يا مدرسينا.. يا

[Islam_galal]

مدرسين أثروا فعلا
في ابتدائي ، أبلة فايزة جزاها الله عني خير، كانت مثال و قدوة و أم
في اعدادي مفيش
في ثانوي أستاذ / جلال نصيف مدرس الانجليزي كان أب و أخ و أستاذ

لهم أفضال علي و دائما في ذاكرتي

[MTAK]

يا مواضيعك يا علا يا منسجمانا"يعنى مخليانى ننسجم من المتابعة" على الاخر

فكرتينى بميس هدى بتاعت العربى و الدين فى خامسة ابتدائى اللى لما شالوا منها حصة الدين بس و خلوها تدرس عربى بس قعدت اعيط يومين و الفصل بتاعنا كله قعد يعيط
يااااااه ايام
و لا مدام يسرا بتاعت الفرنساوى اللى كانت بتدينا من 3 ابتدائى "كنت بدرس فرنساوى مناهج لبنان من تالته ابتدائى-مدرسة الفرنسيسكان" و ربنا يسامحا لانها سبب ان علاقتى بالفرنسية الى الان كمثل علاقتى بالغة السنسكريتيه مع انى كنت درستها لمدة 10 سنيين متواصلة
ايااااااااااااااااااااااااااااااااااااااااااااااام
ذكرياااااااااااااااااااااااااااااااااااااااااات

و كما قال الشاعر اللى مش عارف هوا مين

الذكرى شئ ماضى

[MTAK]

و كما قال الشاعر اللى مش عارف هوا مين

الذكرى شئ ماضى و الماضى شئ جميل
فتذكروا بقلب راضى فالرضا طبع الاصيل


--------------------
ده كان شعر كتبهولى طباخ من سوريا عندما هناك
"يالا بمناسبة الذكريات"

[ramyfawzy]

ايوه يا احمد باشا
اميييير الشعراء على سن ورمح
بس انا دفعة قديمة شوية
مش فاكر بصراحة الاسم ده - يمكن يكون جه بعد ما انا مشيت من المدرسة
بس لو انت الدفعة اللي بعديا هتعرف اكيد مسيو ابو المعاطي بتاع الفرنساوي
استاذ سامي بتاع الالعاب - استاذ اميل (كيمياء) - جمال اليكسان (فيزياء)
استاذ سعيد زايد بتاع الرياضيات (خدت عنده درس في ثانوية عامة وربنا ستر ونجحت)
وغيرهم

[AHMEDCAR]

ينهار ابيض احنا الاتنين مدرسه واحده هيه هيه

انت هاتقولى استاذ سامى بتاع الالعاب و عربيته المرسيدس الميته مش التعبانه و لا نشيد الصباح فاكره و لا اقولهولك

(ياشباب الجيل الصاعد هذا علمكم الواعد فهيا بنا نحيه )

تحيا جمهوريه مصر العربيه
تحيا جمهوريه مصر العربيه
تحيا جمهوريه مصر العربيه

و طبعا العبد لله كان بيرد بيقول ( واحد فول و اتنين طعميه )

[TaoTao]

