مشكلة في نظام طلقه tedata تغيير الباقه ؟؟

[MRBEBO]

انا اشتركت في النظام ده وفي بداية الاشتراك كعميل جديد اخدت دبل كوته

بدل 25 جيجا 50 جيجا لمدة 6 شهور

بعد ما خلصت ال 6 شهور ال 25 جيجا مش بتكفيني

لدرجه ان الشهر ده شحنت ب 130 جنيه جيجات زيادة ده بالاضافة ل 125 اشتراك شهري

المهم حصل وقررت رفع الاشتراك ل 40 جيجا بس خدمة العملاء مش فاهم منهم حاجه

بتقولي لو اشتركت في الباقه الجديدة بيحسب الاشتراك من يوم الدفع وباقي اشتراكي في الباقة السابقه لو ليا جيجات هتروح عليا !!!

بالذمه ده اسمه كلام حاجه مش منطقيه !!!!

حد ليه تجربه معاهم في تغيير الباقه ؟؟

على فكرة سستم طلقه من حوالي 5 تيام حصلت فيه مشكلة ومعظم العملاء الجيجات اللي عندهم راحت فلو حد لاحظ كده عنده يعمل شكوى في الفرع وان شاء الله يرجعوله رصيده وارجوكم بلاش التليفون علشان اغلبهم مش فاهمين حاجه

[OMAR11112010]

دايما لما تحب تغير باقة طلقة يفضل انك تروح يوم تجديد الاشتراك بالظبط قبل ما يجددوا الباقة القديمة

[mmkhattab]

فعلا كلامك صح .... الكوتا عندي خلصت بدري أوي

أنا من أوائل الناس في نظام طلقة دة و أقدر أقولك إنه نظام فاشل جدا ... يوهمك إنك على سرعة عالية و بتدفع 125 و تلاقي نفسك شحنت بـ قدهم خلال الشهر

[LegendJo]

نظام معمول للنصب فقط لا غير.

[misry]

أنا مشترك فيه من زمان ومرتاح معاه جدااا ... 150ج و 40 جيجا

وساعات لو دفعت كذا شهر مع بعض يرفعوهم ل80 جيجا ...

ممتاز لأصحاب الاستخدام المتوسط للنت ...

[khaled_yehya]

نظام فاشل السرعة ضعفية فيه وبيقطع

[horas3000]

يا رااااااجل
انا برضه الباقه خلصت فعلا و لاول مره و رحت اشتريت 5 جيجا
بس ال*** بتاع خدمه العملاء مجبليش سيره عن الحوار ده

و بالنسبه لحوار التغيير يستحسن مع التجديد زي ما الرجاله قالت

[naser_56]

افشل حوار ونصابين وحراميه كمان وكله بالصور راجع مواضيعي هتشوف الحوار بالضبط لدرجه اني كنت اشوف رصيدي المتبقي كام واطفي الراوتر خالص عن طريق فصله من الكهرباء واقضي كام مشوار 3 او 4 ساعات وارجع الاقي حوالي جيجا طارت مثلا ولا نص جيجا ههههههههه
وفي الاخر غيرت الاشتراك من طلقه الي 2 ميجا غير محدود وريحت نفسي

[Elawany13]

من أول يوم نزل فيه نظام الطلقة حذرت منه
وقولت يغور النت المحدود
خليك فى الغير محدود احسنلك

[MaZaGAngeE]

خليك فى الغير محدود احسن

[midooo_119]

الحق نفسك و الغى النظام ده و خليك فى الغير محدود ..

[horas3000]

انا كنت علي النظام الغير محدود و غيرت للطلقه
الشركه بتستهبل و كده كده مش بتديك كامل السرعه بتاعتك في اي باقه
و عشان كده في الباقه الغير محدوده كانت دايما السرعه اقل و بطبيعه الحال اقل من الطلقه بفرق حلو

[S O P H O S]

من أول يوم نزل فيه نظام الطلقة حذرت منه
وقولت يغور النت المحدود
خليك فى الغير محدود احسنلك

وانا قولت نفس الرأي يا باشا
وقولنا عملوا النظام ده علشان الناس تسيب النت الغير محدود والكل يحول

[Anaslbda]

أنا نظامي طلقة وكان في عرض اوّل ما اشتركت دبل الكوتة لاوّل 6 شهور 80 جيجا وبعديها بقوا 40 جيجا
بدفع 130 جنيه كل شهر فقط.
النت سرعته ممتازة, أخد فترة بسيطة كدة كان زي الزفت وبيقطع وبيروح وبيجي لكن دلوقتي زي الفل,
الكوتة بتخلص قبل ميعاد التجديد بأسبوع مثلاً.. بسحمل ع السرعة البطيئة والدنيا زي الفل.
استخدامي فوق المتوسّط.

[Anaslbda]

بتقولي لو اشتركت في الباقه الجديدة بيحسب الاشتراك من يوم الدفع وباقي اشتراكي في الباقة السابقه لو ليا جيجات هتروح عليا !!!

مش شايف بصراحة المأساه في الموضوع؟