيه سخان بوش مكونات ألماني تجميع تشيكي و كان أرخص , كان في حدود 1400 جنيه

[omar101970]

منين وبكام يا باشا

انا كنت شاريه من حوالى سنتين من أسكندريه ووقتها دورت عليه فى كل معارض الاجهزه الكهربائيه فى اسكندريه ومش لأيته فدخلت على موقع فايلنت على النت ودورت على وكيله فى مصر وكان ليه وكيلين واحد فى القاهره وواحد فى اسكندريه فاتصلت بوكيل اسكندريه وجبته منه وتقريبا كان تمنه حوالى 2200 جنيه تقريبا على ما افتكر كان اسم الوكيل فى اسكندريه شركه قباء.
خلى بالك 6 لتر احسن من 11 لتر لأن 11 لتر مش تصينع المانى.

[Abo Yasso]

انا كنت شاريه من حوالى سنتين من أسكندريه ووقتها دورت عليه فى كل معارض الاجهزه الكهربائيه فى اسكندريه ومش لأيته فدخلت على موقع فايلنت على النت ودورت على وكيله فى مصر وكان ليه وكيلين واحد فى القاهره وواحد فى اسكندريه فاتصلت بوكيل اسكندريه وجبته منه وتقريبا كان تمنه حوالى 2200 جنيه تقريبا على ما افتكر كان اسم الوكيل فى اسكندريه شركه قباء.
خلى بالك 6 لتر احسن من 11 لتر لأن 11 لتر مش تصينع المانى.

شكرا يا غالى