موضوع قيم جدا وأنا هاستغله لإرجاع الفضل لأصحابه، وأنا أدين لكل من سأذكرهم بالفضل في تعليمي جزاهم الله كل خير:
بدايةً قضيت المرحلة الابتدائية في خمس مدارس، فلم تكن لي ذكريات مع أي من المدرسين إلا في الصف الرابع والخامس (أول مرة اقضي سنتين في نفس المدرسة :)):
أبلة آمال: (طبعا تعليم حكومي وزي ماتفضلت علا كنا بنستعمل أبلة وأستاذ): مُدرسة الرياضيات، كانت بتتنرفز لما نقول حصة "حساب" وتقول "انتو كبرتو خلاص .. المادة اسمها رياضيات".
أبلة آمال كانت تقوم في أول الحصة بطرح سؤال على ما شرحته في الحصة السابقة (الفصل كله بيكون واقف لتحيتها ولا نجلس إلا بعد إجابة السؤال). وفي آخر الحصة تعطينا مسألة لنحلها في الحصة وتقوم بترتيب الطلبة حسب سرعة حل المسألة. نظام فريد في الشرح وإخلاص غريب جداً.
الأهم من كدة أتذكر لأبلة آمال أنها علمتني درسين في التربية لا أنساهما أبداً (حيث كانت تهتم بالتربية أكثر من التعليم) الدرس الأول أن زميلتنا (كانت تنافسني على المركز الأول دائماً) كانت "تطقطق" أصابعها أثناء الكلام .. وحين فعلتها أمام أبلة آمال نهرتها بحزم ورفق مع بعض وقالت "متطقطقيش صوابعك وانتي بتكلمي حد كبير" والدرس الثاني لنفس الفتاة حيث قالت لها الأبلة شيئاً ما فلم تسمعها زميلتنا فسألتها -مستوضحة-: "إيه؟" . وبرضه أبلة آمال نهرتها في رفق وحزم ونصحتها "ماتقوليش إيه .. قولي نعم أو أفندم".
ودرس ثالث افتكرته .. حين طلبت مني القيام بشيء فقلت لها "ماشي" فنهرتني في حزم ورفق :d وقالت: "ماتقولش ماشي" بس ماقالتليش اقول ايه !!
من ساعتها لا أطقطق أصابعي أمام أحد .. وأستعمل "افندم" للاستيضاح .. وأستعمل "تمام" بدلاً من "ماشي"
كانت المدرسة للتربية والتعليم

[TaoTao]

2- الأستاذ عرفة: كان مدرساً للغة العربية ودرس لي بالصفين الرابع والخامس الابتدائي وقام بالتدريس لأخوي من بعدي بنفس المدرسة .. كان رجلاً فاضلاً وحنوناً جداً وكان بارعاً في تحفيظنا قواعد النحو عن طريق تلحينها وغنائها ويجعلنا نردد خلفه هذه الهتافات المحببة لنا كأطفال، فكانت حصته ممتعة لنا ونخرج منها وقد حفظنا القاعدة النحوية كأخوات كان وحروف العطف وإن وأخواتها. وكان يقوم بوضع أسئلة مهارية جداً في النحو ويرصد لها جوائز نقدية كانت تصل لعشرة جنيهات.
جزاه الله كل خير فهو نعم المدرس ونعم من فهم عقلية الطفل وكيفية توصيل المعلومة له.
من تأثري بهذا المدرس العظيم كنت أقلد مشيته لا إرادياً ودون دراية مني فقد كان لثقل وزنه له مشية مميزة وكنت أمشيها ولاحظتها أمي ونبهتني لها (ولم تكن تدري أنها مشية أستاذ عرفة)

[OlaOsman]

موضوع قيم جدا وأنا هاستغله لإرجاع الفضل لأصحابه، وأنا أدين لكل من سأذكرهم بالفضل في تعليمي جزاهم الله كل خير:
بدايةً قضيت المرحلة الابتدائية في خمس مدارس، فلم تكن لي ذكريات مع أي من المدرسين إلا في الصف الرابع والخامس (أول مرة اقضي سنتين في نفس المدرسة :)):
أبلة آمال: (طبعا تعليم حكومي وزي ماتفضلت علا كنا بنستعمل أبلة وأستاذ): مُدرسة الرياضيات، كانت بتتنرفز لما نقول حصة "حساب" وتقول "انتو كبرتو خلاص .. المادة اسمها رياضيات".
أبلة آمال كانت تقوم في أول الحصة بطرح سؤال على ما شرحته في الحصة السابقة (الفصل كله بيكون واقف لتحيتها ولا نجلس إلا بعد إجابة السؤال). وفي آخر الحصة تعطينا مسألة لنحلها في الحصة وتقوم بترتيب الطلبة حسب سرعة حل المسألة. نظام فريد في الشرح وإخلاص غريب جداً.
الأهم من كدة أتذكر لأبلة آمال أنها علمتني درسين في التربية لا أنساهما أبداً (حيث كانت تهتم بالتربية أكثر من التعليم) الدرس الأول أن زميلتنا (كانت تنافسني على المركز الأول دائماً) كانت "تطقطق" أصابعها أثناء الكلام .. وحين فعلتها أمام أبلة آمال نهرتها بحزم ورفق مع بعض وقالت "متطقطقيش صوابعك وانتي بتكلمي حد كبير" والدرس الثاني لنفس الفتاة حيث قالت لها الأبلة شيئاً ما فلم تسمعها زميلتنا فسألتها -مستوضحة-: "إيه؟" . وبرضه أبلة آمال نهرتها في رفق وحزم ونصحتها "ماتقوليش إيه .. قولي نعم أو أفندم".
ودرس ثالث افتكرته .. حين طلبت مني القيام بشيء فقلت لها "ماشي" فنهرتني في حزم ورفق :d وقالت: "ماتقولش ماشي" بس ماقالتليش اقول ايه !!
من ساعتها لا أطقطق أصابعي أمام أحد .. وأستعمل "افندم" للاستيضاح .. وأستعمل "تمام" بدلاً من "ماشي"
كانت المدرسة للتربية والتعليم

