عايز اخد كورسات انجليزى باسكندريه فى مكان محترم

[YahiaAshraf]

مساء الخير يا شباب

انا دلوقتى عايز اخد كورسات انجليزى فى اسكندريه بس يبقى مكان محترم ويخلينى اقدر اتكلم انجليزى زى العربى يعنى نفسى لما اسمع حد بيتكلم انجليزى افهمه على طول من غير ما افكر

لان طبيعة دراستى الجامعية هتبقى كلها بالانجليزى فانا قولت استشيركم ايه رايكم ايه المكان الكويس

[abohend]

عن تجربة

أنا خريج 2008
بدأت ف 2005 و أنا اخد كورسات أنجليزي
جربت الأكاديمية فميامي و المركز المصري الأمريكي فرشدي

الموضوع بيعتمد بشكل كبير على الinstructor
أنت و حظك الlevel بتاعك بعد إمتحان تحديد المستوى هيبقى المدرس شكله ايه و المجموعة تساعد و لا ناس جاية تهزر و تتهايف

بدأت فlevel 16 فالأكاديمية
خدت 16 و 17 و ووقفت
(هما 20 مستوى)

و دخلت فالمركز المصري الأمريكي level 11 و أكتفيت
(هما 13)

إمتحان تحديد المستوى للمركز المصري الأمريكي أقوى من الأكاديمية و عدد المجموعة أقل

ساعتها كان االمستوى فالأكاديمية ب240 جنيه
و فالمركز المصري الأمريكي ب300 جنيه
مش عارف الأسعار دلوقت ايه
لا أنصح بالbritish council
عوجان زيادة و مصاريف رهيبة و كده كده بيدخلك على مستوى معين عشان تدفع كتير مهما كان مستواك
كان في بنت لبلب و أمها أصلا أمريكانية و البنت بتتكلم و لا الأنجليز بس كانت جايه عشان محتاجة الشهادة لكن مرضيوش يدخلوها أعلى من مستوى معين برضه
أستخير ربنا و بالتوفيق