عايز اشترى طابعه الوان وخايف من الاحبار ؟؟

[iwantes350]

السلام عليكم ورحمه الله وبركاته
انا كنت بفكر اجيب طابعه الوان وموديلها ده canon pixma mg4140 انا محتجها لطباعه الصور والمستندات والتصوير اكيد بس المشكله ان الاحبار غاليه الملون ب140 جنيه وبيطبع 180 صوره فهل اعاده ملئ الخرطوشه غلط ولا ايه . وهل لما تخلص لازم اشترى جديد ولا استبدلها زي زجاجه المياه بتاعت الكولدير . معلش على التشبيه بس ده اقرب حاجه انا فهمتها وياريت حد ينصحنى باحسن نوع فى حدود ال600 جنيه

[DODGE2013]

هات hp 5520 كل حبر ب خرطوشه لوحده احسن من العاديه الي بتيجي اسود لوحده والوان بخرطوشه واحده

الي بقولك عليها كل لون منفصل عن التاني وعشان تعبيها مفيش اسهل من كده هيا مجهزه لاعادة التعبئة

وفيها وايرليس ومكان للميموري وممكن لما تعمل اسكان تبعت على الايميل بتاعك او اي ايميل عن طريق الطابعه نفسها

سعرها حدود 800 جنيه افضل بكتير وده فيديو ازاي تعبيها نفس الطريقه ديه وحبر اعادة التعبئة رخيص انضف نوع

كله ب 100 جنيه ويكفيك كتييييييييييييييييييييييييييييييييييييييييييييير وبعد ما تعبي الحبر ابقى اعمل

ريستارت للانك ليفل من الطابعه نفسها

ومن مميزات الطابعه كمان انها تنفض الهيد للخرطوشه عشان لو ركنتها فتره وكمان اعادة توزيع الحبر جوه الخرطوشه الخ الخ الخ وشاشة تاتش وسكانر HP 5520

http://www.youtube.com/watch?v=iPAr5VK22bY

[aw2100]

لو مافيش مشكلة فى الثمن الطابعة الليزر الألوان افضل وفيه منها استعمال ارخص فى تكلفة الطباعة مع دقه صور مذهلة وبراحتك !!
HP Color LaserJet Pro MFP M177fw

[mk3]

عند تفكيرى فى شراء طابعه اخترت الابيض والاسود الليزر عن الالوان الانك جيت وده لانى مش بطبع كتير وممكن الجيت ينشف...خلى بالك من الموضوع ده

[iwantes350]

شكرا ليكم على الاقتراحات
فعلا الطابعه ال hp 5520 ممتازه بس انا من اسيوط ومعتقدش انى هلقيها ؟ وكنت بفكر انى اشتريها من جوميا بس مش موجوده ايه الحل ؟