ياه يا تامر.. هي أبلة آمال كانت من أعضاء جمعية مناهضي كلمة ماشي؟ يا ترى لو عايشة لحد دلوقتي و سمعت اللي تفضل علينا بيه أحمد مكي في فيلم دبور و بيردده الشباب عادي هاتعمل ايه؟ :K15:

[elbaz45]

انا كنت لسه بقرأ لحضرتك السيرة الذاتية (سنة اولى وظيفة) وفجأة وقف الموضوع فى شهر 8 ومش عارف السبب ولا هو كده الموضوع خلص ؟

المهم خلينا فى الموضوع ده
انا عن نفسى مش فاكر مدرسين تركوا اثر فيا ولكن صدقينى حضرتك لما اقولك ان اكتر ناس تركوا فيا علامات وحددوا بشكل كبير ملامح شخصيتى هما دكاترتى فى كلية الهندسة قسم ميكانيكا قوى (للعلم فقط انا لسا متخرج من شهر ونص يعنى دفعة السنة دى ودلوقتى بخلص فى ورق الجيش وعندى كشف طبى يوم الاربعاء القادم وربنا يستر............ادعولى) لان هذا القسم يحوى عمالقة فى التخصصات النادرة وهم بحق الرجال الذين من دونهم لن تقوم صناعة حقيقية ولان الموضوع يتطلب تحديد شخص محدد بعينه أذكر لكم
الدكتور العلامة / محمد جمال واصل (من اصدقاء دكتور زويل) ..............لماذا ؟
أولا والحمد لله انا من المتفوقين وحصلت على تقدير عام جيد جدا مع مرتبة الشرف وتقدير امتياز فى مشروع التخرج
ولكن هذا الدكتور اعطانى تقدير مقبول فى مادته ايام ما كنت فى اولى ميكانيكا قوى وكنت لسه جديد ومش عارف ليه رغم انى كنت بلغتنا مقفل الامتحان ماعدا فسوة صغيرة ملهاش لازمة ويوم ما انقص فيها كبيرها برده بامر الله امتياز
ولكن الدكتور لما طلعتله وشرحتله الموقف فهمنى حاجة اول مرة اعرفها فى حياتى وهى fatal mistake بمعنى ان فى غلطة ممكن الواحد يعملها وتتسبب فى كوارث وان الغلطة اللى عملتها فى الامتحان وكانت تافهة فى وجهة نظرى هى كارثة لو غلطها فى الحياة العملية وان اللى بيغلط غلطة زى دى معاه بيشيله المادة مفيش كلام وانه حس من طريقة اجابتى انى من المتفوقين فصعبت عليه وقال يعدينى وخلاص
ولهذا السبب لا انسى ابدا دكتور محمد جمال واصل وسنة اولى ميكانيكا لانى لو كنت شيلت مادة فى سنة اولى بعد ما كان ترتيبى التاسع على دفعة اعدادى هندسة كان زمانى مش فارقة معايا ولا كان زمانى اتخرجت بمرتبة ولا حتة مخدة قطن
هذه هى قصتى انا والدكتور

[OlaOsman]

انا كنت لسه بقرأ لحضرتك السيرة الذاتية (سنة اولى وظيفة) وفجأة وقف الموضوع فى شهر 8 ومش عارف السبب ولا هو كده الموضوع خلص ؟

