محتاج راءيكم فى المشكلة دى

[hitman235]

انا مسافر من كذا سنه للعمل و عندى مشكله فى البحث عن شريكة حياه بنت ناس فى مشوارى ده اتعرفت على بنت عن طريق الاهل مؤخرا و انا مسافر انا استحرمت اكلمها بدون اى ارتباط فكلفتواهلى يقروا فاتحتها لحد ما انزل اجازة فى فترة الشهرين البنت كانت بتعاملنى كويس و بتكلمنى كويس واهلها مثلوا دور الناس المحترمة انا نزلت احازة مخصوص علشان اتم الخطوبة و كلفت نفسى شبكة و قاعه وفسح خلال شهر اجازة قعدته معاهم وبعد ما رجعت شغلى باسبوع لقيتهم و بدون مقدمات مصرين على انهاء الخطبة بحجج واهيه ورجعوا الشبكة و عرفت مؤخرا ان سبب الفشكله ان اتقدم لها عريس تانى بعد ما سافرت و هما شافوا مصلحتهم معاه واتخبط ليه بعد فركشتى بايام علما بانه كان متقدملعا قبل كده و اترقض سؤالى بقى هل ده يصح هل ده من الاخلاق انا مكنتش مرتبط بالبنت اوى لان مستواهم الاجتماعى كان اقل متى كتير يعتبر شعبى بس للاسف اتخدعت فى تمثيل دور الاخلاق الحميدة الى رسموه عليا انا متضايق لانى حاسس انى ااخدعت و اتهنت بسبب تصرفاتهم ومش عارف ارد على الموقف ده ازاى وارد الاهانه دى ازاى مع الاشكال دى

[Sameh samy]

احمد ربنا والموضوع نصيب ولا فية اهانة ولا حاجة ويمكن لو خدتها مكنتش ارتحت معاها خالص وتعبت في حياتك

[cameeron]

انا مسافر من كذا سنه للعمل و عندى مشكله فى البحث عن شريكة حياه بنت ناس فى مشوارى ده اتعرفت على بنت عن طريق الاهل مؤخرا و انا مسافر انا استحرمت اكلمها بدون اى ارتباط فكلفتواهلى يقروا فاتحتها لحد ما انزل اجازة فى فترة الشهرين البنت كانت بتعاملنى كويس و بتكلمنى كويس واهلها مثلوا دور الناس المحترمة انا نزلت احازة مخصوص علشان اتم الخطوبة و كلفت نفسى شبكة و قاعه وفسح خلال شهر اجازة قعدته معاهم وبعد ما رجعت شغلى باسبوع لقيتهم و بدون مقدمات مصرين على انهاء الخطبة بحجج واهيه ورجعوا الشبكة و عرفت مؤخرا ان سبب الفشكله ان اتقدم لها عريس تانى بعد ما سافرت و هما شافوا مصلحتهم معاه واتخبط ليه بعد فركشتى بايام علما بانه كان متقدملعا قبل كده و اترقض سؤالى بقى هل ده يصح هل ده من الاخلاق انا مكنتش مرتبط بالبنت اوى لان مستواهم الاجتماعى كان اقل متى كتير يعتبر شعبى بس للاسف اتخدعت فى تمثيل دور الاخلاق الحميدة الى رسموه عليا انا متضايق لانى حاسس انى ااخدعت و اتهنت بسبب تصرفاتهم ومش عارف ارد على الموقف ده ازاى وارد الاهانه دى ازاى مع الاشكال دى

اخويا العزيز
اياك اياك اياك تتغاظ او تضايق ده انت مفروض تبعتلهم جواب شكر و تاخد بوكيه ورد حلو كده و تروح تحضر فرح البنت دى لانهم خدموك خدمة كبيرة جدا جدا و بعدوا عنك انسانة انتهازية كنت هاتلبسها طووووووول العمر و تعيش العمر متنكد خاصة انك شغال فى الغربة فماكنش هيبقى فى وشك غيرها فاللى زى دى ده انت تصلى ركعتين شكر ان ربنا بعدك عنها

حصللى زمان اخو موقفك ده بالظبط بالظبط و كنت فى نفس حالتك بس صدجقنى هما اللى مساكين لانهم هيخسروا انسان محترم زيك
و عارف بقى كمالة قصتك اللى حصلتلتى انها اكتشفت ان العريس اللى عملت كده معاه سابته لانه طلع خاين و بتاع بنات و رجعت تطلب اننا نرتبط تانى و رفضتها بالثلث طبعا
فماتخخافش انتقام ربنا قادم قادم لا محالة لان ولاد الناس مش لعبة و ربنا موجود و بكرة تسمع و تشوف
و بعيد عنها انتبه لحالك و انسى الموضوع ده تماما و كانه ماحصلش و حاول تدور بنفسك عن بنت الحلال و قابل و شوف مرة و اتنين و عشرة ماتكسفش و ماتنشغلش بالشغل زيادة عن اللزوم لان اذا كان الشغل هو جزء من حياتك فالموضوع ده الجزء التانى المهم بنفس الدرجة لانه لو منغص عيشتك لا هتعرف تركز فى شعل و لا هتلاقى للحياة متعة
و فى الاخر اقرا مقولة سيدنا على بن ابى طالب بتمعن يمكن تستفيد بيها فى الموقف ده

[Bassem Youssef]

احمد ربنا انهم بانو علي حقيقتهم قبل ما الفاس تقع في الراس و اديك اخدت شبكتك مره تانيه و محدش بيتعلم ببلاش

[drcobra]

طيب لو كانوا استمروا فى تمثيل دور الاخلاق حتى بعد الزواج وبعدين عرفت حقيقتهم ... كنت هتعمل اية؟
بالسلامة والقلب داعيلهم

[islam_lee]

"حاسس انى ااخدعت" ..
ده أنته رنا نجاك يا ريس .. و عرف من بابيعك و مين شاريك بدري ..
بدل ما كنت تعرف متأخر ..
أحمد ربنا ,,

[mostafa3000]

احمد ربنا

[hugan]

بالعكس المفترض انك تفرح مش تزعل
ربنا قدر الخير بائنهم ظهروا علي حقيقتهم

[hugan]

محتاج مساعده في الراءي وحكم شرعي

حذف للتكرار

[طارق _عبد السلام]

انت ربنا نجاك منهم
لكن اللى وقع فى حرمانيه اللى خطب على خطبتك

[elpasha1]

كانت هتعيش معاك فل ومع اول عيل كنت هشوف ايام اسود من قرن الخروب
ومحاكم وقواض ي وللاسف المحاكم في صف الست بغض النظر عن ملابسات الموضوع

دي ناس واطية لمواخذةوربنا نجاك

[aimank]

احمد ربنا انهم رجعوا الشبكة وربنا هيعوض عليك بالاحسن