عن كورس ielts المعهد البريطانى

[khaled_sabry]

ياريت لو حد يعرف معلومات اكيده عن كورس الانجليزي فى المعهد البريطانى الممهد لإختبار
IELTS - General
و ايه مدته (سواء المكثف ام العادى) و تكاليفه

[M.Mosaad]

اعتقد المكثف بيبقي شهر المرة 5 ساعات و العادي 3 شهور - بيبقي مركز علي تدريبك علي طريقة الامتحان بس ...........

نصيحه لو مستواك كويس في الانجليش فانت مش هتحتاج الكورس كفايه جدااا تذاكر كتب كامبريدج ال9

Cambridge IELTS 9 Full - Download - 4shared

Cambridge ielts 1 to 8 Series With Answers - Download - 4shared - Pawinee Kulsirichai


و في كتابين روعه في الرايتنج
Ace the Ielts
How to write At 9 level

جرب نزل كتب كامبريدج و حل امتحان و شوف مستواك واصل فين

[Land_Cruiser]

لو عايز ممكن تكلم ال call center بتاع المعهد البريطاني علي رقم 19789 و تسألهم علي اي حاجه محتاج تعرفها

[عبدالحكيم]

ادخل على الصفحة المخصصة لاختبار آيلتس على موقع المجلس الثقافي البريطاني - مصر. ستجد تفاصيل كاملة عن الدورات المتاحة، العادية والمكثفة. وكذلك مواعيد الامتحانات..

سأقص عليك تجربتي الشخصية في شهر مارس الماضي وقد تستفيد منها.. امتحنت ونجت في آيلتس بدون دورات ولا مصاريف إضافية..

أولاً: دخلت على موقع المجلس الثقافي البريطاني هنا في الإمارات وحجزت موعد الامتحان ودفعت بالكريدت كارد..

ثانياً: أرسلوا لي باقة كاملة - على البريد الإلكتروني - من المواد المخصصة للتدريب على الامتحانات، واختبارات عملية بالإجابات النموذجية بمستويات مختلفة تناسب كل الطلاب..

ثالثاً: كنت أتدرب عليها من البيت.. تحس كأنك دخلت امتحان فعلي.. وكل هذه المواد ترسل لمن يحجز أونلاين فقط..

رابعاً: دخلت أيضاً على موقع يوتيوب وشاهدت مقاطع فيديو متخصصة في الإعداد لـ آيلتس بجميع فئاته الفرعية: الاستماع والكتابة والمحادثة والقراءة.. ستجد مئات من مقاطع الفيديو الممتازة

النتيجة: امتحاني كان آيلتس أكاديمي وحصلت على درجة عامّة 6.5.

نتائج الاختبارات الفرعية (subscores) كانت كما يلي: المحادثة 7.5، القراءة 7، الاستماع 6، الكتابة 6. ولهذا تم حساب درجتي الكلّية بأنها 6.5، وهي الدرجة المطلوبة من غالبية المؤسسات التعليمية أو التجارية في العالم

بالتوفيق إن شاء الله

[khaled_sabry]

ادخل على الصفحة المخصصة لاختبار آيلتس على موقع المجلس الثقافي البريطاني - مصر. ستجد تفاصيل كاملة عن الدورات المتاحة، العادية والمكثفة. وكذلك مواعيد الامتحانات..

سأقص عليك تجربتي الشخصية في شهر مارس الماضي وقد تستفيد منها.. امتحنت ونجت في آيلتس بدون دورات ولا مصاريف إضافية..

اعتقد المكثف بيبقي شهر المرة 5 ساعات و العادي 3 شهور - بيبقي مركز علي تدريبك علي طريقة الامتحان بس ...........

نصيحه لو مستواك كويس في الانجليش فانت مش هتحتاج الكورس كفايه جدااا تذاكر كتب كامبريدج ال9

والله كلامكم مشجع جدااا
لإنى فعلا مستعجل على دخول الامتحان و حيبقى صعب عليا شويه الالتزام فى كورس لمده 3 اشهر
بصو انا مستوايا فى الانجليزي مش متقدم اوى و لا متأخر
بالنسبه للسمع : مثلا ممكن اتفرج على فيلم اجنبى عادى بدون ترجمه و ابقى فاهم 70%الى 80% تقريبا من الحوار - طبعا النسبه دى بتخليني فاهم القصه كويس
بالنسبه للتحدث : و عملت قبل كده اكتر من مره انترفيوهات انجليزي مع اجانب و اتعاملت برضه مع اجانب بشكل طفيف و ببقى فاهم كويس اللى بيقلوه لكن احيانا الالفاظ بتوهه من دماغى لما ارد
الكتابه : للاسف مقصوره على ميلات فى الشغل فقط و بيبقى فيها اخطاء املائيه - بس ربنا يخلى جوجل
قرائه : اقدر اقرى مقالات متوسطه عادى لكن ببطئ لو فيها تفاصيل كتير