آه، هو فعلا كده خلص.. ماهو أول سنة وظيفة.. يعني شهر 8 ده كنت خلاص قربت على سنة و الأحداث اللي بعد كده متعلقة بوظيفتي الحالية يعني مافيش حاجة جامدة أوي تتقال :)

شكرا ليك على المتابعة :)

[elbaz45]

آه، هو فعلا كده خلص.. ماهو أول سنة وظيفة.. يعني شهر 8 ده كنت خلاص قربت على سنة و الأحداث اللي بعد كده متعلقة بوظيفتي الحالية يعني مافيش حاجة جامدة أوي تتقال :)

شكرا ليك على المتابعة :)

بامانة مجهود جامد جدا والله الواحد مش عارف يقول ايه الصراحة
وانا بقلب فى المنتدى الاجتماعى لقيت لحضرتك موضوع عن الزواج من اجنبيات وصل 33 صفحة يعنى ما شاء الله تجاوب من الجميع حقيقى منتدى فعال بس الموضوع ده بالذات سخن شوية مش عارف ليه انما الواحد برده استفاد منه رغم انى ليا وجهة نظرى الشخصية بس مش عارف اقولها ولا خلاص حضرتك اكتفيتى من الموضوع ده .........؟

[TaoTao]

ياه يا تامر.. هي أبلة آمال كانت من أعضاء جمعية مناهضي كلمة ماشي؟ يا ترى لو عايشة لحد دلوقتي و سمعت اللي تفضل علينا بيه أحمد مكي في فيلم دبور و بيردده الشباب عادي هاتعمل ايه؟ :K15:

هي كانت من جمعية مناهضة كل ماهو ضد الذوق والأخلاق الحميدة .. كانت ضد حلاقة الشعر الغريبة .. ضد الصوت العالي .. ضد الكلمات الغير لائقة بنا -كتلامذة- يعني لما قلت "ماشي" قالتلي "ماتقللش ماشي دي أبداً ... انتو ولاد ناس" !!! يعني شايفة إن كلمة "ماشي" مايقولهاش ولاد الناس (وماقالتليش اقول ايه بدلها :)) وفضلت ثلاث سنوات لما آجي اقول الكلمة الوحشة دي ابلع لساني واسكت .. وبعدين اخترعت أو لقطت كلمة "تمام" وهي كلمة عسكرية تماماً. .. بجد جزاها الله كل خير

[elbaz45]

هي كانت من جمعية مناهضة كل ماهو ضد الذوق والأخلاق الحميدة .. كانت ضد حلاقة الشعر الغريبة .. ضد الصوت العالي .. ضد الكلمات الغير لائقة بنا -كتلامذة- يعني لما قلت "ماشي" قالتلي "ماتقللش ماشي دي أبداً ... انتو ولاد ناس" !!! يعني شايفة إن كلمة "ماشي" مايقولهاش ولاد الناس (وماقالتليش اقول ايه بدلها :)) وفضلت ثلاث سنوات لما آجي اقول الكلمة الوحشة دي ابلع لساني واسكت .. وبعدين اخترعت أو لقطت كلمة "تمام" وهي كلمة عسكرية تماماً. .. بجد جزاها الله كل خير

الكلمتين اللى انا علمتهم فى كلامك فكرونى بمدرسة المنصور الثانوية العسكرية لان كان عندنا المقدم شهبور والرائد مغربى وكانوا من الصاعقة ده طبعا بخلاف العساكر اللى معاهم وكانوا مشيبنا فلك ان تتخيل لو انا رحت المرسة متاخر مثلا ايه اللى هيحصلى يعنى ....؟
هاتعامل معاملة اسرى الحرب زحف على البطن والباقى مينفعش يتقال .....
ولو مثلا كان شعرى طويل ييجى شهبور بنفسه على المنصة ويحلق الشعر على الملأ
وطبعا لو فرض انى كنت ماشى ومش واخد بالى ان سيادة المقدم معدى وانا دايما بحب احط ايدى فى جيوبى (طبع فيا مش ذنب يعنى) يبعتلى عسكرى ويجيبنى على مكتبه علشان يقولى ان لو حصل منى نفس الفعل مرة تانية هتكون العقوبة .......
شوفت كلامك يعم قلب عليا المواجع ازاى...

