استفسار بخصوص تقديم فيزا امريكا

[bekatcho]

كنت عايز استفسر على تقديم الفيزا وانسب حاجة ليا تكون نسبة قبولها كبيرة
انا حاليا زى ما ذكرت فى مواضيع قبل كدة فى جورجيا
انا هنا معايا شركة هو اينعم انا قفلت المحل بس الشركة شغاله
وعندى عربية تمليك
دا غير ان فى عربية فى مصر باسمى اعتقد ان اخويا لسة مش نقلها باسمه
وعايز اخد فيزا امريكا ازور قرايبى هناك واشوف لو اقدر اكمل هناك
فقدامى طريقتين وطبعا الاتنين هنزل فيهم مصر علشان اعملهم
الاول انى اخلى خالتى تبعتلى دعوة او حد من بناتها وهما معاهم الجنسية وهناك من 14 سنة
واقدم على سياحة
او انى اقدم فى معهد انجليزى واقدم على فيزا دراسة
المعهد الى لقيته مشهور وسعره رخيص من الباقين هو معهد alcc ودا الرابط بتاعه
Learn English New York City | American Language Communication Center ودا مصاريفة فى حدود 2000 دولار
ياريت ياجماعة الى يقدر يفدنى لانى محتاج احدد خطواتى فى ظرف 10 ايام بالكثير
اية اكتر حاجة نسبتها كبيرة فى ان الفيزا تتقبل
انا عارف طبعا ان مافيش حاجة مضمونة بس اية النسبة الاكبر

[أحمد كمال]

موضوع ان قرايبك يبعتوا لك ده هيصعب الموضوع مش هيسهله ..... وجود قرايب ليك هيخليك مشكوك فيك انك عايز تفلسع هناك


موضوع المعهد لازم تتاكد هو بيمنح تاشيرة دراسة و لا لأ لان مش كل المعاهد و الجامعات معتمدة في الهجرة لمنح تاشيرات للطلبة الاجانب (زي ماحنا في مصر كده في الاعلانات بيقول لك المعهد يؤجل التجنيد)


حاجة كمان اتاكد ان ينفع تقدم في السفارة في جورجيا قبل ما اقامتك تطلع لان مثلا في المكان اللي انا فيه بيشترطوا توريهم اقامة سارية ما ينفعش تقدم و انت من غير اقامة


اخيرا و ليس اخرا ....... العربيات ما بيعتبروهاش اصل ثابت بيعتبروها سلعة استهلاكية لازم تثبت ان عندك حاجات في مصر او جورجيا ترجعك زي فلوس او مشروع مربح او وظيفة بمرتب كبير الخ الخ الخ

[الاسد المهاجر]

الدي الله يرحمه كان معاه الجرين ومجوز امريكية وبعتلي زياره وكان بقاله ١٦ سنه ومنفعش لازم يكون معاه الجنسيةاجوز متاخر بعد لما عدا عليه ١٥ سنه تقريبا
وعرف ياخد الفيزا عشان كان صاحب شركة والسجل التجاري ساعتها ٢٥٠ الف كان وقتها مبلغ

[bekatcho]

موضوع ان قرايبك يبعتوا لك ده هيصعب الموضوع مش هيسهله ..... وجود قرايب ليك هيخليك مشكوك فيك انك عايز تفلسع هناك


موضوع المعهد لازم تتاكد هو بيمنح تاشيرة دراسة و لا لأ لان مش كل المعاهد و الجامعات معتمدة في الهجرة لمنح تاشيرات للطلبة الاجانب (زي ماحنا في مصر كده في الاعلانات بيقول لك المعهد يؤجل التجنيد)


حاجة كمان اتاكد ان ينفع تقدم في السفارة في جورجيا قبل ما اقامتك تطلع لان مثلا في المكان اللي انا فيه بيشترطوا توريهم اقامة سارية ما ينفعش تقدم و انت من غير اقامة


اخيرا و ليس اخرا ....... العربيات ما بيعتبروهاش اصل ثابت بيعتبروها سلعة استهلاكية لازم تثبت ان عندك حاجات في مصر او جورجيا ترجعك زي فلوس او مشروع مربح او وظيفة بمرتب كبير الخ الخ الخ

