محتاج مساعده في الراءي وحكم شرعي

[hugan]

الاخوه الافاضل
انا من فتره ابحث عن قطعه ارض او بيت في الشروق
المهم لفيت كتير علي مكاتب سمسره
واحد منهم عرفني علي بيت واتفقت مع اصحابه علي الشراء
وعلي نسبه معينه للسمسار
المهم توقفت البيعه لعدم توافر المبلغ المطلوب
كده خلاص السمسار مالوش فلوس عندي والموضوع انتهي
السؤال
لو قدرت اجمع الفلوس تاني
واتصلت بصحاب البيت وخلصت معاهم البيعه
كده في حرمانيه في ان السمسار ماياخدش حاجه
ولا لازم ياخد النسبه المتفق عليها
ولا ياخد اي مبلغ تقديري مني ليه
حتي لو خلصت انا مع اصحاب البيت بدون وجوده
ارجو الافاده وارائكم
ولو في حكم شرعي

[هيثم مجدي]

المسلمون عند شروطهم.

انت تقدر تتفاوض معاه على تقليل العمولة, و دا بيحصل دائما في أي عملية بيع فيها وساطة. مفيش نسبة ثابته للسمسار و على حد علمي مفيش سمسار بياخد أبدا النسبة الي اتفق عليها و دائما فيها تفاوض.

لكن هو وسيط التعارف على البائع, و حرام تضيع حقه لان انت اتفقت معاه.

[mmolazem]

رأيى الشخصى :
اظن هو ليس من حقه سمسره لأن البيعه لم تتم ، و لكن من حقه أن يبحث عن مشترى جديد . .
و لكن طالما هو الذى أوصلك الى المالك و بدونه كان من الممكن ألا تعرف هذا البيت أو مالكه ،
بالإضافة الى ان هذا عمله و مصدر رزقه ، فيمكنك التفاهم معه على الترضية المناسبه فى حالة إتمام الشراء .

موقف مشابه حدث معى و كان المالك هو الذى يريد أن يحرم السمسار من عمولته و لم أقبل بذلك
و دفعت للسمسار المبلغ الذى يخصنى أما ما يخص المالك فتركتهم يتفاهموا مع بعض .

[hugan]

المسلمون عند شروطهم.

انت تقدر تتفاوض معاه على تقليل العمولة, و دا بيحصل دائما في أي عملية بيع فيها وساطة. مفيش نسبة ثابته للسمسار و على حد علمي مفيش سمسار بياخد أبدا النسبة الي اتفق عليها و دائما فيها تفاوض.

لكن هو وسيط التعارف على البائع, و حرام تضيع حقه لان انت اتفقت معاه.

لاء طبعا استحاله اضيع حقه لائنه السبب في معرفتي بالبيت

رأيى الشخصى :
اظن هو ليس من حقه سمسره لأن البيعه لم تتم ، و من حقه كذلك أن يبحث عن مشترى جديد . .
و لكن طالما هو الذى أوصلك الى المالك و بدونه كان من الممكن ألا تعرف هذا البيت أو مالكه ،
بالإضافة الى ان هذا عمله و مصدر رزقه ، فيمكنك التفاهم معه على الترضية المناسبه فى حالة إتمام الشراء .

موقف مشابه حدث معى و كان المالك هو الذى يريد أن يحرم السمسار من اتعابه و لم أقبل بذلك .

صاحب البيت فعلا
يبحث عن مشتري
علي وعد منه لو جمعت الفلوس هاشتري انا
ظهر ليه مشتري قبل ماالم الفلوس هايبيع لاءي حد غيري
المشكله فعلا ان في 2سمساره واحد من طرفهم بالاتفاق مع السمسار اللي من طرفي
ال2 سمساسره مربطين مع بعض
صاحب البيت عرض علي فعلا انه يخلص معايا بدونهم
انا رفضت
لكن الكلام ده كان قبل توقف البيع

[طارق _عبد السلام]

انت رجل محترم طبعا هو حقه لانه هو اللى عرفك عليهم خلص مفاوضاتك مع صاحل البيت وبعدين اتصل بيه هو هيقدر الكلام ده وظبط معاه فى التخفيض لانك بكده كنت هتضيع عموله البائع كمان

[mustafavet]

بعد ما تخلص البيت
ادفعله اللي يرضي ربنا

[hugan]

انت رجل محترم طبعا هو حقه لانه هو اللى عرفك عليهم خلص مفاوضاتك مع صاحل البيت وبعدين اتصل بيه هو هيقدر الكلام ده وظبط معاه فى التخفيض لانك بكده كنت هتضيع عموله البائع كمان

تمام
ان شاء الله

بعد ما تخلص البيت
ادفعله اللي يرضي ربنا

ان شاء الله

[exelence]

سؤال بعيد عن الموضوع ممكن اعرف اسعار البيوت هناك كام و المساحات المتوفره كام حتى لو تبعتلى الموضوع فى رسالة و اكون شاكر ليك جدااااااا"

[wawamoha]

ربنا يباركلك
لو دفعتله عمولته بعد ما يخلص .. هاتبقى رضيت ربنا ان شاء الله

ودي مش فتوى شرعيه - بس من مكارم الاخلاق اللي تعارف عليها المسلمون و اانقرضت من مجتمعنا اللي كان متدين بطبعه ...