استفسار قانونى لو سمحتم

[يوسف شعبان00]

السلام عليكم
لو سمحتم كان عندى استفسار
روحت انا و خطيبتى نتفرج على شقه و عجبنتنا الحمد لله
بس المشكله مش هنا
المشكله بتتلخص فى ان لما حبينا نمضى العقود روحنا لمحامى قالنا عايز صوره من عقد ملكية الارض و العقار و لما روحت لصاحب البرج اطلب منه الصور اللى المحامى طلبها الراجل قالى انا مش باطلع الورق بره لحد وممكن تجيب المحامى و يشوف كل حاجه هنا و لما تمضى العقود خد الصور اللى انت عايزها و لما طلبت منه صوره من العقد اللى هنمضيه علشان يشوفه المحامى رد نفس الرد السابق فانا قلقت فقولت اخد رايكم
مع العلم ان معظم البرج ساكن فعلا
هل بالوضع ده نكمل فى شراء الشقه و لا نوقف كل حاجه ؟؟؟
و هل اللى الراجل عمله ده عادى و لا لا ؟؟؟؟

[Ahmed_Rahem]

حط الجمل قدام الجمال.
خد المحامى ويشوف كل الورق ويقراه براحتة، ويفضل الصبح علشان يكون المحامى باعت حد تبعة يتأكد من الحى عن بيانات العقار من الرخص الى هيشفها، لو صاحب الشقة رفض يبقى سيبك منة، لو وافق يبقى الموضوع خوف وقلق وعدم ثقة فقط.
وربنا يوفقك

[amr011111]

خد المحامى يشوف الورق والمقاول هتلاقيه مش عاوز يطلع الورق بره مش شرط لسبب هوه خايف منه
العقار فى انه منطقه بحيث تبقى عارف مسموح بالبناء على كام دور
وغالباً متخدش فوق الدور ال 11 لانه بيبقى مخالف

[Abo Yasso]

عادى فى مقالوين كده
دمغهم كده وبيجب يعزز حجته احسن اجه فعلا خد المحامى معاك
وكمان حاول تكلم مع اى حد فى العماره تفهم الدنيا ايه

[mustafavet]

\اوعي بس يغمز المحامي

[احمد المصرى]

الوضع عادى فى الزمن دا كله بيعمل كدا مش معنى كدا ان دا صح بس هو بيقولك انت هتاخد صور ورق ليه وانت ملكش اى صفه مجرد واحد بيفكر يشترى شقه


صلى استخاره وخد المحامى ورورحله وشوف الورق وان شاء الله خير ومبروك مقدما يا باشا

[حسني منصور]

الميه تكدب الغطاس انت خد المحامي يشوف سندات الملكية ويراجع العقد وبين الشاري والبايع يفتح الله المهم ان المحامي يكون شاطر يعني فاهم كويس