حسب الكلام السابق تنصحونى اذاكر مع نفسى و لا ادخل الكورس احسن ؟

[M.Mosaad]

والله كلامكم مشجع جدااا
لإنى فعلا مستعجل على دخول الامتحان و حيبقى صعب عليا شويه الالتزام فى كورس لمده 3 اشهر
بصو انا مستوايا فى الانجليزي مش متقدم اوى و لا متأخر
بالنسبه للسمع : مثلا ممكن اتفرج على فيلم اجنبى عادى بدون ترجمه و ابقى فاهم 70%الى 80% تقريبا من الحوار - طبعا النسبه دى بتخليني فاهم القصه كويس
بالنسبه للتحدث : و عملت قبل كده اكتر من مره انترفيوهات انجليزي مع اجانب و اتعاملت برضه مع اجانب بشكل طفيف و ببقى فاهم كويس اللى بيقلوه لكن احيانا الالفاظ بتوهه من دماغى لما ارد
الكتابه : للاسف مقصوره على ميلات فى الشغل فقط و بيبقى فيها اخطاء املائيه - بس ربنا يخلى جوجل
قرائه : اقدر اقرى مقالات متوسطه عادى لكن ببطئ لو فيها تفاصيل كتير

حسب الكلام السابق تنصحونى اذاكر مع نفسى و لا ادخل الكورس احسن ؟

زي ما قلتلك حل امتحان و شوف نفسك واصل لفين
و بالنسبة للرايتنج في مواقع بتبعت اللي انت كاتبه يقيموه و اعتقد في البريتش كاوسيل ممكن تعمل كدة برضة
بس ابتدي و حل امتحان الاول شوف الدنيا اخبارها ايه معاك

[عبدالحكيم]

وفقاً لتوضيحك، أنت تحتاج لدورة مكثفة من الإعداد (intensive course).. المذاكرة بمفردك لن تفيد في حالتك..


أولاً: بالنسبة للكتابة: أنت قلت أن خبرتك تقتصر على كتابة إيملات الشغل. هذا غير كاف لأنه سيطلب منك كتابة موضوعين باللغة الإنجليزية، موضوع كبير 250 كلمة وآخر صغير في حدود 150 كلمة، وستحاسب لو أخطأت في القواعد اللغوية أو النحوية.. اختبار الكتابة يكون بالورقة والقلم وليس على الكمبيوتر، وبالتالي درجة الإتقان لابد أن تكون عالية في ظل عدم وجود مصحح تلقائي للغة..


ثانياً: بالنسبة للاستماع: مشاهدة الأفلام بدون ترجمة فائدتها قليلة هنا. ذلك لأن اختبار آيلتس في الغالب يكون بلهجة بريطانية وليست أمريكية، ويعتمد على سرعة البديهة. إذن أنت تحتاج للتدريب على السماع وسرعة فهم الإجابات الصحيحة..


ثالثاً: بالنسبة للمحادثة: أنت تقول بأنك تعاملت مع الأجانب بشكل "طفيف". أنا لا أريد أن أصدمك لكن اختبار المحادثة هو "بعبع" الـ آيلتس. يحتاج لإعداد طويل ونطق صحيح وتركيز جيد


اختبار المحادثة يكون وجهاً لوجه مع ممتحن بريطاني وفي الغالب لا يزيد عن 14 دقيقة، أصعب ما فيه أنه سيطلب منك أن تتحدث عن موضوع معين وتظهر قدراتك اللغوية. أنا ذاكرت مواضيع كثيرة مثل التغير المناخي والاحتباس الحراري والسياحة، الخ.

ثم فوجئت به يقول لي: حدثني عن فيلم شاهدته فكرهته ولماذا؟!

بحثت في دماغي بسرعة فظهر أمامي "فيلم هندي" بطولة أحمد آدم وصلاح عبد الله. أنا فعلاً أكره هذا الفيلم. تحدثت عن تفاهته وسطحيته وكيف أنه ينتمى إلى سينما اللامعنى! أعجبه ما قلت وأعطاني 7.5 من 9!! هو لا يهمه رأيك في أي شيء، المهم هو لغتك!

[help4me]

طيب حد عنده معلومة عن سعر الامتحان بس بدون الكورس و هل الشهادة من المعهد البريطانى معتودة دوليا و لا لا

[drcobra]

بعد اذن صاحب الموضوع
ياريت ياجماعة لو فية مكان تانى بيدى كورسات مكثفة للاعداد للايلتس