تعبت من كثره البحث

[islam_lee]

يا ريس .. كله بتمنه ,,
أنته قمت اللليل و صليت و دعيت ربنا ؟؟
أنته قرأت سوره البقره و اظبت عليها تقرباً من الله عسى ان يرزقك بنت الحلال ألي تقر بها عينك ,,
و الأهم الأهم .. لي هيوصلك لبنت إلي أنته عايزها لو أتقدمت أنته لأي بنت ,,
"صليت إستخاره" ؟؟؟
دعاء الأستخاره فيه جزء جاااامد إلي هوه "وأقدر لي الخير حيث كان ثم إرضني به" ,,

من غير حكاوي و قصص ..
دي الخلااااصه ,,

[engmody32]

و حياتك انا مش قريت البقره انا حافظ البقره و اكثر من كده كمان
و دايما الاستخاره صليتها في كل مره شوفت فيها واحده
بس الواحد حاسس ان الوقت جري منه و الناس كمان بتخلي الاحساس ده اضعاف الوضع الطبيعي

[Bassem Youssef]

يا راجل ده انت عايش في نعمه تحسد عليها

احمد ربنا علي حالك

99% من المتجوزين اللي اعرفهم نفسهم يبقو زيك :d

انت كده رئيس جمهوريه نفسك + فلوسك في جيبك + بالك مرتاح

من تجارب المتجوزين اللي حوالينا

كله بيقول بعد شهر هتزهق

صدقني

الجواز من البلد دي هيجي عليك بخساره

كل واحده فاكره نفسها ملكه جمال بلطيم و اهلها عايشين اللحظه

لما تخش في الغويط :d

هتلاقي عصبيه نكد بوز ده غير انك عمال تستنزف فلوسك و صحتك و وقتك و اعصابك

مجرد رأي

[Abo.Moazz]

ناس كتير ردت على حضرتك وكل كلامهم صح ميه فى الميه
بس الخلاصة
نصيبك هيجيلك لحد عندك
متسعتجلش
الجمال مقياس جنب الدين والأخلاق .. متقولش أتجوز وخلاص .. دور على واحدة جميلة .. مش عيب
33 سنة مش كتير .. انا متجوز على 30 وكل مستويات الأعمار فى الجواز دلوقتى كده
ياسيدى أنا أعرف واحد إستعجل فى الجواز ولحد دلوقتى إتجوز مرتين وطلق مرتين وعنده عيلين من كل واحدة
وأعرف واحد برده إتجوز وهوه عنده 22 سنة وإجمالى اللى إتجوزهم حوالى 6 سيدات وعنده منهم حوالى 8 عيال
أنا خطبت مرة وحبيت 3 أو 4 مرات
بس فى الآخر إتجوزت واحدة ربنا كرمنى بيها .. وعلى فكرة كان مستواها المادى أعلى من مستوايا بكتير .. بس عاشت معايا ورضيت بعيشتى وسنه فى سنه الحمد لله بقت عايشه معايا عيشة مستريحة ماديا ومش مخليها لا هيه ولا الأولاد ولا البيت محتاج حاجة
الصبر الصبر الصبر ... سنك مش كبيررررررررررررر
وعيش على أد ماتقدر وأخرج مع أصحابك لأن الكلام ده بعد الجواز هتتمنى إنه يرجع تانى
سبحان الله ... محدش عاجبه حاله

[mr_safwt]

متقلقش مش لوحدك
انا بقالى حوالى سنة ونص بدور والحمد لله وظيفتى كويسة ومرتبى يفتح بيت
وعندى شقتى وعربيتى واخر ما زهقت قولت هاخد من برة القاهرة بس تكون من المحافظة مش من قرى عشان يبقى العادات والتقاليد قريبة
ولقيت فعلا بنت كويسة جدا واهلها طيبين جدا لكن ساعة الاتفاق لقيتلك جايبين العيلة كلها وخد تريقة بقى ياعم
شقتك دية جحر عشان 80 متر مع انها فى مكان كويس يعنى تمنها فى حدود 200 الف و اقل دهب 25 الف والمؤخر ما يقلش عن 50 الف والجواز لازم خلال كام شهر
مع ان اجتماعيا وماديا كانوا اقل بس الواحد قال يتنازل عشان البنت كويسة
بس الظاهر البلد دية فيها حاجة مش طبيعية

[طارق _عبد السلام]

انا مش شايف ان فيه مشكله اصلا

حضرتك مش كبير قوى 33 مش 45 يعنى لسه بدرى ياراجل ياطيب

ثانيا انت قلت كل ال 12 ماكان فيهم حد مقبول حتى منك حتى اللى اترفضت منهم (خير وبركه)

ازاى بس هتتجوز حد انت مش مقتنع بيه .. دى تأبيده ياراجل ياطيب..