انا هقدم من مصر مش من جورجيا لان اقامتى هنا بفيزا مالتى سنة سياحة
فعلشان كدة انا عايز انزل كمان اسبوعين بالكتير اجرى فى الاجراءات دى علشان الوقت
انا معايا زى ما قلت عقد الشركة
وعندى رصيد بالبنك الاهلى بمبلغ كويس الحمدلله وممكن اقدر ازوده كمان بعون الله لما انزل
المعهد اصلا لو فتحت هتلاقى فى اختيار لما باجى اقدم واحدد الاسعار . الاختيار بيكون اول واحد لو انت من خارج الولايات المتحدة وهتحتاج تطلع تاشيرة دراسة
وبيبعتلى نموذج i-20 ودا الى باخدة السفارة وقت التقديم
انت بنظرتك شايف اية الى فرصته اكبر ليا

الدي الله يرحمه كان معاه الجرين ومجوز امريكية وبعتلي زياره وكان بقاله ١٦ سنه ومنفعش لازم يكون معاه الجنسيةاجوز متاخر بعد لما عدا عليه ١٥ سنه تقريبا
وعرف ياخد الفيزا عشان كان صاحب شركة والسجل التجاري ساعتها ٢٥٠ الف كان وقتها مبلغ

انا قدمت من سنة ونص ومش حصل نصيب وكنت مقدم كشف حساب بالمبلغ دة وقديم مفتوح من اكتر من 10 سنين وحركة دخول وخروج فلوس كتير جدا
وكان معايا جواب من الشركة الى كنت فيها ساعتها
وحجز الطيران والفندق وعقود املاك فى وقتها كان متمثلة فى عقد ارض وعربية
والقنصل مش بص فى كل دة وادانى رفض وقتها
علشان كدة انا بحاول اقوى فرصى المرة دى
طبعا هستفاد شوية من ان باسبورى فيها فيزا تانى
لكن محتاج اقوى اكتر من كدة

[canner]

اهم حاجة عندهم حساب البنك و جواب المرتب و باقى الحاجات فى المرتبة التانية

[bekatcho]

اهم حاجة عندهم حساب البنك و جواب المرتب و باقى الحاجات فى المرتبة التانية

حساب البنك موجود
وممكن اتصرف واجيب جواب عمل لانى تركت عملى طبعا لما سافرت جورجيا
بس صاحب الشركة علاقتى حلوة جدا بية وحبيبى وبيعزنى جدا جدا
فاعتقد مش هيتاخر لو طلبك منك جواب عمل

[canner]

خلاص يبقى مافيش مشاكل ان شاء الله

اولا كل ما الحساب يبقى كبير مثلا 120 الف و انت طالع كل ما يكون احسن
ثانيا برضه جواب المرتب كل ما كان فوق العشرة يبقى كويس
ثالثا حد يعرفك فى امريكا و تجيب منه جواب و تحط الميل بتاعه و رقم التليفون و يا ريت الشخص ده يبقى علاقة عمل علشان لو ممكن لو عرفوا انكم قرايب ح يفتكروا انك ح تكت عنده
رابعا سبب السفر
خامسا حجز الطيران رايح جى و حجز الفندق
سادسا لو عندك عقد شقة و كروت فيزا و ماستر كارد علشان هم سالونى السؤال ده
سابعا لو الباسبور بتاعك فيه فيزات كتيره و اختام سفر ده بيدل انك غنى و مش ح تبقى عاله عليهم هناك

[أحمد كمال]

اغلب اللي بيقدموا على دراسة لغة انجليزية بيترفضوا ...... حصلت مع اخو واحد صاحبي ..... لانهم عارفين ان دي بتبقى اشتغالة للرشق

دور على اي معهد او community college و قدم على دراسة لأي تخصص فعلي ........ مش انجليزي ...... بالعقل كده يعني هما ليه يصدقوا انك هتروح اخر الدنيا و عندك في مصر جامعة امريكية و مركز ثقافي بريطاني و و و و

[bekatcho]

خلاص يبقى مافيش مشاكل ان شاء الله

اولا كل ما الحساب يبقى كبير مثلا 120 الف و انت طالع كل ما يكون احسن
ثانيا برضه جواب المرتب كل ما كان فوق العشرة يبقى كويس
ثالثا حد يعرفك فى امريكا و تجيب منه جواب و تحط الميل بتاعه و رقم التليفون و يا ريت الشخص ده يبقى علاقة عمل علشان لو ممكن لو عرفوا انكم قرايب ح يفتكروا انك ح تكت عنده
رابعا سبب السفر
خامسا حجز الطيران رايح جى و حجز الفندق
سادسا لو عندك عقد شقة و كروت فيزا و ماستر كارد علشان هم سالونى السؤال ده
سابعا لو الباسبور بتاعك فيه فيزات كتيره و اختام سفر ده بيدل انك غنى و مش ح تبقى عاله عليهم هناك

