محتار في نوع الديب فريزر أرجو النصيحة

[mo7a_mo7a]

السلام عليكم ورحمة الله وبركاته

نويت أشتري ديب فريزر راسي

طبعاً افضل ماركة موجودة هي توشيبا لكن غير متوفر وبيتباع سوق سوداء ب 3500 جنيه
طبعا كمسالة مبدا مش حشتريه باغلي من سعره الرسمي اللي هو 2740 وان حد يحط في جيبه 750 جنيه زيادة من فلوسي اونطة فوق مكسبه كمان

المهم

الانواع الموجودة كريازي جيد لكن تقفيله سئ جدا جدا تحس انه معكوك

الاسكا صغير وصيانته فيها مشاكل

وايتويل غالي علي امكاناته وخاماته ضعيفة

اخيرا توصلت لديبفريزر زانوسي سعره 3220 تقفيله جديد ومساحته مقبولة

المشكلة هي ان في ناس مخوفني من الصيانة بتاعة شركة زانوسي (اوليمبك جروب)


فلو حد من حضراتكم يقدر ينصحني بلافضل اكون شاكر


تحياتي

[7oda.mohamed]

ارستون كويس برضو

[mo7a_mo7a]

ارستون كويس برضو

بس غالي جدا 4900 جنيه

[amr011111]

وايت بوينت واحسن من توشيبا كمساحه ادراج وشكله شيك

لو شوفت توشيبا على الطبيعه هتلاقي ادارجه صغيره بالمقارنه بوايت بوينت

[أحمد كمال]

اريستون

[Mohamed A S]

لسه جايب توشيبا 5 درج ورف من اسبوعين 3300 وعارف انه غالي بس جبته علشان ضمانه 10 سنين ومعقول جدا مش ضيق ولا حاجة، ولما روحت معرض توشيبا علشان اسال عليه قالو مش موجود وهتلاقيه بصعوبه وممكن سعره يوصل على العيد 4000 جنيه. وكنت محتار بينه وبين زانوسي التركي 6 درج بس قلقت من الترموستات الديجتال وانه مستورد وقطع الغيار والكلام دا ومن ضمان أوليمبك 5 سنين على فكرة الزانوسي 6 درج في عمر افندي 3090 اللون الأبيض.
قبلها كنت سألت اثنين من بتوع الصيانة كنت بتعامل معاهم في تصليح أجهزة منزلية قالولي توشيبا لو لاقيته أو الاسكا دي فروست مش نو فروست مع ان فيه فرق شاسع بين الاثنين في السعر حوالي 900 جنيه بس قالو دول احسن حاجتين وصيانتهم سهلة. وفي النهاية صليت استخارة وجبت بعدها التوشيبا.

[boomboomzoro]

السلام عليكم
لو حضرتك ممكن تصبر شويه ممكن تزور أي معرض من توشيبا و تسيب إسم حضرتك في قائمه إنتظار و أول ما بينزل بيكلموا حضرتك و بتدفع فقط السعر الرسمي بدون زياده و ده حصل معايا في خلال إسبوع

لو الفكره ديه مش ممكنه...ممكن حضرتك تشوف نوع إسمه بيكو...ماركه تركي جيده في السعر و الجوده
بس بصراحه أنا لم أجربها و لكن شاهدت كثير من منتجاتها و مستوي تقفيلها

ربنا يكتب لحضرتك الخير و مبروك مقدما

جزاكم الله خيرا

[Abo Yasso]

توشيبا موجود وفوق الممتازروح اسواق عبد العزيز فى مدينه نصر موجود هناك كا الالوان ماعدا السلفر بالحجز والسعر بتعهم 2899 ده الخمسه درج ورف بس الرف كبير ب = درج
سيبك من التيلفون متكلمهمش فى التيليفون المعرض قريب من النادى الاهلى والتوصيل مجانا لآى مكان
بس حاول تنجز عشان انت داخل على موسم لحمه والناس بتبقى عاوزه تخزن ف بيزيد الطلب
ربنا معاك وابقى طمنى عملت ايه

[احمد المصرى]

بعد بحث حوالى اسبوعين توشيبا اكنه مخدرات ولما لقيته لقيته صغير جدااااااااااااااااااااااا افضلهم من وجهه نظرى زانوسى افضلهم كمساحه وصيانه والحمد لله اشتريته من اسبوع تقريبا

[walidmhafeez]

انا عندي تلاجة زانوسي من اكتر من سنتين بضمان اوليمك جروب هي الصراحة زي الفل و تقريبا معملتش مشاكل الا مرة واحدة من حوالي شهر التلاجة مش راضية تشتغل خالص, كلمتهم تاني يوم كانوا عندي و الراجل بتاع الصيانه اللي كلمتوا في التيلفون خد مني توصيف العيب بالضبط و جي تاني يوم و غير التايمر في اقل من 10 دقائق و قالي ان باظ نتيجة الكهرباء اللي بتقطع و ترددها اللي مش مضبوط, بس غيرلي التايمر و حسبه من الضمان (5 سنين) و ما خدش ولا مليم
بضراحة عاجبني الصيانه و خدمة العملاء بتاعتهم بيتصرفوا بسرعة و فاهمين شغلهم كويس

[mohamed hussei]

انا كمان في نفس مشكلة بدور علي توشيبا 7 درج

[Mohamed A S]

انا كمان في نفس مشكلة بدور علي توشيبا 7 درج

مفيش توشيبا 7 درج هما مودلين
5 درج ورف
4 درج ورف

[Abo Yasso]

انا كمان في نفس مشكلة بدور علي توشيبا 7 درج

مفيش 7 درج توشيبا
5 و رف او 4 و رف

[mohamed hussei]

طب اية احسن نوع لو ملقناش توشيبا ؟

[Abo Yasso]

طب اية احسن نوع لو ملقناش توشيبا ؟

مش هقدر افترض الافتراض ده
لآنه موجود فعلا وبالسعر اللى ده فى المكان اللى قلتلك عليه
لازم تاخد قرارك بسرعه اكبر من كده عشان انت داخل على موسم