ان شاء الله نصيبك هيصيبك فعلا وهتلاقى بنت الحلال اللى تملى عينيك .. مش مهم تقيس الناس بالمستوى يعنى انت اقل ولا هما اقل .. بجد بحس الكلام ده نقص

دور على بيت ناس ملتزمين يعنى يعرفوا ربنا كويس .. دور فى عيلتك فى بلدكم هتلاقى بنات بنت حلال يتمنوا الستر وهتلاقى ان شاء الله من تقر عينك .. بس ركز على البيت الملتزم (المتدينه)


وربنا ييسر لك امرك ان شاء الله

[zangry]

تعصر علي نفسك لمونة ليه انت رايح تشتري بطيخة مش حلوة متجيش علي نفسك نهائي :d اصل هي مره واحدة في العمر ف لازم تتجوز واحدة انت مقتنع بيها ١٠٠٪ ومتقلقش ولا تضايق ومتستعجلش نصيبك هيصيبك

في الحالتين هتندم :d

[4fun14]

نفس مشكلتى والله
اللى الواحد بيبات فيه بيصبح بيه
ويجى واحد يرميلك كلمه بسيطه اوى "مش ناوى باه؟"وكأنى انا اللى مكسل انزل سوق الجواز مثلا
فعلا الكام بنت اللى شفتهم جمالهم متوسط والواحد غصب عنه مش عارف ازاى يعنى ينجذب لواحده شافها مرة واحده وجمالها متوسط جدا زيها زى اى واحده ماشية ف الشارع
وتلاقيها بتتكلم ف شبكة ومهر وشقه متشطبة واجهزة كهربائية وفستان فرح وفرح وخطوبه وشهر عسل ..وكله ع الزبون
المشكله مش ان عمرك كبر بالعكس..انت ف عمر مناسب ..المشكله ان الواحد مش لاقى ومش عارف هيلاقى ازاى
انا حاسس بيك جدا وكل ما افكى ف الحوارات دى بطنش وابعدها عن تفكيرى..والموضوع ابتدى يقلب معايا بخوف من الارتباط
انا مش عارف كل حاجه صعبه ف البلد دى ليه
انا طبعا اخر واحد يقدر يديك نصايح والمشاركة غرضها فقط زى الطبطبة وافهمك انك مش لوحدك..على فكرة انا تلاتينات برضه وكل اصحابى اكبر منى ومتجوزوش مع انهم ماديا مرتاحين
بس الموضوع باه واخد اتجاه الحظ والنصيب اوى

[mr_safwt]

نفس مشكلتى والله
اللى الواحد بيبات فيه بيصبح بيه
ويجى واحد يرميلك كلمه بسيطه اوى "مش ناوى باه؟"وكأنى انا اللى مكسل انزل سوق الجواز مثلا
فعلا الكام بنت اللى شفتهم جمالهم متوسط والواحد غصب عنه مش عارف ازاى يعنى ينجذب لواحده شافها مرة واحده وجمالها متوسط جدا زيها زى اى واحده ماشية ف الشارع
وتلاقيها بتتكلم ف شبكة ومهر وشقه متشطبة واجهزة كهربائية وفستان فرح وفرح وخطوبه وشهر عسل ..وكله ع الزبون
المشكله مش ان عمرك كبر بالعكس..انت ف عمر مناسب ..المشكله ان الواحد مش لاقى ومش عارف هيلاقى ازاى
انا حاسس بيك جدا وكل ما افكى ف الحوارات دى بطنش وابعدها عن تفكيرى..والموضوع ابتدى يقلب معايا بخوف من الارتباط
انا مش عارف كل حاجه صعبه ف البلد دى ليه
انا طبعا اخر واحد يقدر يديك نصايح والمشاركة غرضها فقط زى الطبطبة وافهمك انك مش لوحدك..على فكرة انا تلاتينات برضه وكل اصحابى اكبر منى ومتجوزوش مع انهم ماديا مرتاحين
بس الموضوع باه واخد اتجاه الحظ والنصيب اوى

معاك حق مليون فى المية يعنى الواحد بيقى قابل مثلا بنسبة 70% ولما يجى يتفق ويلاقى الاهالى اصلا بيطلبوا طلبات كتير فوق الطبيعى الواحد بيقول لنفسة وعلى اية دة كلة وبيفركش الدنيا كلها

[hussein]

مش هكتر فى الكلام بس زي ما قال الاخوه ماتتنزلش ابدا عن واحده دينها وخلقها ممتاز واهلها ناس طيبين وشكلها (وشها وجسمها ) كويس ويسرك
لو في حاجه من دول مش موجوده متكملش
اسمع كلامي ومتتنزلش عن حاجه من دول

[4fun14]

معاك حق مليون فى المية يعنى الواحد بيقى قابل مثلا بنسبة 70% ولما يجى يتفق ويلاقى الاهالى اصلا بيطلبوا طلبات كتير فوق الطبيعى الواحد بيقول لنفسة وعلى اية دة كلة وبيفركش الدنيا كلها

هو ده قصدي فعلا.. ازاي اصرف كل الصرف ده ومشواير وصنايعيه وتخليص ورق وافسح واطبطب وادلع وانا اصلا مش حاسس بانجذاب حقيقي.. عشان كده دايما مقتنع ان في بنات ممكن تتجوز اي حوازه والسلام.. هي مش عليها حاجه غير انها توافق وخلاص.. الباقي ع العريس او ابوها بالكتير
انما الراجل صعب يورط نفسه ف كل المسئوليات دي لو مش بيحبها فعلا
يعدلها ربنا

[engmody32]

كلامكم كله زي الفل بس المشكله الحقيقه في الوقت الفاضي اللي عندي و مش عارف اعمل في ايه في بعض الاخوه بيقولوا انزل ما علي صحابك مع صحابي كلهم اتجوزوا و سافروا و مش لاقي حد اخرج معاه و في نفس الوقت الواحد مش زعلان انه 33 بس العمر بيزيد سنه عن سنه و بنقرب من ان السن يكون كبير فعلا

[mr_safwt]

طب احنا كدة ما وصلناش لحل برضة

[الاسد المهاجر]

عازب وكمان زعلان. ياراجل دنتا في نعمه. ياريت الايام ترجع ورا مكنتش عملتها

[engmody32]

طب احنا كدة ما وصلناش لحل برضة

فعلا موصلناش لحل يا باشا