شكرا عمرو واكد ... شرفت مصر

[Bassem Youssef]

بغض النظر انت بتحبه او بتكرهه

بس هو شرف مصر

عمرو واكد شارك في فيلم فرنسي اسمه لوسي

هو بيتعرض في الولايات المتحده دلوقتي

و ايرادته تعدت ال 200 مليون دولار

علي حسب ما سمعت

و ده تاني واحد يشرف مصر بعد محمد صلاح

عقبال التالت :d

[Adnfalcon]

انت لو تعرف عمرو واكد مثل قدام مين . . أقصد شوف كده مين بطله الفيلم . . هههه . . المصريين بيحسدوه أكتر من أبو صلاح أصلا !!

[khaled_sabry]

على فكره اللى بيتفرج على فيلم مش بيهتم يعرف جنسيه الممثلين
فتمثيله فى الفيلم ده يعتبر اضافه الى تاريخه المهنى الشخصى - و على فكره ده مش اول فيلم اجنبى يمثل فيه - هو مثل قبل كده فى فيلم sariana و ان كان حجم الدور كان صغير و مثل فيلم برضه عن صدام مع ممثلين يهود

على عكس المتاشات لإن لعيبه الكوره بيبقى اسلوب لعبهم مرتبط بجنسيتهم الى حد ما و حتلاقيه فى كاس العالم بيلعب فى المنتخب بتاع بلده و بالتالى الواحد بيهتم يعرف جنسيه اللاعب

انت لو تعرف عمرو واكد مثل قدام مين . . أقصد شوف كده مين بطله الفيلم . . هههه . . المصريين بيحسدوه أكتر من أبو صلاح أصلا !!

هههههههههههههههه
اه بطله الفيلم حكايه اصلا - انا مش فاكر اسمها دلوقتى لكن هى نفسها البطله بتاعت Captain America الجزء الثانى
انا متابعها اصلا من اول لما طلعت كاخت Buffy و بعدها فيلم Euro trip

[M.Yahia]

اسمها scarlett johansson يا جماعة .......... محظوظ اكيد مفيش كلام و بصراحة هو بيجتهد و بيمثل كويس و اكيد يكون لينا سفير فى السينما العالمية دا شئ ممتاز .

[khaled_sabry]

MBC.net - عمرو واكد عن قبلته مع سكارليت جوهانسون: لم يكن أمامي سوى الاستسلام
ايوه بقى يا وديع

[محمد يوسف]

شرفت مصر ؟؟؟؟؟؟؟؟؟

عشان اتباس من سكارليت؟

وتانى واحد بعد محمد صلاح ؟؟؟؟؟؟؟؟؟؟؟؟؟؟

ده على أساس ان أحمد زويل ومصطفى السيد ومجدى يعقوب ونجيب محفوظ ومحمد العريان و...الخ دول شرفوا كمبوديا؟

بلد بقت قدوتها الممثلين ولعيبة الكورة .... تبقى بلد حمادة بالجنزبيل

[MTAK]

على فكره له فيلم انجليزى اسمه صيد السلمون فى اليمن

و كان بطوله له

و بصراحه عجبنى تمثيله فى الفيلم رغم انه فيلم محدش كتير سمع عنه

---

اما حكايه شرف مصر و غيره

فأنا ارى ان دا شغله عمله فى مصر او برا مصر فمصر مش هاتكسب حاجه و الا كانت كسبت من داليدا و عمر الشريف من زماااان

[S.h.a.h.e.r]

هو دا الشرف من وجهة نظرك؟؟؟؟؟؟؟؟؟؟
واسلاماه

[khaled_sabry]

شرفت مصر ؟؟؟؟؟؟؟؟؟

عشان اتباس من سكارليت؟

انا متفق معاك فى اختلال المقايس اللى احنا عايشين فيه - بس عادى ياعم ماتخدهاش على اعصابك
و ادعى اننا نقدر نشرف مصر احنا كمان

[minicooper20]

ههههههههههه مفروض اليوم السابع بعد الفيلم
تنشر على لسان اسكارلت لم انجح فى مقوامه جاذبيه الرجل المصرى
و الاهرام تقولك عمر واكد يتجه لافلام البرنو لىووول
الوطن بوسه عمر واكد الاكثر بحثا على اليو تيوب خى و رباب بتاعت الهرم ههههههههههههه
اعلمنا العظيم
شويه جد
الوالد بيمثل كويس و اكيد مش هيشارك فى فلم زى ده و هو مش موهوب

[ahmzd]

فعلا الموازين مختلّة والقدوات ضايعة، لكن الفن في حد ذاته رسالة جميلة وخطيرة في نفس الوقت، فإذا أُحْسِنَ استغلالها، وركزت على دعم منظومة قيم نبيلة وأخلاق حميدة وسلوكيات إيجابية، لربما كانت أكبر أثرا وأعمق مفعولا في رقيّ وتقدم وتحضّر أي مجتمع.. والله أعلى وأعلم.

[dede_dodo88]

هو بعيداً عن سكارليت , فهو كفاية أنه مثل قدام ممثل بحجم مورجان فريمان :)

[S O P H O S]

جانب فني
عقبال باقي الجوانب المنسية

[aymanshebl]

البلد ديه مش هيبقى ليها اى لازمة الا بالعمل و اتقانه كمان و ده من وجه نظرى المتواضعة مستحيل فى ظل بطالة و جهل و بلطجة و امية .العالم بيتحترم اليابان و ليها تانى اقوى اقتصاد على مستوى العالم بسبب التفانى و اتقان العمل و الابتكار ليس الا