1-الكشف ان شاء الله اكبر من 120 الف
2-جواب العمل مش واثق بس هحاول اجيب
3-بالنسبة للى يعرفنى فى امريكا للاسف خالتى وبناتها ومعاهم الجنسية فمش عارف كدة لو سالنى لما اقدم اقول عليهم ولا لا
4-حجز الطيران امر سهل .. مع انى لما قدمت قبل كدة مش سالنى على اى حاجة
5- بالنسبة للشقق للاسف مافيش حاجة ملك بس هحاول اخلى حد قريبى يكتبلى شقة واتنازله عنها بعدها علطول والفيز انا معايا الحمدلله 2 فيزا وواحدة ماستر كارت
6- الفيز : انا معايا فيزا جورجيا على باسبورى

[bekatcho]

اغلب اللي بيقدموا على دراسة لغة انجليزية بيترفضوا ...... حصلت مع اخو واحد صاحبي ..... لانهم عارفين ان دي بتبقى اشتغالة للرشق

دور على اي معهد او community college و قدم على دراسة لأي تخصص فعلي ........ مش انجليزي ...... بالعقل كده يعني هما ليه يصدقوا انك هتروح اخر الدنيا و عندك في مصر جامعة امريكية و مركز ثقافي بريطاني و و و و

بص انا ما اكدبش عليك مقلق من موضوع اللغة
بس اعرف ناس خدتها بيها
وبالنسبة ل community college كنت لسة بكلم خالتى هناك وقالتلى على الاقتراح دة لان فى واحدة قريبة منها فقتلها تسال على المصاريف وكدة علشان احدد موقفى
وانا فعلا بفكر زيك ان لو مصاريف الجامعة قريب من المعهد يبقى اقدم من الجامعة احسن

[أحمد كمال]

بص انا ما اكدبش عليك مقلق من موضوع اللغة
بس اعرف ناس خدتها بيها
وبالنسبة ل community college كنت لسة بكلم خالتى هناك وقالتلى على الاقتراح دة لان فى واحدة قريبة منها فقتلها تسال على المصاريف وكدة علشان احدد موقفى
وانا فعلا بفكر زيك ان لو مصاريف الجامعة قريب من المعهد يبقى اقدم من الجامعة احسن

و اعرف ناس كتير اترفضت لانها مهروشة شويتين ......... خلي بالك يعني .....

community college اضمن كتير

[bekatcho]

و اعرف ناس كتير اترفضت لانها مهروشة شويتين ......... خلي بالك يعني .....

community college اضمن كتير

طيب ما عندكش خلفية اسعار community college بتبدا من كام؟
ولو مش خد الفيزا المصاريف بترجع ولا لا

[bekatcho]

وسوال تانى معلش
مش علشان اقدم فى الجامعة لازم يكون اللغة بتاعتى احترافى؟

[أحمد كمال]

طيب ما عندكش خلفية اسعار community college بتبدا من كام؟
ولو مش خد الفيزا المصاريف بترجع ولا لا

ما عنديش فكرة للاسف

مصاريف الفيزا و لا مصاريف الجامعة؟ مصاريف الفيزا مش بترجع طبعا ....... مصاريف الجامعة ماعتقدش هياكلوها عليك ....... و ممكن تسال قبل ما تدفع للجامعة لو حابب تتاكد

وسوال تانى معلش
مش علشان اقدم فى الجامعة لازم يكون اللغة بتاعتى احترافى؟

كل جامعة و ليها الحد الادنى من ال TOEFL score المطلوب ..... مش كلهم بيطلبوا انك تكون شيكسبير عصرك .....

[bekatcho]

ما عنديش فكرة للاسف

مصاريف الفيزا و لا مصاريف الجامعة؟ مصاريف الفيزا مش بترجع طبعا ....... مصاريف الجامعة ماعتقدش هياكلوها عليك ....... و ممكن تسال قبل ما تدفع للجامعة لو حابب تتاكد




كل جامعة و ليها الحد الادنى من ال toefl score المطلوب ..... مش كلهم بيطلبوا انك تكون شيكسبير عصرك .....

الف شكر لتعبك
انا كلمت خالتى هناك
لان فى واحدة جنب البيت عندها
تسالنى فيها على المصاريف وكدة والتقديم وكل حاجة
ومنتظر منها الرد
واول ما يجيلى الرد هبلغكم علشان لو فى حد محتاج المعلومات دى برضو