يعنى حاجة افتكرتها قلت اقولها .......

[TaoTao]

الكلمتين اللى انا علمتهم فى كلامك فكرونى بمدرسة المنصور الثانوية العسكرية لان كان عندنا المقدم شهبور والرائد مغربى وكانوا من الصاعقة ده طبعا بخلاف العساكر اللى معاهم وكانوا مشيبنا فلك ان تتخيل لو انا رحت المرسة متاخر مثلا ايه اللى هيحصلى يعنى ....؟
هاتعامل معاملة اسرى الحرب زحف على البطن والباقى مينفعش يتقال .....
ولو مثلا كان شعرى طويل ييجى شهبور بنفسه على المنصة ويحلق الشعر على الملأ
وطبعا لو فرض انى كنت ماشى ومش واخد بالى ان سيادة المقدم معدى وانا دايما بحب احط ايدى فى جيوبى (طبع فيا مش ذنب يعنى) يبعتلى عسكرى ويجيبنى على مكتبه علشان يقولى ان لو حصل منى نفس الفعل مرة تانية هتكون العقوبة .......
شوفت كلامك يعم قلب عليا المواجع ازاى...

يعنى حاجة افتكرتها قلت اقولها .......

يا باشمهندس دي مش مواجع ولا حاجة إن شاء الله :).. احنا اتربينا كويس والحمد لله .. والفضل في هذه التربية لوالدينا ولمدرسينا أيام التربية والتعليم .. أكرر التربية والتعليم
والدليل إنك ماشاء الله مهندس ومتفوق وربنا يديم عليك نعمته.
مشكلة الجيل الحالي إنه مش لاقي حد يربيه لا في البيت ولا في المدرسة.

[elbaz45]

يا باشمهندس دي مش مواجع ولا حاجة إن شاء الله :).. احنا اتربينا كويس والحمد لله .. والفضل في هذه التربية لوالدينا ولمدرسينا أيام التربية والتعليم .. أكرر التربية والتعليم
والدليل إنك ماشاء الله مهندس ومتفوق وربنا يديم عليك نعمته.
مشكلة الجيل الحالي إنه مش لاقي حد يربيه لا في البيت ولا في المدرسة.

كلامك ده على راسى والله
يعنى انت اخجلتنى بزوقك العالى ده والله وعلى فكرة انا متفق معاك تماما فى اللى حضرتك قولته لان اللى الانسان بيمر بيه فى المرحلة من سن 15 الى 20 سنة بالذات فى وجهة نظرى هى اللى بتحدد ملامح شخصيته قدام
وزى ما حضرتك قولت رغم انها مواجع لكن علمتنى الانضباط
اما بالنسبة لموضوع التفوق فده على حسب توفيق ربنا هذ بالاضافة لان قسم ميكانيكا قوى "وما ظلمناهم ولكن كانوا انفسهم يظلمون-صدق الله العظيم-" قسم مفيش فيه وسط يعنى يا اما تخرج فاهم كل حاجة زى محركات سيارات , محركات طائرات , تبريد وتكييف , محطات بانواعها وحركة موائع والباشا الكبير اوى تصميم ماكينات وما ادراك ما تصميم ماكينات أو تلقط كام حاجة من كل موضوع وده مينفعش لذلك انا قبل ما اخش قسم ميكانيكا كل اللى اكبر منى سواء فى الكلية او براها قالولى لو هتخش القسم ده اعمل حسابك على مذاكرة من نوع المذاكرة اياها اللى هيا بتاعت ثانوية عامة .
الصراحة مش دى كل الحقيقة
لان كل الهندسة مكنتش حلمى انا كان حلمى ادخل كلية الطب ولكن والدى اجبرنى على علمى رياضة وبالتالى كلية الهندسة وقسم مدنى بالتحديد فانا عندت ودخلت ميكانيكا
واسف على الاطالة _ زمانى دوشتكم _

وبكرر تانى شكرى ليك عاى كلامك الجميل .......